Cwestiynau Cyffredin: Cyfadrannau

Bydd y strwythur newydd yn caniatáu rhagor o gyfleoedd ar gyfer cydweithio ar draws ein meysydd pwnc, gan wneud pethau'n gyson waeth ble rydych chi'n astudio. Bydd y strwythurau newydd yn symleiddio'r ffordd rydym yn gweithio, gan ymgorffori gweithgareddau addysgol ac ymchwil ar draws disgyblaethau academaidd cysylltiedig, gan gynnig rhagor o gyfleoedd ar gyfer cydweithio. Byddwn yn galluogi myfyrwyr a staff i gydweithio mewn ffyrdd newydd ar draws ein Cyfadrannau.

Mae Covid-19, Brexit a llawer o ffactorau eraill wedi effeithio ar y Brifysgol ac rydym am sicrhau ein bod wedi'n trefnu mewn ffordd sy'n wydn i'r rhain, gan ganiatáu i ni fuddsoddi'n barhaus yn eich profiad fel myfyrwyr. Yn ogystal â newid ein strwythurau byddwn yn newid yr arferion gwaith sy'n cyd-fynd â nhw.

Ar gyfer y rhan fwyaf o fyfyrwyr ni fyddwch yn sylwi ar newid ar ddechrau'r flwyddyn academaidd, er ei bod yn bosib y byddwch yn clywed pobl yn cyfeirio at y Cyfadrannau newydd yn lle eich Coleg blaenorol.

Er mwyn tarfu cyn lleied â phosib ar fyfyrwyr, ni fydd newidiadau mawr i'ch addysgu, eich dysgu nac i'ch asesu a bydd y newidiadau y byddwch yn sylwi arnynt yn cynnwys gwasanaethau gwell mewn perthynas â'ch profiad fel myfyrwyr.

Ni fydd effaith ar eich ymchwil oherwydd nad yw cyflwyno Cyfadrannau yn effeithio ar y cwrs gradd PhD/rhaglen radd y mae myfyriwr yn astudio arni. Ni fydd eich goruchwyliwr yn newid ychwaith.

Bydd eich pwnc academaidd yn cadw'r un hunaniaeth a byddwch yn astudio'r un rhaglen gyda'r un myfyrwyr.  Ein blaenoriaeth yw sicrhau parhad eich profiad dysgu, felly yn lle gwneud newidiadau enfawr ar un adeg.

Ni fydd newidiadau o ran sut rydych chi’n cyrchu gwasanaethau canolog y Brifysgol o ganlyniad i’r Cyfadrannau newydd.

Ni fydd effaith weladwy ar Canvas nac o ran y ffordd rydych chi’n cyrchu’r system. Efallai y bydd ychydig o darfu ar gyfer cyrsiau newydd rhwng 16  a 27 Awst pan fydd y newidiadau data’n weithredol.

Ni fydd cyflwyno Cyfadrannau yn effeithio ar faint grwpiau, dosbarthiadau neu seminarau fodd bynnag, canllawiau Llywodraeth Cymru ac Iechyd Cyhoeddus ynghylch y pandemig parhaus fydd yn penderfynu ar faint dosbarthiadau eleni. 

Golyga strwythur newydd y Gyfadran y caiff Cynrychiolwyr Myfyrwyr eu recriwtio ar lefel Ysgol ac ar lefel Pwnc. Bydd rôl Cynrychiolydd Ysgol yn disodli’r rôl Cynrychiolydd Coleg bresennol.

Bydd y Cynrychiolwyr hyn yn parhau i gasglu adborth gan fyfyrwyr, yn mynychu cyfarfodydd Pwyllgorau Addysg ac yn cynrychioli eu Hysgolion mewn cyfarfodydd perthnasol.

Ni fydd y rôl Cynrychiolydd Pwnc yn newid.

Gallwch chi enwebu eich hun i ddod yn Gynrychiolydd rhwng 20 Medi ac 8 Hydref.