Gweithdrefn Camymddwyn Academaidd

Mae uniondeb academaidd yn adlewyrchu cyfres gyffredin o egwyddorion sy'n cynnwys gonestrwydd, ymddiriedaeth, diwydrwydd, tegwch a pharch, ac mae'n ymwneud â diogelu uniondeb gwaith a dyfarniad myfyriwr. Mae uniondeb academaidd wedi'i seilio ar yr ethos bod y modd yr ydych chi'n dysgu'r un mor bwysig â'r hyn a ddysgir.

Mae uniondeb academaidd wedi'i seilio ar nifer o egwyddorion craidd. I fyfyrwyr, mae hyn yn golygu:

• Derbyn cyfrifoldeb am eu gwaith a'u hastudiaethau eu hunain;
• Parchu barn pobl eraill, hyd yn oed wrth anghytuno â nhw;
• Parchu hawliau pobl eraill i weithio ac astudio o fewn y 'gymuned ddysgu';
• Cydnabod gwaith pobl eraill, lle mae wedi cyfrannu i'w hastudiaethau, eu hymchwil, neu eu cyhoeddiadau eu hunain;
• Sicrhau bod cyfraniad yr unigolyn i waith grŵp yn cael ei gydnabod yn onest;
• Cefnogi eraill i ymddwyn ag uniondeb academaidd;
• Glynu wrth y gofynion moesegol a, lle bo'n berthnasol, y safonau proffesiynol, sy'n berthnasol i'r ddisgyblaeth;
• Osgoi gweithredu mewn modd fyddai'n ennill mantais annheg;
• Sicrhau bod canlyniadau ymchwil neu ddata arbrofol yn cael eu cynrychioli mewn modd gonest;
• Cydymffurfio â'r gofynion asesu.

Uniondeb academaidd yw'r egwyddor arweiniol ar gyfer yr holl asesiadau myfyrwyr; boed mewn arholiadau neu brofion yn y dosbarth, cyflwyniadau llafar, neu o ran aseiniadau ysgrifenedig, traethodau hir neu draethodau ymchwil i'w hasesu.

Mae camymddygiad academaidd yn cynnwys: llên-ladrad, cydgynllwynio, tramgwyddo yn erbyn y rheoliadau arholi, ffugio data, personadu rhywun arall, neu gomisiynu gwaith i'w asesu (nid yw'r rhestr hon yn gynhwysfawr).

Camymddygiad academaidd yw unrhyw weithred lle mae unigolyn yn ceisio mantais nad oes ganddo hawl iddi, naill ai iddo ef ei hun neu i rywun arall. Bydd hyn yn berthnasol ni waeth a yw ymgeisydd yn gweithredu ar ei ben ei hun neu gydag un neu fwy o unigolion eraill. Tybir bod gweithred neu weithredoedd yn cydweddu â’r diffiniad hwn p’un a ydynt yn digwydd yn ystod, neu mewn perthynas ag, arholiad ffurfiol, gwaith cwrs neu unrhyw fath arall o asesiad mae ymgeisydd yn ymgymryd ag ef i ennill cymhwyster academaidd neu broffesiynol ym Mhrifysgol Abertawe.

Mae gan y Brifysgol amrediad o weithdrefnau a dulliau ar gyfer canfod camymddygiad academaidd:

• Mewn arholiadau (gweler 2.0);
• Mewn asesiadau eraill (gweler 3.0);
• Mewn graddau ymchwil (gweler 6.0);
• Ar ôl dyfarnu Cymhwyster (gweler 8.0).

Caiff y Brifysgol ddefnyddio dulliau addas o ganfod ac ymchwilio achosion camymddygiad academaidd trwy, er enghraifft, defnyddio meddalwedd canfod llên-ladrad neu arholiad llafar uniondeb academaidd (gweler 3.1 isod). Gall Cyfadrannau/Ysgolion hefyd ddewis gweithredu system o arholiadau llafar ar hap mewn meysydd pwnc arbennig. Caiff Arweinydd Uniondeb Academaidd Prifysgol ei benodi gan y Brifysgol i hyrwyddo uniondeb academaidd ac ymdrin ag achosion ar lefel y Brifysgol. Mae Arweinydd Uniondeb Academaidd y Brifysgol yn cael ei gefnogi yn ei rôl gan Swyddogion Achosion Uniondeb Academaidd y Brifysgol a allai ei gynorthwyo neu ymdrin ag achosion camymddygiad academaidd ar ei ran, yn unol â'r Weithdrefn hon. Yn unol â hynny, bydd pob cyfeiriad pellach at Arweinydd Uniondeb Academaidd y Brifysgol yn y Weithdrefn hon yn cynnwys Swyddogion Achos Uniondeb Academaidd y Brifysgol a/neu unrhyw enwebai sy'n gweithredu ar ran Arweinydd Uniondeb Academaidd y Brifysgol.

Wrth ymchwilio i honiadau o gamymddygiad academaidd, mae Arweinydd Uniondeb Academaidd y Brifysgol, ar ran y Brifysgol, yn cadw'r hawl i ymgynghori â phrifysgolion a sefydliadau eraill pan fo'n briodol, ac i rannu gwybodaeth berthnasol. Heb ragfarn i gyffredinolrwydd y materion uchod, dangosir enghreifftiau o gamymddygiad academaidd yn adrannau 2.0 - 2.4, a 3.0 isod.

Fel arfer, bydd y Brifysgol yn cwblhau'r ymchwiliad cychwynnol, camau ffurfiol y broses ac yn penderfynu ar yr achos o fewn 90 niwrnod calendr ar ôl i'r honiad gael ei wneud i'r myfyriwr. Pan fydd oedi, dylid hysbysu'r myfyriwr am gynnydd yr ymchwiliad, gan gynnwys y rhesymau dros oedi, a chynnig amserlen arfaethedig ar gyfer dod i gasgliad am yr achos.

Lle bo ymchwiliad i gamymddygiad academaidd yn cael ei gynnal, ni fyddai'r gwaith sy'n destun yr ymchwiliad fel arfer yn cael ei farcio ac ni fyddai'r marc yn y modiwl dan sylw’n cael ei ryddhau i'r myfyriwr nes bod yr achos wedi dod i ben a, lle bo'r achos yn cael ei brofi, nes bod y gosb wedi'i rhoi.

Mae camymddygiad academaidd yn ystod arholiadau/asesiadau neu brofion dosbarth yn gallu cynnwys y gweithgareddau gwaharddedig canlynol (er nad yw'n gyfyngedig i'r rhain):

• Bod â deunydd nas awdurdodwyd mewn arholiad/asesiad wedi'i fonitro ar-lein/prawf yn y dosbarth, er enghraifft llyfr, llawysgrif, data neu bapurau rhydd, gwybodaeth a geir trwy ddyfais electronig, neu ffynhonnell arall o wybodaeth waharddedig;
• Copïo gan rywun arall neu gyfathrebu â rhywun arall yn yr arholiad, ac eithrio pan awdurdodir hynny ymlaen llaw gan y Gyfadran/yr Ysgol/y Sefydliad Partner;
• Cyfathrebu'n electronig â rhywun arall nas awdurdodwyd;
• Bod â dyfais electronig nas awdurdodwyd sy'n gallu cyfathrebu â dyfeisiadau eraill neu bobl eraill;
• Esgus bod yn ymgeisydd mewn arholiad, neu ganiatáu i rywun arall wneud yr un peth ar eich rhan chi;
• Cyflwyno tystiolaeth o amgylchiadau arbennig i fyrddau arholi sy'n anwir neu wedi'i ffugio, neu sy'n camarwain byrddau arholi neu a allai eu camarwain mewn unrhyw ffordd;
• Cyflwyno papur arholiad fel pe bai'n eiddo i chi os bydd yn cynnwys deunydd a gynhyrchwyd drwy ddulliau gwaharddedig.

2.1 Camymddygiad Academaidd yn ystod arholiadau wyneb yn wyneb

Bydd goruchwyliwr sy’n tybio, neu’n amau, bod ymgeisydd yn cyflawni camymddygiad academaidd yn rhoi gwybod i’r ymgeisydd, yn ddelfrydol ym mhresenoldeb tyst, y bydd yn llunio adroddiad am yr amgylchiadau. Serch hynny, bydd gan yr ymgeisydd hawl i barhau â’r arholiad ac unrhyw arholiadau eraill sy’n dilyn heb ragfarn i unrhyw benderfyniad y gellir ei wneud. Fodd bynnag, ni fydd methu hysbysu'r ymgeisydd na fydd yr amgylchiadau yn cael eu hadrodd yn amharu ar achosion dilynol.

Yn achos goruchwyliwr sy’n cael ei benodi gan Swyddfa Arholiadau Ganolog y Brifysgol ac mae’r arholiad yn cael ei reoli gan Swyddfa Arholiadau Ganolog y Brifysgol, bydd y goruchwyliwr yn rhoi gwybod am yr amgylchiadau cyn gynted â phosib, ar lafar yn y lle cyntaf ac yn ysgrifenedig wedi hynny, i’r Swyddog Arholiadau Canolog a fydd, yn ei dro, yn rhoi gwybod i Swyddog Uniondeb Academaidd y Gyfadran/yr Ysgol ac Arweinydd Uniondeb Academaidd y Brifysgol.

Mewn achos pan fo myfyriwr wedi ysgrifennu arno ei hun, gall y goruchwyliwr gysylltu â’r Swyddfa Arholiadau Ganolog y Brifysgol a gofyn bod aelod o staff o’r Ysgol/y Gyfadran yn mynychu’r arholiad ac yn cadarnhau a yw’r ysgrifen yn berthnasol i’r pwnc/arholiad. Pan fo modd, gellir tynnu llun o’r dystiolaeth hefyd.

Mewn achosion sy'n ymwneud ag arholiad a gaiff ei oruchwylio a'i reoli gan yr Ysgol/y Gyfadran/y Sefydliad Partner, bydd yr oruchwyliwr yn rhoi gwybod am yr achos cyn gynted â phosib, yn ysgrifenedig, i Swyddog Uniondeb Academaidd y Gyfadran/yr Ysgol/y Sefydliad Partner.

2.2 Camymddygiad Academaidd mewn arholiadau/asesiadau proctor ar-lein

Mewn achosion pan ddefnyddir meddalwedd goruchwylio ar-lein i oruchwylio arholiad, bydd y Gyfadran/yr Ysgol/Sefydliad Partner yn adolygu recordiadau'r arholiad pan fydd angen. Pan fydd y Gyfadran/yr Ysgol/Sefydliad Partner yn amau y cafwyd camymddygiad academaidd, bydd yr aelod staff dan sylw'n rhoi gwybod am yr amgylchiadau cyn gynted â phosib i Swyddog Uniondeb Academaidd y Gyfadran/yr Ysgol/Sefydliad Partner.

2.3 Camymddygiad academaidd mewn profion a oruchwylir yn y dosbarth

Yn achos prawf ysgrifenedig nas gwelwyd ymlaen llaw, sy’n cyfrannu at ganlyniad terfynol y modiwl, ac a gynhelir yn y Gyfadran/yr Ysgol/Sefydliad Partner, dylai’r goruchwyliwr roi gwybod i Swyddog Uniondeb Academaidd y Gyfadran/yr Ysgol/Sefydliad Partner yn y lle cyntaf.

2.4 Dyfeisiau electronig anawdurdodedig mewn arholiadau wedi'u harolygu a phrofion yn y dosbarth, ac asesiadau wedi'u goruchwylio ar-lein

Yn achos myfyriwr y ceir fod ganddo ddyfais electronig yn ei feddiant sy'n gallu storio neu ddangos data, gan gynnwys ffôn symudol, wats clyfar neu unrhyw dechnoleg symudol arall na chaniateir yng nghyfarwyddyd yr arholiad/asesiad ac sydd heb ei defnyddio neu le nad oes dim tystiolaeth ei fod wedi'i defnyddio, tybir nad yw'r tramgwydd ond yn dramgwydd yn erbyn rheoliadau'r arholiad/asesiad. Bydd y goruchwyliwr yn rhoi gwybod am yr amgylchiadau cyn gynted â phosibl, ar lafar yn y lle cyntaf ac yn ysgrifenedig wedi hynny, i’r Swyddog Arholiadau a fydd yn ei dro yn rhoi gwybod i Arweinydd Uniondeb Academaidd y Brifysgol. O ran arholiadau/asesiadau wedi'u goruchwylio ar-lein, bydd y Gyfadran/yr Ysgol yn rhoi gwybod am yr achos i Arweinydd Uniondeb Academaidd y Brifysgol.

Yn achos goruchwyliwr sy’n cael ei benodi gan Swyddfa Arholiadau Ganolog y Brifysgol ac mae’r arholiad yn cael ei reoli gan Swyddfa Arholiadau Ganolog y Brifysgol, bydd y goruchwyliwr yn rhoi gwybod am yr amgylchiadau cyn gynted â phosib, ar lafar yn y lle cyntaf ac yn ysgrifenedig wedi hynny, i Swyddog Arholiadau'r Brifysgol a fydd, yn ei dro, yn hysbysu Arweinydd Uniondeb Academaidd y Brifysgol.

Gall Arweinydd Uniondeb Academaidd y Brifysgol gyfweld â'r myfyriwr, gan dynnu ei sylw at y rheoliadau arholi. Yna, bydd Arweinydd Uniondeb Academaidd y Brifysgol yn penderfynu a ddylid cosbi'r myfyriwr ai peidio (gweler Cosbau isod).

Mewn achosion sy'n ymwneud ag arholiad a gaiff ei oruchwylio a'i reoli gan yr Ysgol/y Gyfadran/y Sefydliad Partner, bydd y goruchwyliwr yn rhoi gwybod am yr achos, cyn gynted â phosib ac yn ysgrifenedig i Swyddog Uniondeb Academaidd y Gyfadran/yr Ysgol/y Sefydliad Partner. Gall y Swyddog Uniondeb Academaidd gyfweld â'r myfyriwr, gan dynnu ei sylw at y rheoliadau arholi. Yna, bydd y Swyddog Uniondeb Academaidd yn penderfynu a ddylid cosbi'r myfyriwr ai peidio (gweler isod).

Cosbau:

Er mwyn sicrhau cysondeb yn y defnydd o gosbau, mae’r Brifysgol yn rhoi cyfarwyddyd ar gosbau arferol yn y Côd Ymarfer ar gyfer Camymddygiad Academaidd 2023-24

Y gosb am y tramgwydd cyntaf fydd:

• Rhoi cerydd ysgrifenedig i’r ymgeisydd; dylid cadw cofnod o'r cerydd.

Yn achos ail dramgwydd y gosb arferol fydd:

• Canslo marciau’r ymgeisydd ar gyfer y papur arholiad cyfan.

Bydd gan fyfyrwyr o'r fath yr hawl i wneud cais am adolygiad terfynol o'r canlyniad yn unol â Gweithdrefnau Adolygiadau Terfynol y Brifysgol. Hefyd, caiff Arweinydd Uniondeb Academaidd y Brifysgol benderfynu peidio â gosod cosb, ond cyfeirio'r achos at sylw Pwyllgor Ymchwilio.

Os amheuir, neu os oes tystiolaeth, y gall y ddyfais electronig fod wedi cael ei defnyddio, (e.e. gwelwyd hyn gan y goruchwyliwr) ac yn achos goruchwyliwr sy’n cael ei benodi gan Swyddfa Arholiadau Ganolog y Brifysgol, cyfeirir achosion o'r fath at sylw Arweinydd Uniondeb Academaidd y Brifysgol a fydd yn penderfynu a oes achos prima facie o gamymddygiad academaidd i’w ateb (gweler 2.5). Os amheuir, neu os oes tystiolaeth, y gall y ddyfais electronig fod wedi cael ei defnyddio mewn arholiad a gynhaliwyd gan y Gyfadran/yr Ysgol/y Sefydliad Partner, dylid cyfeirio'r achos at sylw'r Swyddog Uniondeb Academaidd  (2.5)

2.5 Camymddygiad academaidd a amheuir a ganfuwyd yn ystod y cyfnod marcio neu wedi hynny (achosion mewn arholiadau wedi'u goruchwylio a phrofion yn y dosbarth, ac asesiadau wedi'u goruchwylio ar-lein)

Os yw arholwr mewnol neu allanol, naill ai yn ystod y cyfnod marcio neu wedi hynny, o’r farn neu’n amau bod ymgeisydd wedi cyflawni camymddygiad academaidd, bydd yn rhoi gwybod am y mater yn ysgrifenedig i Swyddog Uniondeb Academaidd y Gyfadran/yr Ysgol/y Sefydliad Partner cyn gynted â phosib. 

Swyddog Uniondeb Academaidd yn cadw unrhyw dystiolaeth berthnasol a bydd yn rhoi gwybod yn ysgrifenedig am y mater ar unwaith i Arweinydd Uniondeb Academaidd y Brifysgol a fydd yn penderfynu a oes achos prima facie o gamymddygiad academaidd i’w ateb (2.6).

Os cafodd yr arholiad ei reoli gan y Gyfadran/yr Ysgol/y Sefydliad Partner, bydd y Swyddog Uniondeb Academaidd yn penderfynu a oes achos prima facie o gamymddygiad academaidd (2.6).

2.6 Camau pellach i'w cymryd

2.6.1 

Camau gweithredu pellach i'w cymryd yn achos arholiad a gafodd ei reoli gan Swyddfa Arholiadau Ganolog y Brifysgol:

Wedi derbyn adroddiad yn ymwneud â honiad o gamymddygiad academaidd, bydd Arweinydd Uniondeb Academaidd y Brifysgol yn penderfynu, yng ngoleuni’r holl amgylchiadau, a oes achos prima facie o gamymddygiad academaidd i’w ateb.
Gallai Arweinydd Uniondeb Academaidd y Brifysgol ymdrin â'r honiad yn unol â phwynt 2.4 uchod, pan fo'n ystyried bod y rheoliadau arholi wedi'u torri.

Os penderfynir peidio â dwyn unrhyw achos arall yn erbyn yr ymgeisydd, bydd Swyddog Uniondeb Academaidd y Gyfadran/yr Ysgol neu’r Swyddog Arholiadau, pan fo’n briodol, yn rhoi gwybod i'r ymgeisydd mewn ysgrifen bod yr achos wedi dod i ben.
Os yw'n fodlon bod achos prima facie o gamymddygiad academaidd yn bodoli, bydd Arweinydd Uniondeb Academaidd y Brifysgol yn adrodd yr achos yn ysgrifenedig i Gyfarwyddwr y Gwasanaethau Addysg, gan anfon copïau o unrhyw dystiolaeth ategol berthnasol. Yna bydd y weithdrefn a nodir yn 9.0 yn gweithredu fel y disgrifiwyd.

Pan fo honiad yn ymwneud ag achos ar y cyd sy'n ymwneud â myfyriwr o'r Coleg, Prifysgol Abertawe ar naill ai raglen integredig neu raglen heb ei hintegreiddio ynghyd â myfyriwr o Brifysgol Abertawe (er enghraifft, cyfathrebu mewn arholiad), bydd Arweinydd Uniondeb Academaidd y Brifysgol yn ymdrin â'r achos a fydd yn penderfynu, yng ngoleuni'r holl amgylchiadau, fod achos prima facie yn bodoli. Y Coleg, Prifysgol Abertawe fydd yn ymdrin ag achosion sy'n ymwneud â myfyrwyr Y Coleg, Prifysgol Abertawe ar raglenni nad ydynt yn integredig yn unig.

Bydd y Gwasanaethau Addysg yn rhoi gwybod i'r ymgeisydd yn ysgrifenedig am yr honiad, gan ei hysbysu y bydd Pwyllgor Ymchwilio’n cael ei gynnull i ystyried yr achos. 

2.6.2 Camau gweithredu pellach i'w cymryd - Arholiad a gynhaliwyd gan Gyfadran/Ysgol/Sefydliad Partner

Wedi derbyn adroddiad sy'n ymwneud â honiad o gamymddygiad academaidd, bydd y Swyddog Uniondeb Academaidd yn penderfynu, gan ystyried yr holl amgylchiadau, a oes achos prima facie o gamymddygiad academaidd i’w ateb. 

Gall y Swyddog Uniondeb Academaidd ymdrin â'r honiad yn unol â phwynt 2.4 uchod, os yw o’r farn bod y rheoliadau arholi wedi'u torri.

Os penderfynir peidio â chymryd camau gweithredu pellach yn erbyn yr ymgeisydd, bydd Swyddog Uniondeb Academaidd y Gyfadran/yr Ysgol, lle bo'n briodol, yn rhoi gwybod yn ysgrifenedig i'r ymgeisydd bod yr achos wedi dod i ben.

Os yw'n fodlon bod achos prima facie o gamymddygiad academaidd i'w ateb, bydd y Swyddog Uniondeb Academaidd yn prosesu'r achos yn unol â 3.9

Caiff llên-ladrad ei ddiffinio fel defnyddio gwaith rhywun arall person heb gydnabyddiaeth a'i gyflwyno i'w asesu fel eich gwaith eich hun; er enghraifft trwy gopïo neu aralleirio heb gydnabod y ffynhonnell. Llên-ladrad yw hwn, boed yn fwriadol neu’n anfwriadol.

Dyma rai enghreifftiau:

• Defnyddio dyfyniad(au) o waith cyhoeddedig neu waith nas cyhoeddwyd gan unigolyn arall heb nodi'n glir ei fod yn ddyfyniad drwy ei roi mewn dyfynodau a’i gydnabod drwy ddull cyfeirnodi priodol;
• Crynhoi syniadau, barn, ffigurau, meddalwedd neu ddiagramau person arall heb gyfeirio at y person hwnnw yn y testun ac at y ffynhonnell yn y llyfryddiaeth mewn modd priodol;
• Defnyddio deunydd wedi ei lawrlwytho o’r rhyngrwyd heb ei gydnabod;
• Cyflwyno gwaith myfyriwr arall fel ei waith ei hun.

Nid yw'r rhestr enghreifftiau'n gynhwysfawr.

Ni chydnabyddir hunan-lên-ladrad yn rheoliadau Prifysgol Abertawe. Os bydd myfyriwr wedi cyflawni hunan-lên-ladrad, bydd y Gyfadran/yr Ysgol/Sefydliad Partner yn marcio'r gwaith yn unol â'r meini prawf arferol ar gyfer marcio.

Nid yw rheoliadau Prifysgol Abertawe'n gwahardd defnyddio deallusrwydd artiffisial cynhyrchiol i lunio gwaith gwreiddiol yn benodol, ond rhaid i unrhyw ddefnydd gydymffurfio â'r canllawiau a roddir ar gyfer pob aseiniad a rhaid ei gydnabod a'i gyfeirnodi'n glir.

Os ydych yn defnyddio deunydd wedi'i greu gan ddeallusrwydd artiffisial, heb gydnabod hynny'n briodol, ac yn ei gyflwyno i'w asesu fel eich gwaith eich hun, gellir ystyried hynny'n dramgwydd camymddygiad academaidd. Felly, cynghorir myfyrwyr i fod yn ofalus iawn wrth ddefnyddio offer o'r fath, er mwyn sicrhau uniondeb academaidd a safon eu gwaith. Dyma rai enghreifftiau y gellir eu hystyried yn gamymddygiad academaidd:

• Creu ymateb i aseiniad gan ddefnyddio ChatGPT neu adnodd tebyg a chyflwyno'r gwaith cyfan, neu'n rhannol, â mân ddiwygiadau yn unig
• Copïo darnau o destun wedi'i greu gan ddeallusrwydd artiffisial a'u cynnwys mewn aseiniad heb gydnabyddiaeth neu gyfeirnodi priodol i ddangos tarddiad y testun.
• Defnyddio deallusrwydd artiffisial cynhyrchiol i greu data, graffiau, delweddau, sain neu fideo neu unrhyw fath arall o gynnwys heb gydnabyddiaeth briodol

Nid yw'r rhestr hon o enghreifftiau'n gynhwysfawr.

Gellir ystyried mân ddefnydd o ddeallusrwydd artiffisial cynhyrchiol heb gydnabyddiaeth yn arfer academaidd gwael (gweler 3.6). Yn ogystal, os ymddengys fod testun neu gynnwys heb ei gydnabod wedi'i greu gan ddeallusrwydd artiffisial, ond ystyrir nad yw hyn yn sylweddol nac o bwys mawr, gall y broses farcio adlewyrchu hyn gan arwain at ddyfarnu gradd is yn hytrach na thrin yr achos fel tramgwydd camymddygiad academaidd.

Mae Polisi Prawf-ddarllen y Brifysgol yn cynnwys canllawiau wedi'u diweddaru ynghylch defnyddio offer a meddalwedd deallusrwydd artiffisial a ddyluniwyd ar gyfer golygu, aralleirio a chyfieithu testun. Dylai myfyrwyr fod yn ymwybodol o'r hyn a ganiateir o ran defnyddio'r rheini wrth geisio datblygu a gwella eu gwaith.

Cydgynllwynio yw dau neu fwy o bobl sy'n creu gwaith ar y cyd ac yn ei gyflwyno fel gwaith unigolyn.

Mae enghreifftiau'n cynnwys:

• Dau neu fwy o fyfyrwyr yn cydweithio i ddatblygu data neu ddeunydd arall heb ganiatâd ymlaen llaw. Wedyn, byddai'r gwaith yn cael ei gyflwyno i'w asesu heb gydnabod awdur neu awduron y gwaith;
• Rhannu data, deunydd neu waith cwrs â myfyriwr arall ac wedyn ei gyflwyno i'w asesu heb wybod i'r awdur neu awduron, neu heb eu cydsyniad.

Comisiynu gwaith yw'r weithred o dalu am, neu drefnu, i rywun (neu system) arall lunio darn o waith, p'un a yw hyn wedyn yn cael ei gyflwyno i'w asesu fel gwaith y myfyriwr ei hun ai peidio.

Dyma rai enghreifftiau:

• Comisiynu traethawd sydd i'w ysgrifennu gan unigolyn neu system arall;
• Cyrchu neu lawrlwytho deunydd o wefannau cyfnewid traethodau;
• Talu rhywun arall i gasglu, trin neu ddehongli data, lle mae hyn yn ofyniad fel rhan o astudiaethau'r myfyriwr.

Nid yw’r rhestr hon yn un gynhwysfawr. Mae ffugio canlyniadau gwaith labordy, gwaith maes, neu unrhyw waith arall sy'n casglu ac yn dadansoddi data yn gamymddygiad academaidd hefyd.

3.1 Arholiadau Llafar Uniondeb Academaidd fel ffordd o ddarganfod camymddygiad academaidd heb fod mewn arholiad ar lefel y Gyfadran/yr Ysgol/Sefydliad Partner

3.3.1

Mewn achosion lle mae gan staff academaidd y Gyfadran/yr Ysgol/Sefydliad Partner, Swyddog Uniondeb Academaidd y Gyfadran/yr Ysgol/Sefydliad Partner a/neu Arweinydd Uniondeb Academaidd y Brifysgol bryderon ynghylch p'un a yw darn o waith cwrs, neu unrhyw waith a gwblhawyd heb fod o dan amodau arholiad, a gyflwynwyd gan fyfyriwr yn waith ganddo ef ei hun, gall y Gyfadran/yr Ysgol/Sefydliad Partner wahodd y myfyriwr i ddod i arholiad llafar uniondeb academaidd. Diben yr arholiad llafar uniondeb academaidd yw profi gwybodaeth y myfyriwr o'r gwaith y mae wedi'i gyflwyno a rhoi cyfle i'r myfyriwr, cyn cymryd unrhyw gamau camymddygiad academaidd, ddangos mai ei waith ef yw'r gwaith.

3.1.2

Dylid rhoi o leiaf ddau ddiwrnod o rybudd i'r myfyriwr yn ysgrifenedig am yr arholiad llafar uniondeb academaidd. Rhaid defnyddio templed safonol a fydd ar gael gan y Gwasanaethau Addysg. Gall myfyriwr ddod â ffrind neu gynrychiolydd gan Ganolfan Gyngor Undeb y Myfyrwyr (bydd manylion cyswllt y Ganolfan Gyngor wedi'u cynnwys yn y llythyr). Fodd bynnag, ni chaniateir i unigolyn/unigolion sy'n dod gyda'r myfyriwr ymateb i unrhyw gwestiwn ar ran y myfyriwr. Cynghorir i'r myfyriwr ddod â thystiolaeth o waith paratoi sy'n berthnasol i'r gwaith a gyflwynwyd, megis drafftiau, ffynonellau ac adborth. Os yw'r myfyriwr wedi derbyn unrhyw gymorth gan drydydd parti yn ei waith (e.e. prawf-ddarllenydd), cynghorir iddo ddod â'r copi gwreiddiol, heb ei ddiwygio, i gynorthwyo'r panel cyfweld wrth asesu i ba raddau mae'r newidiadau a wnaed wedi effeithio ar ansawdd y gwaith.

Fel arfer, caiff yr arholiad llafar ei gynnal yn electronig drwy Zoom/Fideo-gynadledda, a bydd disgwyl i'r holl bartïon droi eu gwe-gamerau ymlaen.

3.1.3

Bydd y broses arholiad llafar fel arfer yn cynnwys Panel sy'n cynnwys o leiaf dau aelod o staff academaidd, fel arfer Cadeirydd ac Arbenigwr Pwnc (fel arfer, arweinydd y modiwl neu farciwr y modiwl). Ni ddylai'r panel gynnwys unrhyw Swyddogion Uniondeb Academaidd o Gyfadrannau/Ysgolion/Sefydliad Partner sydd wedi, neu a fydd, yn rhan o'r achos penodol. Rhaid cadw cofnod o'r arholiad llafar; gallai hyn fod ar ffurf cofnodion ysgrifenedig a/neu recordiad clywedol/cyfryngol.Yn ôl disgresiwn y Gyfadran/yr Ysgol/Sefydliad Partner, gellir enwebu trydydd aelod o staff er mwyn cofnodi/trawsgrifio'r arholiad llafar.

3.1.4

Cylch gorchwyl Panel yr Arholiad Llafar fydd:

• Profi dealltwriaeth y myfyriwr o'r gwaith a gyflwynwyd gandd;
• Rhoi cyfle i'r myfyriwr ddangos mai ei waith ef yw'r gwaith cyn cynnal camau camymddygiad academaidd.

3.1.5

Bydd y weithdrefn yn ystod yr arholiad llafar fel a ganlyn:

• Bydd y Cadeirydd yn gofyn i bob cyfranogwr gyflwyno ei hun;
• Bydd y Cadeirydd yn hysbysu'r holl gyfranogwyr o gylch gorchwyl y Panel;
• Gall y panel ofyn cwestiynau sy'n ymwneud â'r gwaith megis: sut aeth y myfyriwr at y gwaith; pa ymchwil a wnaed; pa ffynonellau a ddefnyddiwyd a sut y dewiswyd y rhain; beth yw prif gysyniadau'r gwaith, a sut y lluniwyd syniadau/dadleuon/data. Efallai y gofynnir i'r myfyriwr hefyd egluro datganiadau, damcaniaethau neu dermau penodol a ddefnyddir yn eu gwaith, ac a gafodd unrhyw gymorth neu gefnogaeth gan unrhyw drydydd parti.

3.1.6

Dylid rhoi'r cyfle i'r myfyriwr ddangos mai ei waith ef yw'r gwaith, gan gynnwys rhoi'r cyfle iddo gyflwyno unrhyw dystiolaeth sydd ganddo, megis drafftiau, ffynonellau etc.

3.1.7

Os nad yw myfyriwr yn dod i'r arholiad llafar uniondeb academaidd heb reswm digonol, gall Swyddog Uniondeb Academaidd y Gyfadran/yr Ysgol/Sefydliad Partner a/neu'r Pwyllgor Ymchwilio Camymddygiad Academaidd ddod i gasgliad o ran methiant y myfyriwr i fynychu. Neu, os penderfynir bod angen arholiad llafar er mwyn rhoi dyfarniad teg i achos, ac nid yw'r myfyriwr yn dod i'r arholiad nac yn ymateb i wahoddiad(au), gellir cadw marciau'r myfyriwr yn y modiwl dan sylw yn ôl nes ei fod yn cydweithredu â'r broses camymddygiad academaidd. Gall y bwrdd arholi gadw penderfyniad ar ddilyniant/canlyniad dyfarniad y myfyriwr yn ôl hefyd.

3.1.8

Yn dilyn yr arholiad llafar uniondeb academaidd, bydd y Cadeirydd yn paratoi adroddiad yn nodi ei farn o ran gwybodaeth y myfyriwr am y gwaith a gyflwynwyd ganddo a'r rhesymau dros ei farn.

3.1.9

Os bydd y Panel, ar sail barn academaidd y staff perthnasol, yn penderfynu nad yw'r myfyriwr wedi dangos mai ei waith ef yw'r asesiad, bydd y Cadeirydd yn darparu copi o'i adroddiad a recordiad/trawsgrifiad yr arholiad llafar i Swyddog Uniondeb Academaidd y Gyfadran/yr Ysgol/Sefydliad Partner neu Arweinydd Uniondeb Academaidd y Brifysgol (fel y bo'n briodol), yn ogystal â'r gwaith papur ategol arferol parthed yr achos. Fel arfer, dylid gwneud hyn o fewn pum niwrnod gwaith i ddyddiad arholiad llafar uniondeb academaidd y myfyriwr (yn unol â 3.4 isod).

Os yw'r Panel yn penderfynu, ar sail barn academaidd y staff perthnasol, fod y myfyriwr wedi dangos mai ei waith ef yw'r gwaith a aseswyd, bydd y Cadeirydd yn hysbysu Arweinydd/Marciwr y Modiwl y dylid marcio'r gwaith yn unol â meini prawf asesu arferol y modiwl. Dylid hysbysu'r myfyriwr yn ysgrifenedig ac nid oes angen gweithredu ymhellach.

3.2 Ymchwilio i gamymddygiad academaidd mewn amodau nad ydynt yn arholiadau ar lefel y Gyfadran/yr Ysgol/Sefydliad Partner (ac eithrio traethodau graddau ymchwil)

Bydd pob Cyfadran/Ysgol/Sefydliad Partner yn penodi o leiaf ddau Swyddog Uniondeb Academaidd i ymdrin ag achosion lefel y Gyfadran/yr Ysgol/Sefydliad Partner. Ym mhob achos, bydd un Swyddog Uniondeb Academaidd yn ymgymryd â'r ymchwiliad gan wneud argymhelliad ar yr achos. Bydd yr argymhelliad yn cynnwys: 1) a yw’r achos yn cael ei brofi neu beidio a 2) difrifoldeb yr achos. Bydd ail Swyddog Uniondeb Academaidd yn gyfrifol am benderfynu a gyflawnwyd tramgwydd ac os felly, am osod cosb. Y Gyfadran/yr Ysgol/Sefydliad Partner fydd yn gyfrifol am ddynodi cyfrifoldebau; fodd bynnag, cyfrifoldeb Swyddogion Uniondeb Academaidd y Gyfadran/yr Ysgol/Sefydliad Partner yw sicrhau bod yr holl staff yn ymwybodol o'r broses.

Mewn achosion pan amheuir camymddygiad academaidd mewn gwaith a gwblhawyd heb fod dan amodau arholiad (ac eithrio traethodau ymchwil graddau ymchwil), disgwylir i'r Gyfadran/yr Ysgol ddilyn y camau a restrir isod. Bydd baich y profi (sef y ddyletswydd i brofi’r honiad) ar y Gyfadran/yr Ysgol, a dylai safon y prawf fod ar bwysau tebygolrwydd: sefydlir ffaith os yw’n fwy tebygol o fod wedi digwydd na pheidio. Dylid ymdrin ag achosion sy'n ymwneud â thraethodau ymchwil graddau ymchwil yn unol â'r cyfarwyddyd yn adran 6.0.

3.3

Gweithdrefn ar gyfer ymchwilio i achosion o gamymddygiad academaidd heb fod yn rhai mewn arholiad, ar Lefel y Gyfadran/yr Ysgol/Sefydliad Partner a phenderfynu arnynt

3.4 Cam Un - adroddiad i Swyddog Uniondeb Academaidd Cyntaf y Gyfadran/yr Ysgol/Sefydliad Partner

Os bydd aelod o staff yn ystyried, neu'n amau y cafwyd camymddygiad academaidd mewn perthynas ag unrhyw waith a gwblhawyd dan amodau nad ydynt yn rhai arholiad (ac eithrio traethawd ymchwil), dylai roi gwybod am y mater yn ysgrifenedig neu drwy e-bost a darparu tystiolaeth berthnasol i Swyddog Uniondeb Academaidd Cyntaf y Gyfadran/yr Ysgol/Sefydliad Partner, fel arfer o fewn pum niwrnod gwaith o ystyried gwaith y myfyriwr neu arholiad llafar uniondeb academaidd y myfyriwr. Fel arfer ni fyddai'r gwaith dan sylw yn cael ei farcio ac ni fyddai canlyniad y modiwl fel arfer yn cael ei ddarparu i'r myfyriwr nes y penderfynir ar yr achos camymddygiad academaidd.

Efallai bydd yr aelod o staff (neu ei gydweithiwr) yn ei gwneud hi’n ofynnol i'r myfyriwr fynychu arholiad llafar uniondeb academaidd i brofi gwybodaeth y myfyriwr am y gwaith a gyflwynwyd cyn rhoi gwybod am y mater i Swyddog Uniondeb Academaidd Cyntaf y Gyfadran/yr Ysgol/Sefydliad Partner neu Arweinydd Uniondeb Academaidd y Brifysgol, yn unol â 3.1 uchod.

3.5 Cam Dau - sefydlu achos Prima Facie

Yn gyntaf oll, bydd Swyddog Uniondeb Academaidd Cyntaf y Gyfadran/yr Ysgol/Sefydliad Partner neu ei enwebai yn penderfynu a oes achos prima facie o gamymddygiad academaidd, gan ystyried y dogfennau/y dystiolaeth a phan fo angen drwy drafod â'r myfyriwr dan sylw.

Gall y Swyddog Uniondeb Academaidd Cyntaf ofyn i aelod academaidd o staff gynnal arholiad llafar uniondeb academaidd i brofi gwybodaeth y myfyriwr o'r gwaith a gyflwynwyd, yn unol â 3.1 uchod.

Caiff achosion sy'n ymwneud â myfyrwyr Y Coleg, Prifysgol Abertawe ar raglenni integredig eu trin gan y Gyfadran/yr Ysgol/Sefydliad Partner yn unol â rheoliadau 3.3 i 3.12.

Mewn achosion sy'n ymwneud â myfyriwr/myfyrwyr o'r Coleg, Prifysgol Abertawe yn unig ar raglenni nad ydynt yn integredig, dylid cyfeirio'r achos at Y Coleg, Prifysgol Abertawe.

Os nad oes achos prima facie o gamymddygiad academaidd, dylid rhoi gwybod i'r myfyriwr ac ni chaiff unrhyw gamau gweithredu ffurfiol pellach eu cymryd.

3.6 Ymarfer Academaidd Gwael

Mewn achosion lle mae myfyriwr yn gynnar ar ei yrfa academaidd mae'n bosib y bydd y Swyddog Uniondeb Academaidd yn penderfynu bod cyfeirnodi yn deillio o ddiffyg dealltwriaeth y myfyrwyr i ddeall gofynion cyfeirnodi ac arfer academaidd gwael yn hytrach na chamymddygiad academaidd.

Mae'r grwpiau canlynol o fyfyrwyr yn cael eu hystyried yn gynnar yn eu gyrfa academaidd:

• Lefel 3 a 4
• Bloc addysgu cyntaf ar gyfer y rhaglen mynediad uniongyrchol Lefel 5,6 a 7
• Myfyrwyr Cyrsiau Gradd Atodol

Byddai achosion nodweddiadol yn cynnwys mân achosion a/neu achosion cymharol ddibwys o:

• Gyfei;
• Rnodi gwaelcydnabyddiaeth anghywir (neu ddiffyg cydnabyddiaeth) am waith a gopïwyd ac a ychwanegwyd at aseiniad;
• Swm bach o waith a gopïwyd gan fyfyriwr arall neu a gynhyrchwyd gan systemau deallusrwydd artiffisial cynhyrchiol;
• Swm bach o aralleirio heb y gydnabyddiaeth briodol.

Mewn achosion o'r fath, rhoddir rhybudd anffurfiol i'r myfyriwr a chaiff ei gyfeirio at y ffynonellau priodol o gyngor (megis Tiwtor Personol, llyfrgellydd pwnc, cyrsiau hyfforddiant ar-lein a'r Ganolfan Llwyddiant Academaidd) i gael canllawiau ar gyfeirnodi cywir ac ymarfer academaidd da. Dim ond un rhybudd anffurfiol fydd yn cael ei roi fel arfer. Fodd bynnag, gan gyfeirio at yr uchod, gall y Swyddog Uniondeb Academaidd ddefnyddio ei ddisgresiwn a rhoi rhybudd anffurfiol arall.

Bydd yr Ysgol/y Gyfadran/Sefydliad Partner yn marcio'r gwaith yn unol â'r meini prawf marcio arferol. Caiff achosion o'r fath eu nodi ond ni chânt eu nodi fel camymddygiad academaidd. Bydd unrhyw dramgwyddau diweddarach yn cael eu hystyried dan y gweithdrefnau camymddygiad academaidd.

3.7 Cam Tri – Penderfynu a ddylid ymdrin â’r achos gan y Gyfadran/yr Ysgol/Sefydliad Partner neu gan Arweinydd Uniondeb Academaidd y Brifysgol/Bwyllgor Ymchwilio

Os bydd Swyddog Uniondeb Academaidd Cyntaf y Gyfadran/yr Ysgol/Sefydliad Partner yn penderfynu bod achos prima facie o gamymddygiad academaidd, yna bydd yn penderfynu a ellir ymdrin â’r achos ar lefel y Gyfadran/yr Ysgol neu a ddylid ei gyfeirio at sylw Arweinydd Uniondeb Academaidd y Brifysgol.

Dylai Cyfadrannau/Ysgolion/Sefydliad Partner hefyd archwilio unrhyw waith arall a gyflwynwyd o'r blaen gan y myfyriwr, (gan gynnwys gwaith a gyflwynwyd mewn Ysgolion neu feysydd pwnc eraill lle y mae’r myfyriwr wedi dilyn modiwlau), am enghreifftiau posibl eraill o gamymddygiad academaidd.

Bydd tîm cymorth y Gyfadran/yr Ysgol/Sefydliad Partner yn cysylltu â'r Gwasanaethau Addysg i egluro a oes gan y myfyriwr unrhyw dramgwyddau blaenorol o gamymddygiad academaidd.

Fel arfer, ni fydd y Swyddog Uniondeb Academaidd Cyntaf yn cael ei hysbysu am unrhyw honiadau a gadarnhawyd o'r blaen o gamymddygiad academaidd cyn dod i'w ddyfarniad ar yr honiad dan sylw. Fodd bynnag, dylid dweud wrth yr Ail Swyddog Uniondeb Academaidd cyn penderfynu ar y gosb mewn achosion priodol.

Bydd yr achosion canlynol fel arfer yn cael eu trin ar lefel y Gyfadran/yr Ysgol:

• Llên-ladrata: pob achos cyntaf ac ail achos myfyrwyr a addysgir;
• Cydgynllwynio: pob achos cyntaf ac ail achos myfyrwyr a addysgir;
• Mae ffugio canlyniadau gwaith labordy, gwaith maes, neu unrhyw waith arall sy'n casglu ac yn dadansoddi data yn gamymddygiad academaidd hefyd.

Sylwer: Ymdrinnir â'r holl ail achosion myfyrwyr a addysgir sy'n ymwneud â llên-ladrad/cydgynllwynio ar lefel Ysgol, waeth beth fo natur yr achos cyntaf.

Yn achos tramgwydd pellach o lên-ladrad neu gydgynllwynio, bydd Swyddog Uniondeb Academaidd y Gyfadran/yr Ysgol/Sefydliad Partner yn ystyried a yw'r achos o natur ddifrifol (h.y. a yw rhan sylweddol o'r asesiad wedi'i llên-ladrata neu a oes cydgynllwynio o bwys wedi bod). Dylai Swyddog Uniondeb Academaidd Cyntaf y Gyfadran/yr Ysgol/Sefydliad Partner ystyried y canlynol wrth benderfynu a fyddai'n fwy priodol ymdrin â'r achos ar lefel y Gyfadran/yr Ysgol/Sefydliad Partner (yn unol â Chamau Pedwar i Chwech isod), neu gyfeirio'r achos at Arweinydd.

Uniondeb Academaidd y Brifysgol:

• Swm y gwaith yr effeithiwyd arno;
• Pwysiad y gwaith cwrs yn y modiwl;
• Difrifoldeb y drosedd;
• Cyfanswm nifer y credydau a effeithiwyd;
• Lefel yr astudiaeth.

Yn gyntaf, dylai Swyddog Uniondeb Academaidd y Gyfadran/yr Ysgol/Sefydliad Partner ystyried y cyfarwyddyd a geir yng Nghôd Ymarfer y Brifysgol ar Gamymddygiad Academaidd, ond caiff geisio cyngor ychwanegol gan y Gwasanaethau Addysg neu Arweinydd Uniondeb Academaidd y Brifysgol i benderfynu a ddylai'r Gyfadran/yr Ysgol/Sefydliad Partner ymdrin â'r achos, neu a ddylid ei gyfeirio at sylw Pwyllgor Ymchwilio'r Brifysgol.

3.8 Camymddygiad academaidd sy'n ymwneud â chomisiynu

Ni chaiff achosion o'r fath eu hystyried ar lefel y Gyfadran/yr Ysgol/Sefydliad Partner a dylid eu hanfon at Arweinydd Uniondeb Academaidd y Brifysgol (gweler rheoliad 5.0).

Gellir newid cyhuddiad o gomisiynu yn ystod gwrandawiad/ymchwiliad i ganiatáu newid y cyhuddiad yn dramgwydd camymddygiad academaidd o fath arall.

3.9 Cam Pedwar – Ymateb y Myfyriwr i'r Honiad

3.9.1

Os oes achos prima facie o gamymddygiad academaidd yn bodoli ac mae'r Swyddog Uniondeb Academaidd Cyntaf yn penderfynu y dylid ymdrin â’r achos ar lefel y Gyfadran/yr Ysgol/Sefydliad Partner, dylai'r swyddog (neu ei enwebai) ysgrifennu i roi gwybod i’r myfyriwr dan sylw am yr achos o gamymddygiad academaidd honedig. Yn y llythyr (bydd templed ar ei gyfer ar gael gan y Gwasanaethau Addysg) bydd Swyddog Uniondeb Academaidd y Gyfadran/yr Ysgol/Sefydliad Partner naill ai'n gwahodd y myfyriwr i roi sylwadau ysgrifenedig (gan ddefnyddio'r templed Ffurflen Ymateb i Fyfyrwyr) neu wahodd y myfyriwr i gyfweliad. Os bydd y myfyriwr yn nodi nad yw’n dymuno dod i’r cyfweliad, cynhelir y cyfweliad yn ei absenoldeb. Fel arfer, ni chaiff myfyriwr anfon unigolyn arall i'r cyfweliad yn ei absenoldeb oni bai bod Swyddog Uniondeb Academaidd y Gyfadran/yr Ysgol/Sefydliad Partner yn awdurdodi hyn cyn y cyfweliad. Os na cheir ymateb gan y myfyriwr, cynhelir yr achos yn ei absenoldeb ar ôl gwneud pob ymdrech resymol i gysylltu â’r myfyriwr. Mewn amgylchiadau eithriadol, gellir gohirio’r cyfweliad unwaith.

3.9.2

Pan wahoddir y myfyriwr i gyfweliad, bydd ganddo'r hawl i ddod â chyfaill neu gydweithiwr (sy'n aelod o'r Brifysgol) i'r cyfweliad, neu gynrychiolydd Undeb y Myfyrwyr. Rôl unrhyw unigolyn sy'n dod gyda'r myfyriwr fydd cefnogi'r myfyriwr hwnnw, ac fel arfer, ni chaniateir iddo ateb cwestiynau ar ran y myfyriwr.

Gall myfyriwr ddod â chyfieithydd gydag ef os teimlir na fydd yn gallu deall y trafodion yn llawn. Cyfrifoldeb y myfyriwr yw trefnu cyfieithydd o’r fath a bydd hefyd yn gyfrifol am ei ffioedd (ac eithrio ar gyfer cyfieithu Cymraeg; gweler isod). Dylai’r myfyriwr roi enw’r cyfieithydd i’r Gyfadran/yr Ysgol cyn y cyfarfod. Rôl y cyfieithydd yw cyfieithu'r ddeialog rhwng y partïon yn unig; ni chaiff ateb cwestiynau ar ran y myfyriwr nac ychwanegu unrhyw sylwadau ei hun, oni bai bod y Cadeirydd yn ei wahodd i wneud hynny.

Bydd myfyriwr sy’n dymuno i'r gwrandawiad gael ei gynnal yn Gymraeg yn rhoi gwybod i’r Gyfadran/yr Ysgol/Sefydliad Partner, wrth dderbyn dyddiad y gwrandawiad, er mwyn i Swyddfa Iaith Gymraeg y Brifysgol drefnu gwasanaeth cyfieithu. Darperir gwasanaethau o’r fath am ddim i’r myfyriwr.

Fel arfer, byddai'r cyfweliad yn cynnwys dau aelod o staff, fel arfer y Swyddog Uniondeb Academaidd Cyntaf ac un arall. Gall yr ail aelod o staff fod yn Ail Swyddog Uniondeb Academaidd neu’n aelod arall o staff academaidd. Rhaid cadw cofnod o'r cyfarfod; gallai hyn fod ar ffurf cofnodion ysgrifenedig a/neu recordiad clywedol/cyfryngol.Yn ôl disgresiwn y Gyfadran/yr Ysgol/Sefydliad Partner, gellir enwebu trydydd aelod o staff er mwyn cofnodi/trawsgrifio'r cyfarfod.

Caiff cyfarfodydd eu cynnal yn electronig dros Zoom/fideo-gynadledda fel arfer, a disgwylir i bawb alluogi eu gwe-gamera.
Dylid rhoi copi o'r dystiolaeth i'r myfyriwr ac fel arfer bydd y dystiolaeth hon ar ffurf copi o’r traethawd gyda nodiadau arno a/neu’r adroddiad Turnitin, ffynonellau etc.

Mewn achosion o gydgynllwynio, dylid anfon at fyfyrwyr gopïau o'r holl waith sy'n destun ymchwiliad, neu ddarnau fel y bo'n berthnasol ac unrhyw dystiolaeth wedi'i chyflwyno gan y myfyriwr arall/myfyrwyr eraill cyn y cyfweliad.

3.9.3

Cylch gorchwyl y cyfweliad fydd:

• Ystyried y dystiolaeth a gyflwynwyd ynghylch yr honiad o gamymddygiad academaidd;
• Gwneud argymhelliad ynghylch canlyniad yr achos i wneud argymhelliad ar ganlyniad y cais o ran a yw'r honiad yn cael ei brofi ai peidio, a difrifoldeb y cais.

Mewn achosion lle bydd yr Ail Swyddog Uniondeb Academaidd yn bresennol yn y cyfweliad, bydd y cylch gorchwyl yn cynnwys:

• Penderfynu a yw’r honiad wedi cael ei gadarnhau;
• Pennu, mewn achosion priodol, y gosb y dylid ei rhoi.

3.9.4

Bydd y weithdrefn yn ystod y cyfweliad fel a ganlyn:

Bydd y Swyddog Uniondeb Academaidd yn:

• Cyflwyno ei hun ac unrhyw aelodau staff eraill i'r myfyriwr;
• Dweud wrth y myfyriwr y bydd ef a'r ail aelod o staff yn cwestiynu'r myfyriwr, gan alw tystion a chyflwyno tystiolaeth fel y bo'n briodol yn eu tyb nhw;
• Amlinellu diben y cyfweliad a'r canlyniadau posib;
• Rhoi cyfle i'r myfyriwr a/neu ei gynrychiolydd ymateb i'r cyhuddiad ac amlinellu ei achos;
• Rhoi'r cyfle i'r myfyriwr gyflwyno unrhyw dystiolaeth sydd ganddo, er enghraifft drafftiau, ffynonellau, etc.;
• Asesu dealltwriaeth y myfyriwr o uniondeb academaidd a chamymddygiad academaidd;
• Pan fo'n briodol, gofyn i'r myfyriwr a yw'n dymuno cynnig unrhyw amgylchiadau lliniarol ac atgoffa'r myfyriwr, pan allai fod wedi adrodd am amgylchiadau o'r fath wrth y Gyfadran/yr Ysgol/Sefydliad Partner, cyn gwneud penderfyniad, ni ellir cyfeirio at yr amgylchiadau hynny'n hwyrach fel rheswm dros adolygiad;
• Darparu gwybodaeth i'r myfyriwr ynghylch y llinell amser ar gyfer ei benderfyniad a'r hawl i apelio yn erbyn y penderfyniad hwnnw;
• Pan fo'n briodol, cyfeirio'r myfyriwr at ffynonellau cymorth a chefnogaeth ychwanegol, er enghraifft, y Tiwtor Personol, y llyfrgellydd pwnc neu'r Ganolfan Llwyddiant Academaidd;
• Cadw cofnod o'r cyfarfod.

3.9.5

Nid oes rhaid i Swyddog Uniondeb Academaidd Cyntaf y Gyfadran/yr Ysgol/Sefydliad Partner ystyried bwriad mewn perthynas â chyhuddiad o gamymddygiad academaidd - ni ellir amddiffyn achos drwy ddweud bod y tramgwydd wedi’i gyflawni’n anfwriadol neu drwy gamgymeriad. Fodd bynnag, gall y myfyriwr gyflwyno amgylchiadau o’r fath fel amgylchiadau lliniarol mewn perthynas â’r gosb a bennir.

3.9.6

Ar ôl ystyried y dystiolaeth ac unrhyw ymateb a ddarperir gan y myfyriwr, bydd y Swyddog Uniondeb Academaidd Cyntaf yn cyfeirio'r achos, yr holl dystiolaeth berthnasol, yr ymateb ysgrifenedig a gafwyd gan y myfyriwr ac unrhyw nodiadau o unrhyw gyfarfod a gynhaliwyd gyda'r myfyriwr i'r Ail Swyddog Uniondeb Academaidd ynghyd â'i argymhelliad o ran 1) a yw’r achos yn cael ei brofi neu beidio a 2) difrifoldeb yr achos yn defnyddio'r ffurflen Adroddiad am Achos sydd ar gael gan y Gwasanaethau Addysg.

3.10 Cam Pump - cadarnhau’r achos

Bydd Ail Swyddog Uniondeb Academaidd y Gyfadran/yr Ysgol/Sefydliad Partner yn ystyried y ddogfennaeth a'r argymhelliad a dderbyniwyd gan y Swyddog Uniondeb Academaidd Cyntaf ac yna bydd yn penderfynu a yw'r honiad o gamymddygiad academaidd wedi'i gadarnhau yn ôl y dystiolaeth a dderbyniwyd. Bydd baich y profi (sef y ddyletswydd i brofi’r honiad) ar y Gyfadran/yr Ysgol, a dylai safon y prawf fod ar bwysau tebygolrwydd: caiff ffaith ei chadarnhau os yw’n fwy tebygol ei bod wedi digwydd na pheidio.

Nid oes rhaid i'r Ail Swyddog Uniondeb Academaidd ystyried bwriad mewn perthynas â chyhuddiad o gamymddygiad academaidd - ni ellir amddiffyn achos drwy ddweud bod y tramgwydd wedi’i gyflawni’n anfwriadol neu drwy gamgymeriad. Fodd bynnag, gall y myfyriwr gyflwyno amgylchiadau o’r fath fel amgylchiadau lliniarol mewn perthynas â’r gosb a bennir.

Pan na fydd safon y prawf yn cael ei bodloni, dylid diystyru'r achos a chaiff y myfyriwr ei hysbysu am hyn yn ysgrifenedig.
Mewn achosion lle teimlir mai achos o arfer academaidd gwael yw hwn yn hytrach na chamymddygiad academaidd, ymdrinnir â'r achos yn unol â 3.6.

Os bydd yr Ail Swyddog Uniondeb Academaidd yn canfod bod honiad o gamymddygiad academaidd wedi'i gadarnhau, yna bydd yn penderfynu ar y gosb sydd i'w rhoi yn unol â Cham Chwech isod.

3.11 Cam Chwech - Achosion ar lefel y Gyfadran/yr Ysgol/Sefydliad Partner - pennu cosbau

Er mwyn sicrhau cysondeb yn y defnydd o gosbau, mae’r Brifysgol yn rhoi cyfarwyddyd ar gosbau arferol yn y Côd Ymarfer ar Arfer Annheg.

Yn ogystal â'r canllawiau hyn, mewn achosion o ddysgu annibynnol gan gyfarwyddyd cyrsiau ôl-raddedig a addysgir ac ail dramgwydd/tramgwydd bellach, dylai'r Ail Swyddog Uniondeb Academaidd gysylltu â'r Gwasanaethau Addysg i gadarnhau'r gosb arfaethedig. Dylid anfon copi o'r Adroddiad drafft am yr achos a dogfennaeth yr achos i'r Gwasanaethau Addysg ynghyd â manylion y gosb arfaethedig. Ni ddylai'r myfyriwr gael ei hysbysu am y gosb nes bod hon wedi cael ei chadarnhau gan y Gwasanaethau Addysg.

Dylai’r Ail Swyddog Uniondeb Academaidd gyfeirio at Gôd Ymarfer y Brifysgol ar Gamymddygiad Academaidd a gall ymgynghori â chydweithwyr wrth bennu cosb.

Bydd yr Ail Swyddog Uniondeb Academaidd hefyd yn ystyried y materion canlynol:

• Difrifoldeb y drosedd;
• Goblygiadau'r gosb i’r myfyriwr;
• Hanes yr achos;
• Cofnod academaidd yr ymgeisydd (gan gynnwys tramgwyddau blaenorol a brofwyd);
• Bwriad;
• Unrhyw amgylchiadau lliniarol a ddygwyd i'w sylw wrth bennu'r gosb.

Dylai’r Ail Swyddog Uniondeb Academaidd fod yn sicr bod gan unrhyw amgylchiadau lliniarol gysylltiad uniongyrchol â’r achos ac, yn benodol, eu bod wedi dylanwadu ar weithredoedd y myfyriwr neu fyfyrwyr dan sylw. Rhaid i ymgeiswyr sy'n cyflwyno amgylchiadau lliniarol ddarparu tystiolaeth i gefnogi'r amgylchiadau a darparu eglurdeb ar eu heffeithiau. Pan allai'r ymgeisydd fod wedi rhoi gwybod am amgylchiadau o'r fath i’r Gyfadran/yr Ysgol, cyn i’r penderfyniad gael ei wneud, ni ellir cyfeirio at yr amgylchiadau hynny yn ddiweddarach fel rheswm dros gynnal adolygiad.

Caiff yr Ail Swyddog Uniondeb Academaidd osod un o'r cosbau canlynol:

Tramgwyddau asesu modiwlau a addysgir:

3.11.1

Rhoi cerydd ysgrifenedig i’r ymgeisydd ac anwybyddu’r testun wrth farcio, gan roi marc is.

3.11.2

Canslo marciau’r ymgeisydd am yr aseiniad.

3.11.3

Canslo marc(iau) yr ymgeisydd am y gydran(nau) o'r modiwl.

3.11.4

Canslo marc yr ymgeisydd am y modiwl dan sylw.

3.11.5

Canslo marciau’r ymgeisydd ym mhob un o’r modiwlau ar gyfer y lefel astudio benodol.

Tramgwyddau Traethodau Estynedig:

3.11.6

Methu traethawd hir, gyda'r hawl i ailgyflwyno.

3.11.7

Methu traethawd hir, heb yr hawl i ailgyflwyno.

Y Bwrdd Dilyniant a Dyfarniadau perthnasol fydd yn penderfynu a ganiateir i'r myfyriwr ailgyflwyno'r gwaith neu ailsefyll yr asesiad, yn unol â rheoliadau asesu'r rhaglen. Fodd bynnag, yn sgîl amgylchiadau esgusodol myfyriwr, gall Swyddog Uniondeb Academaidd y Gyfadran/yr Ysgol/Sefydliad Partner gyflwyno argymhelliad gerbron y Bwrdd Dilyniant a Dyfarniadau mewn perthynas ag ail-wneud y gwaith. Mewn achosion o'r fath, Cadeirydd y Bwrdd Dilyniant a Dyfarniadau fydd â'r awdurdod i dderbyn neu wrthod argymhelliad.

3.12 Adroddiad achos

Bydd Swyddog(ion) Uniondeb Academaidd y Gyfadran/yr Ysgol/Sefydliad Partner yn drafftio adroddiad ar bob achos yn nodi a yw'r honiad wedi'i brofi, unrhyw gosb a osodwyd a'r rhesymau dros y penderfyniadau a wnaed (bydd templed ar gael gan y Gwasanaethau Addysg). Caiff yr adroddiad, ynghyd â chopi o'r llythyr, ei anfon at y Gwasanaethau Addysg lle cedwir cofnod parhaol. Gellir ystyried yr adroddiad mewn achosion o adolygiadau terfynol. Bydd y Gyfadran/yr Ysgol/Sefydliad Partner hefyd yn anfon copi o'r adroddiad at y myfyriwr (gweler 3.19 isod).

3.13 Hysbysu’r myfyriwr

Dylai'r Gyfadran/yr Ysgol/Sefydliad Partner roi gwybod i'r myfyriwr yn ysgrifenedig p'un a yw'r honiad wedi cael ei gadarnhau ac unrhyw gosb a weithredir (mae templed ar gael o'r Gwasanaethau Addysg). Dylid rhoi copi o'r adroddiad ar yr achos i'r myfyriwr hefyd.

Hysbysir y myfyriwr hefyd am weithdrefnau Fodd bynnag, dylai myfyrwyr nodi y gallai adolygiad terfynol o'r canlyniad arwain at gosb fwy llym yn cael ei gosod (e.e. os caiff y canlyniad presennol ei ganslo a bod yr achos yn cael ei gyfeirio er mwyn cael penderfyniad newydd). Anfonir copi o'r llythyr i'r Gwasanaethau Addysg.

Pan fo honiad wedi ei gadarnhau, a phan fo’r Gyfadran/yr Ysgol/Sefydliad Partner yn pryderu y gall hyn effeithio ar addasrwydd y myfyriwr i ymarfer, gellir cyfeirio’r achos hefyd at y Dirprwy Is-ganghellor a Deon Gweithredol (neu ei enwebai) yn unol â .

Pan gadarnhawyd honiad ac mae'r myfyriwr eisoes wedi'i gofrestru gyda chorff proffesiynol, statudol neu reoleiddiol (er enghraifft, cofrestru gyda'r Cyngor Meddygol Cyffredinol), mae'r myfyriwr yn gyfrifol am hysbysu'r corff proffesiynol o ganlyniad y Pwyllgor Ymchwilio.

3.14 Arolwg o gosbau

Er mwyn sicrhau cysondeb, gall y Gwasanaethau Addysg gynnal arolwg o'r cosbau ac adrodd am unrhyw ganfyddiadau i'r pwyllgor priodol yn y Brifysgol.

4.1        

Rhoir gwybod i fyfyrwyr y gallant ofyn am adolygiad terfynol o'r canlyniad a bennir gan Swyddog Uniondeb Academaidd y Gyfadran/yr Ysgol/Sefydliad Partner yn unol â gweithdrefnau'r Brifysgol ynghylch Adolygiad Terfynol.

5.1 

Rhoi gwybod i Arweinydd Uniondeb Academaidd y Brifysgol

Dylai Swyddog Uniondeb Academaidd y Gyfadran/yr Ysgol/Sefydliad Partner roi gwybod i Arweinydd Uniondeb Academaidd y Brifysgol yn ysgrifenedig, a fydd wedyn yn cadarnhau un o'r canlynol:

i. Bod achos yn bodoli ac yn rhoi gwybod i'r Gyfadran/yr Ysgol/Sefydliad Partner (neu enwebai) a Chyfarwyddwr y Gwasanaethau Addysg y dylid galw Pwyllgor Ymchwilio ynghyd;
ii. Bod achos yn bodoli ond y gellir ymdrin â'r achos hwnnw ar lefel y Gyfadran/yr Ysgol/Sefydliad Partner;
iii. Nad oes achos yn bodoli ac na ddylid cymryd unrhyw gamau gweithredu pellach.

Mewn rhai achosion gall Arweinydd Uniondeb Academaidd y Brifysgol benderfynu bod y gwaith wedi’i gyfeirnodi’n wael. Mewn achosion o’r fath, dylid cyfeirio’r myfyriwr at ei Diwtor Personol am gyngor a chyfarwyddyd ynghylch cyfeirnodi. Unwaith y bydd wedi cwrdd â’i Diwtor Personol, dylid gofyn i'r myfyriwr lofnodi datganiad yn cadarnhau ei fod wedi derbyn cyngor a’i fod yn deall confensiynau cyfeirnodi.

6.1

Os bydd goruchwyliwr/arholwr yn ystyried neu'n amau y cafwyd camymddygiad academaidd mewn perthynas â thraethawd ymchwil gradd ymchwil ar ôl ei chyflwyno'n ffurfiol, bydd yn rhoi gwybod am y mater yn ysgrifenedig i Swyddog Uniondeb Academaidd y Gyfadran/yr Ysgol/Sefydliad Partner cyn gynted â phosibl. 

Mewn achosion lle caiff y camymddygiad academaidd honedig ei nodi ar ôl cyflwyniad ffurfiol ond cyn yr arholiad llafar, dylai'r broses arholi gael ei gohirio nes bod yr ymchwiliad i'r camymddygiad academaidd wedi’i gwblhau. Dylid rhoi gwybod yn ysgrifenedig i'r myfyriwr (fel arfer o fewn saith niwrnod i nodi’r pryderon) bod pryderon ynghylch camymddygiad academaidd, a bod y broses arholi wedi'i gohirio wrth i ymchwiliad i’r mater gael ei gynnal. Dylid rhoi gwybod i'r Gyfadran/yr Ysgol a phanel yr arholiad llafar (os yw wedi cael ei benodi) hefyd.

Mewn achosion pan fo camymddygiad academaidd wedi ei nodi yn ystod yr arholiad llafar, dylid gohirio’r Bwrdd Arholi a rhoi gwybod i'r Gyfadran/yr Ysgol. Dylid rhoi gwybod i'r myfyriwr wyneb yn wyneb yn yr arholiad llafar ac yn ysgrifenedig o fewn saith niwrnod bod honiad o gamymddygiad academaidd , a bod y broses arholi wedi'i gohirio wrth i ymchwiliad gael ei gynnal i'r pryderon.

Gall yr academydd sy'n cyfeirio fod yn oruchwyliwr neu’n arholwr (neu enwebai). Gall yr academydd sy'n cyfeirio ei gwneud yn ofynnol i'r myfyriwr gymryd rhan mewn arholiad llafar uniondeb academaidd i brofi gwybodaeth y myfyriwr am y gwaith a gyflwynwyd cyn rhoi gwybod am y mater i'r Swyddog Uniondeb Academaidd, yn unol â 3.1 uchod.

Yn dilyn yr arholiad llafar uniondeb academaidd, dylai cadeirydd panel yr arholiad llafar baratoi adroddiad sy’n amlinellu ei gasgliadau o fewn wythnos i arholiad llafar uniondeb academaidd y myfyriwr yn unol â 3.1. Dylai'r adroddiad hwn gael ei gyfeirio at sylw’r Swyddog Uniondeb Academaidd a fydd yn ystyried yr adroddiad ochr yn ochr â dogfennaeth/tystiolaeth arall.

Efallai bydd yr academydd sy'n cyfeirio’n dymuno ystyried y dystiolaeth ganlynol (bydd hyn yn dibynnu ar natur y pryderon ynghylch camymddygiad academaidd):

Adroddiad Turnitin

Ffynonellau anodedig sy'n cyfateb i'r traethawd ymchwil

Datganiadau gan y goruchwyliwr/cadeirydd panel yr arholiad llafar/arholwr mewnol/arholwr allanol/academydd arall. Mewn rhai achosion, gall fod yn briodol cysylltu ag arbenigwr pwnc allanol/mewnol i ofyn am ei asesiad o’r achos.

Adroddiad arholiad llafar uniondeb academaidd, os yw’n briodol.

Datganiadau trydydd parti (os yw’n berthnasol ac os yw’r trydydd parti wedi ildio ei hawl i fod yn ddienw).

Nid yw'r rhestr hon yn gynhwysfawr.

6.2

Yn dilyn derbyn y cyfeiriad cyntaf gan y Gyfadran/yr Ysgol, bydd Swyddog Uniondeb Academaidd y Gyfadran/yr Ysgol/y Sefydliad Partner yn ystyried yr holl dystiolaeth ac yn cyfeirio'r achos at sylw Arweinydd Uniondeb Academaidd y Brifysgol yn ysgrifenedig gyda'i argymhellion ei hun ynghylch a oes achos prima facie gan ddefnyddio'r templed priodol gan y Gwasanaethau Addysg.  Gall y Swyddog Uniondeb Academaidd ofyn am ragor o wybodaeth/camau gweithredu gan y Gyfadran/yr Ysgol. Er enghraifft, gall ofyn bod arholiad llafar uniondeb academaidd yn cael ei gynnal i brofi gwybodaeth y myfyriwr am y gwaith a gyflwynwyd neu fod arbenigwr pwnc annibynnol yn cael ei benodi i ymgymryd ag asesiad.

Dylai'r Swyddog Uniondeb Academaidd hefyd roi gwybod i'r myfyriwr dan sylw am yr achos o gamymddygiad academaidd a amheuir a bod yr achos wedi'i gyfeirio at sylw Arweinydd Uniondeb Academaidd y Brifysgol.

Dylai Arweinydd Uniondeb Academaidd y Brifysgol gadarnhau naill ai:

1. Bod achos prima facie yn bodoli a rhoi gwybod i Swyddog Uniondeb Academaidd y Gyfadran/yr Ysgol/y Sefydliad Partner a Chyfarwyddwr y Gwasanaethau Addysg y dylid cynnull Pwyllgor Ymchwilio;
2. Nad oes achos yn bodoli ac na ddylid cymryd unrhyw gamau gweithredu pellach. Bydd Cyfarwyddwr y Gwasanaethau Addysg yn ysgrifennu at y myfyriwr i gadarnhau'r penderfyniad hwn o fewn saith niwrnod i dderbyn penderfyniad Arweinydd Uniondeb Academaidd y Brifysgol. Bydd yr Ysgol/y Gyfadran a'r Goruchwyliwr hefyd yn cael eu hysbysu o'r penderfyniad hwn ac y dylid ailddechrau’r broses arholi.

neu

Er mwyn osgoi ansicrwydd, mae'n rhaid bod yr ymchwiliad i gamymddygiad academaidd a'r canlyniad wedi’u cwblhau, a rhaid adrodd amdanynt, cyn ailddechrau arholiad llafar yr ymchwil a ohiriwyd a'r prosesau a gweithdrefnau cysylltiedig.

Mewn rhai achosion, gall Arweinydd Uniondeb Academaidd y Brifysgol benderfynu bod y gwaith wedi’i gyfeirnodi’n wael. Mewn achosion o’r fath, dylid cyfeirio’r myfyriwr at ei oruchwyliwr a/neu'r llyfrgellydd pwnc am gyngor a chyfarwyddyd ynghylch cyfeirnodi. Unwaith y bydd wedi cwrdd â’i oruchwyliwr a/neu'r llyfrgellydd pwnc, dylid gofyn i’r myfyriwr lofnodi datganiad yn cadarnhau ei fod wedi derbyn cyngor a’i fod yn deall confensiynau cyfeirnodi.

6.3

Os oes achos yn bodoli, dylai Cyfarwyddwr y Gwasanaethau Addysg hysbysu'r ymgeisydd yn ysgrifenedig am yr honiad ac y caiff Pwyllgor Ymchwilio ei gynnull cyn gynted ag sy'n ymarferol bosib i ystyried yr achos. Byddai Pwyllgor Ymchwilio fel arfer yn cael ei gynnal o fewn naw deg diwrnod i benderfyniad Arweinydd Uniondeb Academaidd y Brifysgol bod achos prima facie yn bodoli.

Dylid hysbysu’r myfyriwr, er y gwneir pob ymdrech i ymchwilio i’r achos yn brydlon, y gall fod oedi oherwydd cymhlethdod achosion ymchwil ôl-raddedig. Lle bo oedi, dylid rhoi gwybod yn rheolaidd i’r myfyriwr am gynnydd yr honiad a phryd fydd yr achos yn debygol o ddod i ben.

7.1

Ymdrinnir ag achos ar y cyd (tramgwydd cyntaf) sy'n ymwneud â myfyrwyr Y Coleg, Prifysgol Abertawe ar raglenni nad ydynt yn integredig a myfyrwyr Abertawe a/neu fyfyrwyr Y Coleg, Prifysgol Abertawe ar raglenni integredig yn unol â Gweithdrefnau Prifysgol Abertawe.

7.2

Ymdrinnir ag achosion sy'n ymwneud â myfyrwyr Y Coleg, Prifysgol Abertawe ar raglenni nad ydynt yn integredig gan Y Coleg, Prifysgol Abertawe.

7.3

Mewn achosion ar y cyd yr ymdrinnir â hwy gan y Brifysgol (7.1 uchod), gall cynrychiolydd o'r Coleg, Prifysgol Abertawe fod yn rhan o gamau dau i chwech (gweler 3.5–3.10).

7.4

Mewn achosion a brosesir gan un o Bwyllgorau Ymchwilio'r Brifysgol, gwahoddir cynrychiolydd o'r Coleg, Prifysgol Abertawe, i fod yn aelod o'r Pwyllgor yn unol â rheoliad 9.0.

8.1        

Os ceir honiad o gamymddygiad academaidd ar ôl i gymhwyster gael ei ddyfarnu, bydd y Brifysgol yn ystyried yr achos yn unol â'r rheoliadau sy'n ymwneud â chanslo dyfarniad.

8.2

Yn gyntaf, bydd Arweinydd Uniondeb Academaidd y Brifysgol yn ystyried yr achos, a bydd naill ai'n dileu'r achos neu ynteu'n cadarnhau bod achos prima facie o gamymddygiad academaidd yn bodoli. Yna, bydd Arweinydd Uniondeb Academaidd y Brifysgol yn cyfeirio'r achos at sylw'r Is-ganghellor neu ei enwebai (Dirprwy Is-ganghellor fel arfer) a fydd yn ystyried y cais i sefydlu Pwyllgor Ymchwilio. Wrth gyrraedd penderfyniad, bydd yr Is-ganghellor neu ei enwebai yn ystyried y dystiolaeth sydd ar gael i gefnogi'r achos, yr amser sydd wedi mynd heibio ers y tramgwydd honedig, a budd ehangach y Brifysgol. Os bydd achos prima facie'n bodoli, bydd yn gofyn am sefydlu Pwyllgor Ymchwilio i wrando ar yr achos.

8.3

Trefnir y Pwyllgor Ymchwilio yn unol â'r Rheoliadau isod. Pan gadarnheir achos, bydd y Pwyllgor yn cyflwyno argymhelliad i'r Senedd ar y canlyniad ac am unrhyw gosb sydd i'w gweithredu.

9.1

Wrth dderbyn cadarnhad o benderfyniad bod achos prima facie yn bodoli, a gyflwynir gan Arweinydd Uniondeb Academaidd y Brifysgol, bydd y Gwasanaethau Addysg yn trefnu i Bwyllgor Ymchwilio priodol gael ei gynnull cyn gynted ag sy'n rhesymol bosibl, fel arfer ymhen 90 niwrnod ar ôl i'r honiad gael ei wneud. Pan fo oedi, dylid hysbysu'r myfyriwr am gynnydd yr ymchwiliad, gan gynnwys y rhesymau dros oedi, a chynnig amserlen arfaethedig ar gyfer dod i gasgliad am yr achos. Fel arfer, bydd aelod o staff y Gwasanaethau Addysg yn gweithredu fel Ysgrifennydd y Pwyllgor. Bydd Arweinydd Uniondeb Academaidd y Brifysgol yn cyflwyno'r achos yn erbyn y myfyriwr, ac ni fydd yn gweithredu fel Cadeirydd neu Ysgrifennydd y Pwyllgor.

9.2

Bydd pob Panel Pwyllgor Ymchwilio yn cynnwys tri aelod (a ddewisir gan Ysgrifennydd y Pwyllgor), sef Cadeirydd profiadol (a ddewisir o restr o Gadeiryddion cymeradwy), aelod o staff academaidd y Brifysgol a Swyddog Amser Llawn Undeb y Myfyrwyr. Pan nad yw'n ymarferol i'r Ysgrifennydd drefnu i gynrychiolydd y myfyrwyr neu Swyddog Undeb y Myfyrwyr fod yn aelod o'r panel heb fod hynny'n peri oedi sylweddol wrth drefnu dyddiad ar gyfer y Pwyllgor, caiff yr Ysgrifennydd ddewis trydydd aelod o'r staff academaidd yn lle Swyddog Undeb y Myfyrwyr.

Yn achos honiad sy'n ymwneud â myfyriwr y Coleg, Prifysgol Abertawe, gall y Pwyllgor Ymchwilio gynnwys pedwerydd aelod o'r panel, sy'n aelod o staff y Coleg, Prifysgol Abertawe, fel arfer Cyfarwyddwr Gwasanaethau'r Coleg neu ei enwebai.

Yn achos honiad sy'n ymwneud â myfyriwr o Sefydliad Partner, gall y Pwyllgor Ymchwilio gynnwys pedwerydd aelod o'r panel, sy'n aelod o staff y Sefydliad Partner, fel arfer Cyfarwyddwr y Sefydliad Partner neu ei enwebai.

Ni fydd Panel y Pwyllgor Ymchwilio’n cynnwys aelodau staff o'r Ysgol lle mae’r myfyriwr yn astudio nac aelodau a chanddynt unrhyw ymglymiad blaenorol yn yr achos dan sylw. Bydd Panel y Pwyllgor yn cyrraedd penderfyniad drwy bleidlais fwyafrifol aelodau'r panel, a bydd pleidleisiau'r aelodau unigol yn cael eu trin yn gyfrinachol. Os na fydd penderfyniad clir, bydd gan y Cadeirydd bleidlais ddyfarnu ychwanegol.

9.3

Cyn gynted ag y bo’n rhesymol ymarferol ar ôl penodi’r Pwyllgor Ymchwilio, a chan gofio disgwyliad y Brifysgol y dylid clywed achosion o’r fath fel rheol o fewn 90 niwrnod calendr i'r honiad gael ei wneud, bydd yr Ysgrifennydd:

1. Yn anfon copïau at yr ymgeisydd o ddatganiadau tystion ac unrhyw dystiolaeth arall sydd i’w gosod gerbron y Pwyllgor Ymchwilio, ac yn cynnig cyfle i’r ymgeisydd nodi unrhyw ddatganiad neu ddogfen y gall fod dadl yn ei gylch;
2. Rhoi gwybod i Arweinydd Uniondeb Academaidd y Brifysgol (neu ei enwebai) ac aelodau’r Pwyllgor Ymchwilio am ddyddiad, lleoliad ac amser y cyfarfod a rhoi iddynt gopïau o’r cyhuddiad ac unrhyw ddatganiadau neu ddogfennau.

Bydd yr Ysgrifennydd, ar yr un pryd, yn rhoi gwybod i’r ymgeisydd am ddyddiad ac amser cyfarfod y Pwyllgor Ymchwilio a bod ganddo hawl i ddod â rhywun gydag e. Fel arfer, caiff y Pwyllgor Ymchwilio ei gynnal yn electronig dros Zoom/fideo-gynadledda a disgwylir i bawb alluogi eu gwe-gamera. Gall myfyriwr ddod â chyfieithydd gydag ef os teimlir na fydd yn gallu deall y trafodion yn llawn. Cyfrifoldeb y myfyriwr yw trefnu cyfieithydd o’r fath a bydd hefyd yn gyfrifol am ei ffioedd (ac eithrio ar gyfer cyfieithu Cymraeg; gweler 9.7 isod). Bydd y myfyriwr yn rhoi gwybod i’r Ysgrifennydd am enw’r cyfieithydd ar y pryd cyn y cyfarfod. Rôl y cyfieithydd yw cyfieithu'r ddeialog rhwng y partïon yn unig; ni chaiff ateb cwestiynau ar ran y myfyriwr nac ychwanegu unrhyw sylwadau ei hun, oni bai y gwahoddir ef i wneud hynny gan y Cadeirydd.

9.4

Dylid anfon unrhyw dystiolaeth ddogfennol i’w chyflwyno o blaid y myfyriwr at y Gwasanaethau Addysg cyn dyddiad y cyfarfod a’i chylchredeg i aelodau’r Pwyllgor. Bydd angen i’r ymgeisydd roi gwybod i’r Ysgrifennydd a yw’n bwriadu mynychu cyfarfod y Pwyllgor Ymchwilio ai peidio. Os bydd yr ymgeisydd yn nodi nad yw’n dymuno mynychu’r cyfarfod, bydd y Pwyllgor Ymchwilio’n bwrw ymlaen yn ei absenoldeb. Fel arfer, ni chaiff myfyriwr anfon rhywun arall i’r cyfarfod yn ei le, oni bai bod y Cadeirydd yn awdurdodi hynny cyn y cyfarfod. Os na cheir ymateb gan y myfyriwr, cynhelir y cyfarfod yn ei absenoldeb ar ôl gwneud bod pob ymdrech resymol i gysylltu â’r myfyriwr. Mewn amgylchiadau eithriadol, gellir gohirio’r cyfarfod unwaith.

Ni chaiff unrhyw dystiolaeth bellach a ddaw ar ddyddiad y cyfarfod ei chyflwyno i’r Pwyllgor ond gyda chaniatâd penodol y Cadeirydd.

9.5

Nid oes rhaid i'r Pwyllgor ystyried bwriad, mewn perthynas â chyhuddiad o arfer annheg - ni ellir amddiffyn achos drwy ddweud bod y tramgwydd wedi’i gyflawni’n anfwriadol neu drwy gamgymeriad. Fodd bynnag, gall y myfyriwr gyflwyno amgylchiadau o’r fath fel amgylchiadau lliniarol mewn perthynas â’r gosb a bennir.

9.6

Er y bydd cyfarfodydd y Pwyllgor fel arfer yn cael eu cynnal drwy Zoom/fideogynadledda, pe bai cyfarfod yn cael ei gynnal wyneb yn wyneb, dylid ei gynnal ym Mhrifysgol Abertawe oni chytunwyd ar reoliadau amgen (e.e. i'r cyfarfod gael ei gynnal ar gampws Partner Cydweithredol).

9.7

Cynhelir gwrandawiadau pwyllgorau yn Saesneg neu, ar gais y myfyriwr, yn Gymraeg. Bydd myfyriwr sy’n dymuno i'r gwrandawiad gael ei gynnal yn Gymraeg yn rhoi gwybod i’r Ysgrifennydd, o gael gwybod dyddiad y gwrandawiad, er mwyn i Swyddfa Iaith Gymraeg y Brifysgol drefnu gwasanaeth cyfieithu. Darperir gwasanaethau o’r fath am ddim i’r myfyriwr.

9.8

Rhoir gwybod i'r myfyriwr am ei hawl i ddod â rhywun gydag ef i'r cyfarfod. Bydd myfyriwr sy'n bwriadu dod â rhywun gydag ef yn hysbysu Ysgrifennydd y Pwyllgor am yr unigolyn sy'n cyd-fynd ag ef yn ysgrifenedig cyn y Pwyllgor.

Mae gan fyfyrwyr fynediad at wasanaethau cymorth myfyrwyr profiadol ag adnoddau da ac felly fel arfer ni fydd angen iddynt ofyn am gyngor cyfreithiol na dod â rhywun sy'n gweithredu mewn rhinwedd gyfreithiol gyda nhw i'r cyfarfod.

Fodd bynnag, gall myfyrwyr ofyn i rywun sy'n gweithredu mewn rhinwedd gyfreithiol ddod gyda nhw os ydynt wedi cofrestru ar raglen Addasrwydd i Ymarfer. Mewn achosion o'r fath, dylai'r myfyriwr gyflwyno cais i Gyfarwyddwr y Gwasanaethau Addysg. Mae gan Gyfarwyddwr y Gwasanaethau Addysg y disgresiwn llwyr i dderbyn neu wrthod cais a bydd ei benderfyniad yn derfynol.

Os caniateir i rywun sy'n gweithredu mewn rhinwedd gyfreithiol ddod gyda'r myfyriwr i'r cyfarfod, rhoir gwybod yn glir i'r unigolyn hwnnw am natur yr achos, h.y. nad yw'n broses gyfreithiol ac na fydd yn cael ei chynnal felly. Caiff y Cadeirydd wahodd cyfraniadau gan y person sy’n dod gyda’r myfyriwr.

Gall Arweinydd Uniondeb Academaidd y Brifysgol sy'n cyflwyno gerbron y Pwyllgor ar ran y Brifysgol hefyd gael mynediad at gyngor cyfreithiol tebyg sy'n gyson â'r hyn a ganiateir i'r myfyriwr.

9.9

Os na fydd ymgeisydd yn mynychu cyfarfod y Pwyllgor Ymchwilio, ar ôl nodi i’r Ysgrifennydd yn flaenorol y byddai’n dod, ac os cymerwyd pob cam rhesymol i gysylltu â’r ymgeisydd, bydd y cyfarfod yn bwrw yn ei flaen yn ei absenoldeb.

10.1

Bydd swyddogaethau’r Pwyllgor Ymchwilio fel a ganlyn:

• Ystyried y dystiolaeth a gyflwynir iddo ynghylch yr honiad o gamymddygiad academaidd;
• Penderfynu a yw’r honiad wedi cael ei gadarnhau;
• Pennu, mewn achosion priodol, y gosb y dylid ei rhoi.

11.1

Yn amodol ar y weithdrefn a amlinellir isod, bydd proses cyfarfod y Pwyllgor yn ôl disgresiwn Ysgrifennydd a Chadeirydd y Pwyllgor. Caiff yr Ysgrifennydd/Cadeirydd osod terfyn amser ar sylwadau llafar y partïon/tystion.

Mae gan y Cadeirydd yr awdurdod i ystyried gohirio'r cyfarfod ar gais y naill barti neu'r llall, neu os bydd y Cadeirydd o’r farn bod gohirio/oedi yn angenrheidiol.

Mewn achosion lle mae dau neu fwy o ymgeiswyr wedi eu cyhuddo o dramgwyddau cysylltiedig, megis cydgynllwynio, gall y Cadeirydd benderfynu ymdrin â’r achosion gyda’i gilydd. Fodd bynnag, rhaid i bob ymgeisydd gael cyfle i wneud cais i’r achosion gael eu clywed ar wahân. Bydd y Cadeirydd yn gyfrifol am wneud y penderfyniad.

11.2

Bydd Arweinydd Uniondeb Academaidd y Brifysgol yn cyflwyno'r achos, ar ran y Brifysgol, yn erbyn yr ymgeisydd neu'r ymgeiswyr, gan alw tystion a chyflwyno tystiolaeth fel y bydd yn tybio sy'n briodol.

Caiff Arweinydd Uniondeb Academaidd y Brifysgol gwestiynu'r ymgeisydd a'r tystion. Caiff yr ymgeisydd gwestiynu'r tystion a alwyd gan Arweinydd Uniondeb Academaidd y Brifysgol.

11.3

Bydd hawl gan yr ymgeisydd i ddod â rhywun gydag ef, i glywed yr holl dystiolaeth a gyflwynir yn ei erbyn, i alw a holi tystion, i gyflwyno tystiolaeth arall ac i dynnu sylw'r Pwyllgor at unrhyw amgylchiadau esgusodol (gweler 11.11). Er y caiff myfyriwr ddod â rhywun gydag ef i gyfarfod y Pwyllgor, bydd y Panel am glywed yn uniongyrchol gan y myfyriwr, yn ei eiriau ei hun, a bydd yn mynnu mai'r myfyriwr (ac nid yr unigolyn sy'n gwmni iddo) sy'n ateb cwestiynau.

11.4

Ni all tystion ymwneud ond â’r dystiolaeth sy’n ymwneud yn uniongyrchol â’r achos ac fel rheol, byddant yn gadael ar ôl cael eu holi. Efallai y bydd y Cadeirydd yn dymuno caniatáu i dystion aros yn y gwrandawiad trwy gydol y gweithdrefnau os bydd y ddwy ochr yn cytuno i hynny ymlaen llaw neu os bydd y Cadeirydd o'r farn ei bod yn berthnasol i'r achos i dyst aros yn y gwrandawiad.

11.5

Dim ond gyda chaniatâd penodol y Cadeirydd y gellir cyflwyno tystiolaeth ddogfennol ychwanegol i’r Pwyllgor ar ddiwrnod y gwrandawiad.

11.6

Pan fydd y dystiolaeth wedi’i chyflwyno a’r tystion wedi eu holi, bydd pawb yn ymadael, heblaw am aelodau’r Pwyllgor, yr ysgrifennydd ac aelodau eraill o staff y Gwasanaethau Addysg os ydynt yn bresennol.

11.7

Caiff Cadeirydd y Pwyllgor gymeradwyo gohirio’r gwrandawiad yn dilyn cais rhesymol gan y naill ochr neu’r llall neu’r Pwyllgor ei hun, er enghraifft er mwyn cael rhagor o dystiolaeth, megis tystiolaeth ddogfennol i ategu datganiad llafar a wnaed neu i brofi gwybodaeth myfyriwr am y gwaith dan sylw os amheuir mai gwaith y myfyriwr ei hun ydyw.

11.8

Bydd y Pwyllgor Ymchwilio wedyn yn ystyried a yw'r honiad wedi'i gadarnhau ar sail y dystiolaeth a gyflwynwyd. Bydd baich y profi (sef y ddyletswydd i brofi’r honiad) ar y Brifysgol, a dylai safon y prawf fod ar bwysau tebygolrwydd: sefydlir ffaith os yw’n fwy tebygol o fod wedi digwydd na pheidio.

11.9

Ni fydd y Pwyllgor Ymchwilio fel arfer yn cael gwybod, cyn dod i ddyfarniad ynglŷn â’r honiad dan sylw, am unrhyw dystiolaeth a gadarnhawyd yn flaenorol o gamymddygiad academaidd; ond dylid hysbysu'r Pwyllgor am hynny cyn pennu’r gosb mewn achosion priodol.

Fodd bynnag, mewn achosion eithriadol, gellir datgelu tystiolaeth am gyhuddiadau blaenorol o gamymddygiad academaidd a gadarnhawyd cyn i’r Pwyllgor ddod i ddyfarniad pan fo tystiolaeth o’r fath:

• Yn gwrthbrofi honiad yr ymgeisydd/cynrychiolydd ei fod o gymeriad da’n flaenorol;
• Yn berthnasol i’r honiad dan sylw (oni bai am ddangos yn unig fod yr ymgeisydd o’r tueddfryd i gyflawni’r hyn a honnir) ac nad yw ei effaith niweidiol yn troi’r fantol yn erbyn ei werth fel tystiolaeth.

11.10

Nid oes angen i’r Pwyllgor ystyried bwriad. Fodd bynnag, gellir ystyried lliniaru mewn perthynas â’r gosb.

11.11

Os yw’r Pwyllgor yn penderfynu bod yr achos wedi ei gadarnhau, yna bydd yn ystyried y gosb sydd i’w rhoi.

Caniateir i'r ddwy ochr wneud sylwadau ynghylch y canlyniad a chyflwyno gwybodaeth am unrhyw amgylchiadau esgusodol, cyn i'r Panel benderfynu ar gosb neu ganlyniad priodol. Rhaid i ymgeiswyr sy'n cyflwyno amgylchiadau lliniarol ddarparu tystiolaeth i gefnogi'r amgylchiadau a darparu eglurdeb ar eu heffeithiau. Pan allai'r ymgeisydd fod wedi rhoi gwybod am amgylchiadau o'r fath i’r Pwyllgor cyn i’r penderfyniad gael ei wneud, ni ellir cyfeirio at yr amgylchiadau hynny yn ddiweddarach fel rheswm dros gynnal adolygiad. Caiff y Cadeirydd wahodd cyfraniadau gan y person sy’n dod gyda’r myfyriwr.

11.12

Caiff y cosbau eu gwahanu fel a ganlyn:

• Cosbau sydd ar gael am gamymddygiad academaidd dan amodau arholiad (gweler 12);
• Cosbau sydd ar gael am gamymddygiad academaidd heb fod dan amodau arholiad (gweler 13);
• Cosbau sydd ar gael am gamymddygiad academaidd o ran Gradd Ymchwil (gweler 14).

11.13

Os bydd y Pwyllgor yn dod i'r casgliad nad yw’r achos wedi ei gadarnhau, rhoddir gwybod i’r ymgeisydd am y canlyniad yn ysgrifenedig. Tynnir pob cofnod o’r achos o ffeil y myfyriwr.

12.1

Dylai’r Pwyllgor/Gyfadran/yr Ysgol/Sefydliad Partner ystyried y Côd Ymarfer ar gyfer Camymddygiad Academaidd 2023-24 , hanes yr achos a chofnod academaidd y myfyriwr cyn pennu cosb. Er mwyn sicrhau cysondeb yn y defnydd o gosbau, mae’r Brifysgol yn rhoi cyfarwyddyd ar gosbau yn y Côd Ymarfer ar Gamymddygiad Academaidd (gweler yr Atodiad). Fodd bynnag, bydd y Pwyllgor/Gyfadran/yr Ysgol/Sefydliad Partner hefyd yn ystyried goblygiadau'r gosb ar y myfyriwr, ei fwriad ac unrhyw amgylchiadau esgusodol. Dylai’r Pwyllgor/Gyfadran/yr Ysgol/Sefydliad Partner fod yn sicr bod gan yr amgylchiadau esgusodol berthynas uniongyrchol â’r achos ac yn benodol eu bod wedi dylanwadu ar weithredoedd y myfyriwr neu'r myfyrwyr dan sylw. Y rhestr gyflawn o gosbau a fydd ar gael fydd:

12.1.1

Rhoi cerydd ffurfiol i’r ymgeisydd;

12.1.2

Canslo marciau’r ymgeisydd ar gyfer y papur arholiad;

12.1.3

Canslo marciau'r ymgeisydd am y modiwl dan sylw;

12.1.4

Canslo marciau’r ymgeisydd yn y modiwl dan sylw ac atal yr ymgeisydd rhag gwneud iawn am y methiant tan y sesiwn academaidd nesaf;

12.1.5

Canslo marciau’r ymgeisydd ym mhob un o’r modiwlau ar gyfer y lefel astudio benodol;

12.1.6

Canslo marciau’r ymgeisydd ym mhob un o’r modiwlau ar gyfer y lefel astudio benodol a gwahardd yr ymgeisydd o unrhyw arholiad y Brifysgol yn y dyfodol.

12.7

Os bydd y Pwyllgor yn penderfynu bod y cosbau uchod yn amhriodol, caiff y Pwyllgor ddefnyddio ei ddisgresiwn i bennu cosb briodol. Pan gafodd honiad ei gadarnhau a gallai hyn effeithio ar allu’r ymgeisydd i ymarfer mewn proffesiwn arbennig, gall yr achos hefyd gael ei gyfeirio at y Dirprwy Is-ganghellor a Deon Gweithredol perthnasol neu ei enwebai a fydd yn penderfynu a ddylid hysbysu’r corff proffesiynol. Mewn rhai achosion, bydd dyletswydd ar y Dirprwy Is-ganghellor a Deon Gweithredol neu ei enwebai i roi gwybod i’r corff proffesiynol.

Adfer a Chapio

Y Bwrdd Dilyniant a Dyfarniadau perthnasol fydd yn penderfynu a ganiateir i'r myfyriwr ailgyflwyno'r gwaith neu ailsefyll yr asesiad, yn unol â rheoliadau asesu'r rhaglen. Fodd bynnag, yn sgîl amgylchiadau esgusodol y myfyriwr, gall y Pwyllgor/Gyfadran/yr Ysgol/Sefydliad Partner gyflwyno argymhelliad i'r Bwrdd Dilyniant a Dyfarniadau mewn perthynas ag ail-wneud y gwaith. Mewn achosion o'r fath, Cadeirydd y Bwrdd Dilyniant a Dyfarniadau fydd â'r awdurdod i dderbyn neu wrthod argymhelliad.

Pan y defnyddir y gosb dan 12.1.4 neu 12.1.5 cyn diwedd y sesiwn gellid gofyn bod ymgeisydd yn gohirio ei astudiaethau. Caiff y gosb ei chofnodi ar gofnod canolog y myfyriwr.

13.1

Dylai’r Pwyllgor ystyried y Côd Ymarfer ar gyfer Camymddygiad Academaidd 2023-24 , hanes yr achos a chofnod academaidd y myfyriwr cyn gosod cosb. Er mwyn sicrhau cysondeb yn y defnydd o gosbau, mae’r Brifysgol yn rhoi cyfarwyddyd ar gosbau yn y Côd Ymarfer ar Gamymddygiad Academaidd (gweler yr Atodiad). Fodd bynnag, bydd y Pwyllgor hefyd yn ystyried goblygiadau'r gosb ar y myfyriwr, ei fwriad ac unrhyw amgylchiadau esgusodol. Dylai’r Pwyllgor fod yn sicr bod gan yr amgylchiadau esgusodol berthynas uniongyrchol â’r achos ac yn benodol eu bod wedi dylanwadu ar weithredoedd y myfyriwr neu'r myfyrwyr dan sylw. Y rhestr gyflawn o gosbau a fydd ar gael i’r Pwyllgor Ymchwilio fydd:

13.1.1

Rhoi cerydd ffurfiol i’r ymgeisydd a nodi y dylid anwybyddu’r testun wrth farcio, gan arwain at farc is (pan fo hynny'n berthnasol);

13.1.2

Canslo marciau’r ymgeisydd am yr aseiniad;

13.1.3

Canslo'r marciau am yr elfen honno o'r modiwl;

13.1.4

Canslo marciau’r ymgeisydd yn y modiwl dan sylw;

13.1.5

Canslo marciau’r ymgeisydd yn y modiwl dan sylw ac atal yr ymgeisydd rhag gwneud iawn am y methiant tan y sesiwn academaidd nesaf;

13.1.6

Canslo marciau’r ymgeisydd ym mhob un o’r modiwlau ar gyfer y lefel astudio benodol;

13.1.7

Canslo marciau’r ymgeisydd ym mhob un o’r modiwlau ar gyfer y lefel astudio benodol a gwahardd yr ymgeisydd o unrhyw arholiad y Brifysgol yn y dyfodol.

Tramgwyddau Traethodau Hir:

13.1.8

Methu traethawd hir, gyda'r hawl i ailgyflwyno;

13.1.9

Methu traethawd hir, heb yr hawl i ailgyflwyno.

13.2

Os bydd y Pwyllgor yn penderfynu bod y cosbau uchod yn amhriodol, caiff y Pwyllgor ddefnyddio ei ddisgresiwn i bennu cosb briodol.

Pan gafodd honiad ei gadarnhau a gallai hyn effeithio ar allu’r ymgeisydd i ymarfer mewn proffesiwn arbennig, gall yr achos hefyd gael ei gyfeirio at y Deon Gweithredol perthnasol neu enwebai yn unol â Rheoliadau Addasrwydd i Ymarfer y Brifysgol.

Pan gafodd honiad ei gadarnhau ac mae'r myfyriwr eisoes wedi'i gofrestru gyda chorff proffesiynol, statudol neu reoleiddiol (er enghraifft, cofrestru gyda'r Cyngor Meddygol Cyffredinol), mae'r myfyriwr yn gyfrifol am roi gwybod i'r corff proffesiynol o ganlyniad y Pwyllgor Ymchwilio, pan fo hynny'n briodol.

Adfer a Chapio

Pan y defnyddir y gosb dan 13.1.3, 13.1.4, neu 13.1.5, y Bwrdd Dilyniant a Dyfarniadau perthnasol fydd yn penderfynu a ganiateir i'r myfyriwr ailgyflwyno'r gwaith neu ailsefyll asesiad(au), yn unol â rheoliadau asesu'r rhaglen. Fodd bynnag, yn sgîl amgylchiadau esgusodol y myfyriwr, gall y Pwyllgor Ymchwilio gyflwyno argymhelliad i'r Bwrdd Dilyniant a Dyfarniadau mewn perthynas ag ail-wneud y gwaith. Mewn achosion o'r fath, Cadeirydd y Bwrdd Dilyniant a Dyfarniadau fydd â'r awdurdod i dderbyn neu wrthod argymhelliad.

Pan ddefnyddir y gosb dan 13.1.6 neu 13.1.7 cyn diwedd y sesiwn gellid gofyn bod ymgeisydd yn gohirio ei astudiaethau. Caiff y gosb ei chofnodi ar gofnod canolog y myfyriwr.

14.1

Dylai’r Pwyllgor ystyried y Côd Ymarfer ar gyfer Camymddygiad Academaidd 2023-24 , hanes yr achos a chofnod academaidd y myfyriwr cyn gosod cosb. Er mwyn sicrhau cysondeb yn y defnydd o gosbau, mae’r Brifysgol yn rhoi cyfarwyddyd ar gosbau yn y Côd Ymarfer ar Gamymddygiad Academaidd (gweler yr Atodiad). Fodd bynnag, bydd y Pwyllgor hefyd yn ystyried goblygiadau'r gosb ar y myfyriwr, ei fwriad ac unrhyw amgylchiadau esgusodol. Dylai’r Pwyllgor fod yn sicr bod gan yr amgylchiadau esgusodol berthynas uniongyrchol â’r achos ac yn benodol eu bod wedi dylanwadu ar weithredoedd y myfyriwr neu'r myfyrwyr dan sylw. Y rhestr gyflawn o gosbau a fydd ar gael i’r Pwyllgor Ymchwilio fydd:

14.1.1

Rhoi cerydd ffurfiol i’r ymgeisydd;

14.1.2

Rhoi canlyniad Methu i’r ymgeisydd, gyda hawl i ailgyflwyno;

14.1.3

Rhoi canlyniad Methu i’r ymgeisydd, heb hawl i ailgyflwyno.

14.4

Os bydd y Pwyllgor yn penderfynu bod y cosbau uchod yn amhriodol, caiff y Pwyllgor ddefnyddio ei ddisgresiwn i bennu cosb briodol.

Pan gafodd honiad ei gadarnhau a gallai hyn effeithio ar allu’r ymgeisydd i ymarfer mewn proffesiwn arbennig, gall yr achos hefyd gael ei gyfeirio at y Deon Gweithredol perthnasol neu enwebai yn unol â Rheoliadau Addasrwydd i Ymarfer y Brifysgol.

Pan gafodd honiad ei gadarnhau ac mae'r myfyriwr eisoes wedi'i gofrestru gyda chorff proffesiynol, statudol neu reoleiddiol (er enghraifft, cofrestru gyda'r Cyngor Meddygol Cyffredinol), mae'r myfyriwr yn gyfrifol am roi gwybod i'r corff proffesiynol o ganlyniad y Pwyllgor Ymchwilio, pan fo hynny'n briodol.

Adfer a Chapio

Y Bwrdd Dilyniant a Dyfarniadau perthnasol fydd yn penderfynu a ganiateir i'r myfyriwr ailgyflwyno'r gwaith neu ailsefyll yr asesiad, yn unol â rheoliadau asesu'r rhaglen. Fodd bynnag, yn sgîl amgylchiadau esgusodol y myfyriwr, gall y Pwyllgor Ymchwilio gyflwyno argymhelliad i'r Bwrdd Dilyniant a Dyfarniadau mewn perthynas ag ail-wneud y gwaith. Mewn achosion o'r fath, Cadeirydd y Bwrdd Dilyniant a Dyfarniadau fydd â'r awdurdod i dderbyn neu wrthod argymhelliad.

Caiff y gosb ei chofnodi ar gofnod canolog y myfyriwr.

15.1

Dylai’r Pwyllgor ystyried y Côd Ymarfer ar gyfer Camymddygiad Academaidd 2023-24 , hanes yr achos a chofnod academaidd y myfyriwr cyn gosod cosb. Er mwyn sicrhau cysondeb yn y defnydd o gosbau, mae’r Brifysgol yn rhoi cyfarwyddyd ar gosbau yn y Côd Ymarfer ar Gamymddygiad Academaidd (gweler yr Atodiad). Fodd bynnag, bydd y Pwyllgor hefyd yn ystyried goblygiadau'r gosb ar y myfyriwr, ei fwriad ac unrhyw amgylchiadau esgusodol. Dylai’r Pwyllgor fod yn sicr bod gan yr amgylchiadau esgusodol berthynas uniongyrchol â’r achos ac yn benodol eu bod wedi dylanwadu ar weithredoedd y myfyriwr neu'r myfyrwyr dan sylw. Y rhestr gyflawn o gosbau a fydd ar gael i’r Pwyllgor Ymchwilio fydd:

15.1.1

Canslo marciau’r ymgeisydd ar gyfer y modiwl cyfan dan sylw neu ran ohono;

15.1.2

Canslo marciau’r ymgeisydd ym mhob un o’r modiwlau ar gyfer y lefel astudio benodol;

15.1.3

Gwahardd yr ymgeisydd rhag sefyll unrhyw arholiad yn y Brifysgol yn y dyfodol;

15.1.4

Canslo marciau’r ymgeisydd ym mhob un o’r modiwlau ar gyfer y lefel astudio benodol a gwahardd yr ymgeisydd o unrhyw arholiad yn y dyfodol;

15.1.5

Tynnu un dosbarth oddi wrth y radd, neu ddiddymu rhagoriaeth*, fel bo'n addas.

*Mae Rhagoriaeth yn cyfeirio at unrhyw ddosbarth o'r cymhwyster, gan gynnwys rhagoriaeth/teilyngdod/clod ac yn y blaen.

15.1.6

Os bydd y Pwyllgor yn penderfynu bod y cosbau uchod yn amhriodol, caiff y Pwyllgor ddefnyddio ei ddisgresiwn i bennu cosb briodol.

15.1.7

Pan gafodd honiad ei gadarnhau a gallai hyn effeithio ar allu’r ymgeisydd i ymarfer mewn proffesiwn arbennig, gall yr achos hefyd gael ei gyfeirio at y Deon Gweithredol priodol neu enwebai yn unol â Rheoliadau Addasrwydd i Ymarfer y Brifysgol.

Pan gafodd honiad ei gadarnhau ac mae'r myfyriwr eisoes wedi'i gofrestru gyda chorff proffesiynol, statudol neu reoleiddiol (er enghraifft, cofrestru gyda'r Cyngor Meddygol Cyffredinol), mae'r myfyriwr yn gyfrifol am roi gwybod i'r corff proffesiynol o ganlyniad y Pwyllgor Ymchwilio, pan fo hynny'n briodol.

Adfer a Chapio

Os bydd y Pwyllgor yn penderfynu gweithredu yn unol â 15.1.1 a 15.1.2, bydd yn ystyried hefyd a ddylid caniatáu i'r ymgeisydd geisio adfer y gwaith dan sylw ar gyfer marc wedi'i gapio, yn unol â rheoliadau asesu'r rhaglen astudio.

16.1

Pan fydd y Pwyllgor Ymchwilio wedi ymchwilio i ffeithiau’r camymddygiad academaidd honedig, bydd Ysgrifennydd y Pwyllgor yn nodi yn ei adroddiad a gafodd y cyhuddiad ei gadarnhau ai peidio, a bydd yn nodi unrhyw gosb i’w gosod. Bydd yr adroddiad yn cael ei gyflwyno i’r Senedd cyn gynted â phosibl ar ôl i’r ymchwiliad gael ei gwblhau.

16.2

Caiff y myfyriwr ei hysbysu am ganlyniad y gwrandawiad.

16.3

Rhoir gwybod i'r ymgeisydd bod ganddo hawl i ofyn am adolygiad terfynol o'r penderfyniad gan y Pwyllgor Ymchwilio. Rhaid cyflwyno unrhyw gais o'r fath am adolygiad terfynol i Gyfarwyddwr y Gwasanaethau Addysg o fewn 14 diwrnod gwaith i ddyddiad y llythyr/e-bost at y myfyriwr yn cadarnhau penderfyniad y Pwyllgor Ymchwilio, yn unol â gweithdrefn Adolygiad Terfynol y Brifysgol. Dylai myfyrwyr sylwi y gallai cynnal adolygiad terfynol o'r canlyniad olygu bod cosb fwy llym yn cael ei gosod (e.e. os caiff y canlyniad presennol ei ganslo a bod yr achos yn cael ei gyfeirio er mwyn cael penderfyniad newydd).

16.4

Fel rheol, ni fydd y Brifysgol yn gwneud unrhyw ddatganiad cyhoeddus am benderfyniadau’r Pwyllgorau Ymchwilio. Fodd bynnag, bydd y Brifysgol yn cynnal cofnod o bob achos a fydd ar gael i’r cyhoedd ar gais.

Wrth ymchwilio i honiadau o gamymddygiad academaidd, mae Arweinydd Uniondeb Academaidd y Brifysgol, ar ran y Brifysgol, yn cadw'r hawl i ymgynghori â phrifysgolion a sefydliadau eraill pan fo'n briodol.

16.5

Cyflwynir adroddiad i'r Senedd am ganlyniad terfynol yr achos, gan nodi unrhyw argymhellion am weithredu pellach, megis diddymu'r cymhwyster, os cyfiawnheir hynny, yn ogystal â manylion unrhyw weithredu pellach megis ymchwiliad i wall wrth weithredu'r broses. Bydd y Senedd yn gwneud penderfyniad ynghylch yr achos gan gynnwys penderfyniad i ddifreinio unigolyn o gymhwyster neu ddiddymu cymhwyster os oes cyfiawnhad dros wneud hynny.

17.1

Pan fydd y Pwyllgor Ymchwilio wedi ymchwilio i ffeithiau’r camymddygiad academaidd honedig, bydd Ysgrifennydd y Pwyllgor yn nodi yn ei adroddiad a gafodd y cyhuddiad ei gadarnhau ai peidio, a bydd yn nodi unrhyw gosb i’w gosod.

17.2

Os yw’r Pwyllgor Ymchwilio yn dod i’r casgliad na chadarnhawyd honiad, gall Cadeirydd y Pwyllgor Ymchwilio roi gwybod i’r ymgeisydd am hyn ar lafar. P’un ai a fydd yr ymgeisydd wedi cael gwybod ar lafar ai peidio, bydd Cyfarwyddwr y Gwasanaethau Addysg yn rhoi gwybod i'r ymgeisydd yn ffurfiol yn ysgrifenedig am ganfyddiadau’r Pwyllgor Ymchwilio a bod y mater felly ar ben.

17.3

Os mai canfyddiad y Pwyllgor Ymchwilio yw bod y cyhuddiad wedi cael ei gadarnhau, gall Cadeirydd y Pwyllgor Ymchwilio roi gwybod i’r ymgeisydd ar lafar, ond ni fydd unrhyw drafodaeth â’r myfyriwr am benderfyniad y Pwyllgor. P'un ai a fydd y myfyriwr wedi cael gwybod ar lafar ai peidio, bydd Cyfarwyddwr y Gwasanaethau Addysg yn rhoi gwybod i'r ymgeisydd am y canfyddiadau a’r gosb a roddwyd yn ysgrifenedig.

17.4

Rhoir gwybod i'r ymgeisydd bod ganddo hawl i ofyn am adolygiad terfynol o'r penderfyniad gan y Pwyllgor Ymchwilio. Rhaid cyflwyno unrhyw gais o'r fath am adolygiad terfynol i Gyfarwyddwr y Gwasanaethau Addysg o fewn 14 diwrnod gwaith i ddyddiad y llythyr/e-bost at y myfyriwr yn cadarnhau penderfyniad y Pwyllgor Ymchwilio, yn unol â gweithdrefn Adolygiad Terfynol y Brifysgol. Dylai myfyrwyr sylwi y gallai cynnal adolygiad terfynol o'r canlyniad olygu bod cosb fwy llym yn cael ei gosod (e.e. os caiff y canlyniad presennol ei ganslo a bod yr achos yn cael ei gyfeirio er mwyn cael penderfyniad newydd).

17.5

Pan gadarnhawyd yr honiad, bydd y Bwrdd Arholi perthnasol yn ystyried y penderfyniad cyffredinol a wnaed am yr ymgeisydd o ran dilyniant neu ddyfarniad, yng ngoleuni'r gosb a osodwyd gan y Pwyllgor Ymchwilio.

17.6

Os yw’r Pwyllgor Ymchwilio wedi penderfynu y dylid dileu’r marc a gafwyd am yr uned asesu lle cafwyd camymddygiad academaidd, bydd y Bwrdd Arholi’n rhoi marc o sero am yr uned ac yna’n mynd ati i bennu canlyniad yr ymgeisydd.

17.7

Fel rheol, ni fydd y Brifysgol yn gwneud unrhyw ddatganiad cyhoeddus am benderfyniadau’r Pwyllgorau Ymchwilio. Fodd bynnag, bydd y Brifysgol yn cynnal cofnod o bob achos a fydd ar gael i’r cyhoedd ar gais.

Caiff adroddiad blynyddol ar faterion sy'n ymwneud â chamymddygiad academaidd ei gyflwyno i'r pwyllgor prifysgol perthnasol.

I wneud cais am adolygiad terfynol o benderfyniad yr achos am gamymddygiad academaidd, gweler Gweithdrefn Adolygiad Terfynol Prifysgol Abertawe. Dylai myfyrwyr sylwi bod rhaid cyflwyno unrhyw gais am adolygiad terfynol i Gyfarwyddwr y Gwasanaethau Addysg o fewn 14 diwrnod gwaith i ddyddiad y llythyr/e-bost yn cadarnhau penderfyniad yr achos am gamymddygiad academaidd i'r myfyriwr, yn unol â'r Weithdrefn Adolygiad Terfynol.