Post

Eich Cyfeiriad Post

Gellir dod o hyd i’ch cyfeiriad post llawn yma.

Dylech chi strwythuro eich cyfeiriad post fel a ganlyn:
Eich Enw / Rhif eich Ystafell / Rhif y Fflat / Enw'r Adeilad

Dylai eich enw ymddangos fel y mae ar eich cyfrif myfyriwr; nid yw'r system yn adnabod llysenwau. Yn ogystal, gall ychwanegu eich rhif myfyriwr ein helpu i gofnodi eich parsel pan fydd nifer o fyfyrwyr â'r un enw neu enw tebyg.

Preswylwyr Campws y Bae

Mae blwch post wedi'i neilltuo ar gyfer pob fflat ar lawr gwaelod pob adeilad.
Mae hyn yn cael ei rannu ag aelodau eraill o’ch fflat ac nid yw Preswylfeydd Campws y Bae yn derbyn cyfrifoldeb am eitemau post sydd ar goll.
Bydd pob fflat yn cael un allwedd ar gyfer y blwch post a rennir a bydd angen i chi gytuno â’ch cyd-letywyr sut i gadw'r allwedd yn ddiogel a phwy fydd yn gyfrifol am gasglu'r post.
Bydd ffi newydd yn cael ei chodi os bydd allweddi blwch post yn mynd ar goll.

Phreswylwyr Tŷ Beck

Caiff llythyrau eu didoli a gellir eu casglu o Dderbynfa eich Safle.
Cofiwch ddod â dull adnabod â llun gyda chi (e.e. eich cerdyn adnabod myfyriwr) wrth gasglu eitemau.

Preswylwyr Campws Parc Singleton

Caiff llythyrau eu dosbarthu yn yr Ystafell Blychau Post, i'r dde i fynedfa'r preswylwyr yn adeilad Preseli.
Byddwch chi’n cael allwedd wrth gyrraedd i gael mynediad i'r blwch post ar gyfer eich fflat.

Parseli a Phost Arall

Gellir casglu post a pharseli eraill o:

Campws y Bae: Yr Ystafell Bost, sydd wrth ymyl y Golchdy.
Dydd Llun i ddydd Gwener – 09:00 – 17:00

Pob safle arall: Derbynfa eich Preswylfa yn ystod yr oriau agor.

Os oes parsel neu bost cofrestredig wedi'i dderbyn, byddwch chi’n derbyn e-bost awtomataidd (neu hysbysiad Home at Halls ar gyfer preswylwyr Campws y Bae) a fydd yn cael ei anfon i’ch cyfrif e-bost myfyriwr.
Arhoswch tan i chi dderbyn yr e-bost gan y tîm cyn dod i gasglu parsel. Efallai byddwch chi’n derbyn e-bost tracio yn dweud bod y parsel gyda negesydd sydd wedi dod â hwn i'r Brifysgol; mae'n rhaid ychwanegu'r parseli at ein system cyn y gellir eu casglu, felly arhoswch am yr e-bost awtomataidd.
Rhaid i chi ddod â dull adnabod â llun gyda chi (eich cerdyn adnabod myfyriwr yn ddelfrydol) pan fyddwch chi’n dod i gasglu post a pharseli cofrestredig.
Oherwydd y nifer fawr o bost a pharseli cofrestredig a dderbynnir, gofynnir i breswylwyr gasglu parseli ymhen 48 awr ar ôl derbyn yr e-bost awtomataidd; gellir dychwelyd parseli nad ydynt wedi'u casglu i'r anfonwr.
Mae’r timau llety yn cadw'r hawl i wrthod parseli rydym yn credu eu bod yn amheus oherwydd risgiau Iechyd a Diogelwch. Os gwrthodir parsel, byddwn ni'n rhoi gwybod i'r myfyriwr ac os trefnir ei ailddosbarthu, bydd angen cadarnhau'r cynnwys i ni.

Anfon post ymlaen

Dylech chi sicrhau eich bod yn casglu unrhyw bost neu barseli cyn diwedd cyfnod eich contract tenantiaeth.
Nid oes modd i ni anfon llythyrau at breswylwyr sydd wedi gadael, oherwydd maint y post rydym yn ei dderbyn. Am ffi, gallwch chi drefnu i’r Post Brenhinol ailgyfeirio post i gyfeiriad arall drwy Redirection.

Nid yw'r timau llety'n derbyn unrhyw atebolrwydd am bost a pharseli a adawir heb eu hawlio ar ddiwedd cyfnod y contract. Fodd bynnag, caiff post a anfonir drwy'r Post Brenhinol ei ddychwelyd i Swyddfa'r Post Brenhinol wedi'i nodi fel 'Dychwelwch i'r Anfonwr'. Yn anffodus, ni allwn ddychwelyd eitemau a anfonir gan gludwyr eraill.

Cedwir eitemau a adawir hyd at uchafswm o bedair wythnos (ac eithrio eitemau darfodus), ac ar ôl hynny, ceir gwared ar y nwyddau hyn. Dylech chi osgoi archebu parseli o fewn pythefnos cyn i chi symud allan oni bai eu bod wedi'u nodi gyda'ch cyfeiriad newydd.