Cyfrifoldeb cyntaf y Brifysgol yw uniondeb yr astudio ac ansawdd profiad dysgu’r myfyriwr. Yn unol â hynny, mae'n ofynnol i’r Cyfadrannau/Ysgolion a'r myfyrwyr roi ystyriaeth bennaf i gwblhau astudiaethau ymchwil yn llwyddiannus ac yn amserol, yn unol â thelerau cynnig derbyniadau ffurfiol y Brifysgol.
Ni all y Brifysgol reoli cyflogaeth y mae myfyriwr yn ymgymryd â hi y tu allan i'r Brifysgol, ond cynghorir y myfyriwr i ystyried yn ofalus yr effeithiau y gall y gyflogaeth honno eu cael ar gwblhau ei astudiaethau'n amserol a bydd yr amodau yn adran 4 (isod) yn berthnasol. Dylai'r myfyriwr ymgynghori â'r goruchwylwyr, a, lle bo'n berthnasol, dylid atgoffa myfyrwyr o unrhyw delerau a osodwyd gan eu noddwr. Mewn rhai achosion, gall y telerau hyn ei gwneud yn ofynnol i'r goruchwyliwr roi gwybod i'r noddwr os yw'n teimlo y bydd cyflogaeth allanol y myfyriwr yn rhwystro cynnydd academaidd.
Nid yw'r canllawiau isod yn effeithio ar neu'n cyfyngu ar y gwaith neu leoliadau gwaith y gellir eu trefnu fel cydran ffurfiol o gwrs neu raglen ymchwil sydd wedi eu cymeradwyo.
2.1
Gofynion Cyffredinol
Ym mhob achos o fyfyrwyr ôl-raddedig sydd wedi cofrestru yn y Brifysgol yn cyflwyno cais ar gyfer cyflogaeth gyda'r Brifysgol tra'n ymgymryd ag astudiaethau amser llawn, cyfrifoldeb y Gyfadran/yr Ysgol, drwy ganiatâd ysgrifenedig y goruchwylwyr ymchwil, yw sicrhau bod unrhyw gyflogaeth â thâl a gynigir gan y Brifysgol:
2.2
Dylai’r goruchwyliwr ymchwil gyflwyno'r dystiolaeth ysgrifenedig (ar bob un o'r pwyntiau a restrir yn 2.1) i'r Adran Adnoddau Dynol, ac mae'n rhaid derbyn cydnabyddiaeth a chymeradwyaeth ysgrifenedig, cyn y gall y gyflogaeth gychwyn.
2.3
Dylai'r canllawiau canlynol fod yn berthnasol i'r holl fyfyrwyr ôl-raddedig amser llawn, gan gynnwys myfyrwyr a noddir yn breifat a myfyrwyr sy'n ddeiliaid ysgoloriaethau ymchwil y Brifysgol.
Mae cytundeb eang rhwng noddwyr yn y Deyrnas Unedig ynghylch cyflogaeth â thâl sy'n gysylltiedig â'r pwnc (addysgu ac arddangos, yn bennaf). Mae hyn yn caniatáu cyflogaeth, gyda chaniatâd penodol y goruchwylwyr, o uchafswm o 6 awr yn ystod yr wythnos waith (9am i 6pm, o ddydd Llun i ddydd Gwener) wedi'u cyfartaleddu ar draws Semester* Dyddiadau Semester a Thymor - Prifysgol Abertawe, yr blynyddol a ganiateir fydd 180 awr y flwyddyn.
Caniateir ychydig o waith nad yw'n gysylltiedig â'r pwnc ar gyfer myfyrwyr amser llawn, yn gyffredinol y tu allan i oriau gwaith cyffredinol (h.y. y tu allan i 9am i 6pm, o ddydd Llun i ddydd Gwener), dim ond gyda chaniatâd penodol y goruchwylwyr a dim ond pan roddir caniatâd gyda chydnabyddiaeth lawn o delerau'r noddwr. Mewn rhai achosion, bydd hyn yn gofyn am gymeradwyaeth ymlaen llaw gan y noddwr. Yn achos myfyrwyr amser llawn a ariennir yn breifat neu sy'n ddeiliaid ysgoloriaethau ymchwil ôl-raddedig y Brifysgol, ni fydd yr uchafswm yn fwy na 6 awr yr wythnos wedi'u cyfartaleddu ar draws Semester* Dyddiadau Semester a Thymor - Prifysgol Abertawe. Nid oes cyfyngiadau ar oriau gwaith myfyrwyr rhan-amser, ond dylai myfyrwyr fod yn ofalus o'u hymrwymiadau gwaith a goblygiadau gweithio oriau gormodol, a dylid rhoi'r ystyriaeth bennaf i gwblhau'r astudiaethau ymchwil yn llwyddiannus ac yn amserol, yn unol â thelerau cynnig derbyniadau ffurfiol y Brifysgol.
4.1
Mae'r cyfyngiad ar oriau cyflogaeth yn berthnasol ar gyfer cyfnod ymgeisyddiaeth byrraf a hwyaf y myfyriwr, hyd at y pwynt o gyflwyno'r traethawd ymchwil am y tro cyntaf (h.y. ar gyfer cael ei arholi), gweler isod.
4.2
Caniateir i fyfyrwyr amser llawn ymgymryd â chyflogaeth amser llawn ar ôl iddynt gyflwyno'u traethawd ymchwil a thra eu bod yn aros am yr arholiad neu'n gwneud cywiriadau. Dylai myfyrwyr sicrhau cydbwysedd gofalus rhwng unrhyw gywiriadau/waith ail-wneud y mae eu hangen ar y traethawd ymchwil ar ôl y viva a'u cyflogaeth (gan gynnwys canlyniad ailgyflwyno), er mwyn sicrhau y caiff cywiriadau eu gwneud neu y caiff y traethawd ymchwil ei ailgyflwyno o fewn y cyfnod penodol. Dylai'r goruchwylwyr nodi'r gofyniad posib am ddau arholwr allanol os caiff myfyriwr ei gyflogi gan y Brifysgol.
4.3
I fyfyrwyr sydd â fisa Llwybr Myfyrwyr (Haen 4 gynt), dylid nodi er gall telerau eu fisa ganiatáu iddynt weithio 20 awr yr wythnos (tan i fyfyrwyr dderbyn eu cymhwyster), mae rheoliadau academaidd Prifysgol Abertawe o 6 awr yr wythnos yn cael blaenoriaeth ac maent yn berthnasol i'r holl fyfyrwyr ymchwil ôl-raddedig, p'un a oes ganddynt statws myfyriwr cartref, yr UE neu Ryngwladol, hyd at adeg cyflwyno'r traethawd ymchwil am y tro cyntaf. Ar ôl cyflwyno'r traethawd ymchwil, ac os yn unol â thelerau eu fisa, mae myfyrwyr sydd â fisa Llwybr Myfyrwyr yn gyfyngedig i weithio 20 awr yr wythnos nes iddynt dderbyn eu cymhwyster. Dylid cadw cofnodion wythnosol o unrhyw waith a wneir. Diffinnir wythnos fel dydd Llun i ddydd Sul. Dylid cynnwys gwaith gwirfoddol (hyd yn oed os ydyw'n ddi-dâl) yn y cyfyngiad 20 awr yr wythnos. Ni chaniateir i'r rhai hynny sy'n astudio'n rhan-amser weithio. Ni all myfyrwyr sydd â Fisa Llwybr Myfyrwyr ymgymryd â gweithgarwch sy'n gysylltiedig â busnes neu fod yn hunan-gyflogedig, a dylent wirio'r hawlen breswyl fiofetrig (fisa) ar gyfer eu statws gwaith.
4.4
Dylid perswadio myfyrwyr i beidio â chyflwyno'u traethawd ymchwil yn gynt nag sy'n briodol at ddibenion ymgymryd â chyflogaeth amser llawn. Dylai myfyrwyr ystyried ansawdd y traethawd a gyflwynir ganddynt o ran derbyn canlyniad cadarnhaol yn y viva.
Dylid annog lleoliadau gwaith tymor byr mewn cwmnïau, boed gyda thâl neu'n ddi-dâl, a chysylltiadau cydweithredol eraill a fydd yn datblygu ymwybyddiaeth fasnachol/ddiwydiannol, ond mae'n rhaid i'r lleoliadau gwaith fod yn unol ag amodau a thelerau'r noddwr. Mae'n rhaid i fyfyrwyr ôl-raddedig sy'n dymuno cymryd rhan mewn hyfforddiant neu gyflogaeth arall â thâl ac sy'n gysylltiedig yn uniongyrchol â'u hastudiaethau ymchwil gael caniatâd gan eu goruchwylwyr. Mae'n rhaid i'r goruchwylwyr roi cydsyniad ffurfiol i nodi na fydd y gwaith yn amharu ar raglen ymchwil y myfyriwr a'i fod yn unol â'r telerau a nodir gan y noddwr perthnasol.
6.1 Canllawiau'r Senedd ar gyfer Penodi Uwch-gynorthwywyr Addysgu ac Arddangoswyr Dysgu.
Cydnabyddir bod profiad o addysgu ac asesu'n cyfrannu'n sylweddol at gyflogadwyedd myfyrwyr ôl-raddedig, felly anogir defnyddio ArddangoswyrDysgu/Uwch-gynorthwyr Addysgu, yn unol â'r canllawiau canlynol:
6.1.1
Dim ond myfyrwyr ymchwil ôl-raddedig sydd wedi cofrestru, gan gynnwys myfyrwyr ymchwil sydd wedi cofrestru ar PhD (Allanol) ddylai gael eu cyflogi fel Arddangoswyr Dysgu/Uwch-gynorthwywyr Addysgu.
6.1.2
Dylai myfyriwr ymchwil gwblhau'r hyfforddiant angenrheidiol a gynigir gan Adnoddau Dynol/y Swyddfa Ymchwil Ôl-raddedig a'r Gyfadran/yr Ysgol/yr Adran cyn cael ymgymryd â dyletswyddau arddangos, addysgu a thiwtorial. Mae'n rhaid i hyfforddiant gael ei gwblhau'n llwyddiannus a’i adrodd i Adnoddau Dynol cyn gellir awdurdodi tâl ar gyfer gwaith arddangos neu tiwtorialau.
6.1.3
Wrth benodi Arddangoswyr Addysgu/Uwch-gynorthwywyr Addysgu, Adrannau a Chyfadrannau sicrhau bod gan y sawl a benodir yr wybodaeth, y sgiliau a'r profiad perthnasol i ymgymryd â'r dyletswyddau arddangos ac addysgu a neilltuir iddynt.
6.1.4
Ni chaniateir i fyfyriwr ôl-raddedig ymgymryd â gwaith arddangos, neu asesu, gan gynnwys amser paratoi, am fwy na 6 awr yr wythnos wedi'u cyfartaleddu ar draws Semester*
6.1.5
Fel arfer, defnyddir Arddangoswr Dysgu/Uwch-gynorthwy-ydd Addysgu ar gyfer dysgu myfyrwyr israddedig yn unig.
6.1.6
Arddangoswyr Dysgu/Uwch-gynorthwywyr Addysgu gyfrannu'n rhydd at arddangos, tiwtorialau a gwaith cymorth addysgu arall, ond nid yw'n ddisgwyliedig iddynt gyfrannu at fwy na 25% o'r addysgu ar unrhyw fodiwl.
6.1.7
Rhoddir mentor o'r staff academaidd i'r holl Arddangoswyr Dysgu/Uwch-gynorthwywyr Addysgu, a gall y mentor hwnnw fod yn gydlynydd y modiwl(au) y mae'r cynorthwy-ydd yn dysgu arno/arnynt. Cyfrifoldebau'r mentor yw'r isod:
6.1.8
Mae unrhyw eithriadau i'r canlynol yn amodol ar gymeradwyaeth Cadeirydd y Bwrdd Ymchwil Ôl-raddedig.
*Mae semester yn para 15 wythnos, a dyma o le mae'r ffigur 90+90=180 awr y flwyddyn yn deillio, oherwydd nad yw'n cynnwys toriadau yn y calendr.
