Cymuned@BywydCampws

Rhowch hwb i'ch cyfrif banc a helpwch yr amgylchedd drwy beidio â dod â'ch car i Abertawe.

Nid oes parcio ar gampws i fyfyrwyr rhwng 8am a 4pm, Dydd Llun i Ddydd Gwener, felly os ydych chi'n byw ar neu'n agos i'r campws yna beicio neu cerdded yw eich ffurf gorau o deithio. 

Y ffordd fwyaf effeithiol o ddatrys y rhan fwyaf o faterion cymunedol yw adnabod eich cymdogion a chyfathrebu mewn modd deallgar a chymdogol.

 Mae gan unrhyw un sy'n byw mewn tŷ, boed yn denant neu'n berchennog, yr hawl i fyw ynddo a mwynhau'r tŷ. Gallai'r mwynhad hwn gynnwys gweithgareddau a allai fod yn aflonyddgar ym marn eich cymydog, ond nid yw hyn yn golygu bod cwynion yn gofyn i chi wneud mwy na thrafod y broblem yn anffurfiol.

 Drwy gyfnewid rhifau ffôn, er enghraifft, gallwch agor llinell gyfathrebu i drafod problemau, materion neu gwynion. Mae hyn yn golygu bod eich cymdogion yn fwy tebygol o gysylltu â chi'n uniongyrchol yn ystod y sefyllfa sy'n tarfu arnynt, yn hytrach na chwyno i'r tîm Cymuned neu'r heddlu lleol.

 Mae'n gwrtais hefyd roi gwybod i'ch cymdogion ymlaen llaw os ydych yn bwriadu cynnal digwyddiad yn eich cartref a allai darfu arnynt. Mae neges destun neu nodyn drwy'r blwch llythyrau bob amser yn cael ymateb da, yn ogystal â rhodd fach megis siocledi neu flodau os aeth yr hwyl yn y tŷ ymlaen yn arbennig o hwyr.

 Rydym ni'n cynghori cymdogion i siarad â'i gilydd ag empathi a cheisio meddwl am sut bydden nhw'n teimlo pe tasai'r rolau i'r gwrthwyneb, gan obeithio datrys problemau eu hunain pan fo'n bosibl. Fodd bynnag, os nad yw hyn yn llwydo, gallwch gysylltu â'r tîm am gymorth i gyflafareddu gwrthdaro a thensiwn rhwng cymdogion os oes ei angen.

Os ydych chi'n byw oddi ar y campws heb fod mewn llety i fyfyrwyr, bydd angen i chi ddefnyddio gwasanaeth casglu sbwriel y Cyngor, a'i wasanaeth ailgylchu wrth ymyl y ffordd, er mwyn rheoli eich gwastraff yn gywir.
Gallwch ddod o hyd i'r holl wybodaeth hanfodol ar wefan Cyngor Abertawe a threfnu popeth yn unol â hon.

Mae gan aelwydydd mewn cymdogaeth gyfrifoldeb i gynnal a chadw eu tai – p'un a ydynt yn berchen ar y tŷ neu’n ei rentu – mewn ffordd lle na fydd yn effeithio ar iechyd, diogelwch neu fwynhad eu cymdogion.

Eto, argymhellir ichi drafod pryderon yn breifat â'ch cymdogion cyn adrodd am broblem wrth yr awdurdodau, oherwydd gallai fod rheswm dilys am ymddygiad rhywun, a gellir dod o hyd i atebion a fydd yn gallu meithrin perthynas well a mwy o ddealltwriaeth.

Gall byw drws nesaf i gartref sy'n actif ar wahanol adegau i'ch un chi fod yn anodd, felly byddwch yn ystyriol o'ch cymdogion. Os ydych chi, neu eich cymdogion yn cael problemau gyda sŵn, dylech gyfathrebu a dod o hyd i ffordd i siarad â'ch cymdogion fel cam cyntaf - a thrafod sut y gallwch weithio ar leihau sŵn. Mae cael manylion cyswllt ar gyfer eich cymdogion yn golygu y gallwch gysylltu â nhw yn uniongyrchol ac ar unwaith os ydych yn aflonyddu arnynt, neu os ydynt yn aflonyddu arnoch. Efallai nad ydych yn sylweddoli eich bod yn swnllyd, felly trafodaeth yw'r ffordd orau o ddechrau bob amser!

Sut gallwch atal sŵn gormodol rhag dod o'ch cartref?

• peidiwch â rhoi seinyddion ar y waliau
• gwnewch yn siŵr eich bod yn gallu clywed cloch y drws uwchben y gerddoriaeth neu'r teledu
• cadwch lefel y sŵn yn isel yn hwyr yn y nos
• rhowch wybod i'ch cymdogion os ydych yn cael parti
• peidiwch â gadael eich ci heb gwmni am gyfnodau hir
• os yw eich ci'n cyfarth, ceisiwch weld pam a'i dawelu
• peidiwch â defnyddio'ch peiriant golchi neu'ch peiriant sychu dillad yn hwyr yn y nos
• os ydych yn dychwelyd ar ôl noson mas, gwnewch ymdrech i fod yn dawel - caewch ddrysau car yn ysgafn a siaradwch yn dawel.
• yn fwy na dim, byddwch yn rhesymol os bydd eich cymydog yn dod atoch gyda phroblem.

Yn gyntaf, gwnewch yn siŵr bod eich landlord wedi'i gofrestru ar Rhentu Doeth Cymru. Os nad ydynt, rhowch wybod am hyn a gwnewch Gyngor Abertawe yn ymwybodol. 

Fel arall, gallwch hefyd ddod o hyd i ystod o gymorth gan yr Undebau Myfyrwyr sy'n cynghori centreadvice@swansea-union.co.uk. Gallant gynorthwyo gydag amrywiaeth o faterion megis cyngor ar gontract, blaendaliadau, adfail ac anghydfodau landlord/asiantaeth. 

Gallwch gysylltu â ni yma yn BywydCampws lle, yn dibynnu ar eich mater, byddwn yn darparu cyngor ac arweiniad i'ch cefnogi i ddatrys eich mater. Os oes angen, gallwn ofyn am gyngor gan asiantaethau allanol fel iechyd yr amgylchedd. 

Mae Hysbysiad Cam 1, fel y mae ei enw'n awgrymu, yn fwy o hysbysiad na rhybudd. Mae'r rhain yn cael eu dosbarthu i fyfyrwyr sy'n byw mewn tai i'w gwneud yn ymwybodol bod cwyn wedi'i gwneud yn eu herbyn - boed hynny ar gyfer sŵn, sbwriel, ymddygiad gwrthgymdeithasol neu unrhyw beth arall a fyddai'n cyfiawnhau cwyn. Nid yw hyn o reidrwydd yn golygu eich bod mewn trafferth, ond gallwch ddisgwyl ymweliad gan y Swyddog Cyswllt Cymunedol a'r SCCH lleol i gael gwell dealltwriaeth o'r hyn sydd wedi achosi'r gŵyn ac i gynnig unrhyw gymorth a all helpu i ddatrys y mater.

Anfonir rhybudd Cam 2 os byddwn yn cael cwyn arall yn ystod yr un flwyddyn academaidd ar ôl ymweliad y Swyddog Cyswllt Cymunedol ar gyfer eich hysbysiad Cam 1. Yng Ngham 2 bydd yn rhaid i chi fynd i gyfarfod gorfodol gyda'r Swyddog Cyswllt Cymunedol, Rheolwr Tîm BywydCampws a Thîm Plismona'r Brifysgol i drafod y mater ymhellach. Byddwch yn cael cyfle i gyflwyno unrhyw dystiolaeth a allai brofi bod y gŵyn yn ddi-sail neu wedi'i datrys.

Os byddwch yn cael rhybudd Cam 3, mae hyn yn golygu eich bod wedi cael trydedd gŵyn yn eich erbyn. Bydd disgwyl i chi fod yn bresennol mewn cyfarfod gorfodol gyda Chyfarwyddwr Bywyd Myfyrwyr a'r Swyddog Cyswllt Cymunedol. Byddwch yn cael cyfle i gyflwyno unrhyw dystiolaeth a allai brofi bod y gŵyn yn ddi-sail neu wedi'i datrys. Os canfyddir bod cyfiawnhad dros y gŵyn a bod digon o dystiolaeth, gall Cyfarwyddwr Bywyd Myfyrwyr gyfeirio'r gŵyn at y Gwasanaethau Addysg, lle ymchwilir i'r gŵyn yn unol â Gweithdrefnau Disgyblu Prifysgol Abertawe.