Prif gyfrifoldeb y Brifysgol yw cywirdeb y gwaith astudio ac ansawdd profiad dysgu’r myfyriwr. Felly, bydd yn ofynnol i Gyfadrannau/Ysgolion a myfyrwyr roi blaenoriaeth i gwblhau astudiaethau ymchwil yn llwyddiannus ac yn brydlon o fewn telerau cynnig ffurfiol y Brifysgol.
Nid oes modd i’r Brifysgol reoli cyflogaeth myfyrwyr y tu allan i’r Brifysgol, ond caiff myfyrwyr eu hannog i ystyried yn ofalus yr effaith y gall cyflogaeth y tu allan i’r Brifysgol ei chael ar eu gallu i gwblhau eu hastudiaethau’n brydlon. Dylai myfyrwyr ymgynghori â’u goruchwylwyr, a dylid eu hatgoffa o unrhyw amodau a bennwyd gan eu noddwr, lle bo hynny’n briodol. Mewn rhai achosion, gall amodau o’r fath fynnu bod y goruchwyliwr yn hysbysu’r noddwr os teimlir y gallai cyflogaeth myfyriwr amharu ar ei gynnydd.
Nid yw’r canllawiau canlynol yn effeithio nac yn cyfyngu ar y gwaith neu’r lleoliadau profiad gwaith y gellir eu trefnu yn elfen ffurfiol o gwrs neu raglen ymchwil a gymeradwywyd.
2.1
Gofynion Cyffredinol
Ym mhob achos lle bydd myfyrwyr ôl-raddedig cofrestredig yn gwneud cais am swydd yn y Brifysgol yn ystod eu cyfnod astudio amser llawn, cyfrifoldeb y Gyfadran/Ysgol, trwy ganiatâd ysgrifenedig goruchwylwyr y gwaith ymchwil, yw sicrhau bod unrhyw swydd gyflogedig a gynigir gan y Brifysgol:
2.2
Dylid anfon unrhyw wybodaeth ysgrifenedig o’r fath at yr Adran Adnoddau Dynol, a dylai’r wybodaeth gael ei chydnabod a’i chymeradwyo cyn i’r myfyriwr ddechrau yn y swydd.
2.3
Dylid gweithredu’r canllawiau canlynol yn achos pob myfyriwr ôl-raddedig amser llawn, gan gynnwys myfyrwyr a ariennir yn breifat a’r rhai hynny sydd wedi cael ysgoloriaethau ymchwil gan y Brifysgol.
Ceir cytundeb cyffredinol ymhlith noddwyr yn y DU ynghylch gwaith cyflogedig sy’n ymwneud â phwnc (gwaith addysgu ac arddangos yn bennaf). Mae’r cytundeb sy’n bodoli yn caniatáu i fyfyriwr wneud gwaith cyflogedig am hyd at uchafswm arferol o chwe awr yn ystod pob wythnos waith (9am i 5pm o ddydd Llun i ddydd Gwener), os yw'r goruchwyliwr wedi rhoi caniatâd pendant. Yr uchafswm blynyddol fydd 180 o oriau.
Caniateir i fyfyrwyr amser llawn wneud ychydig o waith cyflogedig nad yw’n ymwneud â'u pwnc, y tu allan i oriau gwaith arferol yn gyffredinol, ond eto, rhaid bod caniatâd pendant wedi’i roi gan y goruchwyliwr a rhaid bod y caniatâd hwnnw wedi’i roi gan gydnabod yn llawn y telerau a bennwyd gan y corff sy’n noddi’r myfyriwr. Mewn rhai achosion, bydd angen cymeradwyaeth ymlaen llaw gan y corff hwnnw. Yn achos myfyrwyr amser llawn a ariennir yn breifat neu ddeiliaid ysgoloriaethau ymchwil ôl-raddedig gan y Brifysgol, ni ddylid gweithio mwy na chwe awr yr wythnos fel arfer. Nid oes cyfyngiad o ran oriau gwaith myfyrwyr rhan-amser ond dylai myfyrwyr ystyried eu hymrwymiad gwaith yn ei gyfanrwydd a chanlyniadau gweithio gormod o oriau.
4.1
Gall y Bwrdd Dilyniant a Dyfarniadau gymeradwyo estyniad i'r uchafswm 6 awr hwn i fyfyrwyr amser llawn ar argymhelliad y goruchwylwyr, ar yr amod bod y gwaith dan sylw’n cael ei wneud y tu allan i oriau gwaith arferol ac nad yw cyfanswm yr ymrwymiad, yn ystod oriau gwaith arferol neu’r tu allan iddynt, yn fwy na 12 awr yn ystod unrhyw wythnos unigol. Mae'r cyfyngiad ar oriau gwaith yn para am gyfnod byrraf a hiraf posibl o ran ymgeisyddiaeth y myfyriwr, hyd nes cyflwyno'r traethawd ymchwil cyntaf (h.y. i'w arholi) - gweler isod.
4.2
Caniateir i fyfyrwyr weithio ar sail amser llawn ar ôl iddynt gyflwyno eu traethawd ymchwil a phan fyddant yn aros iddo gael ei arholi neu'n ymgymryd â gwaith cywiro. Dylai myfyrwyr gydbwyso'n ofalus y gwaith o reoli cywiriadau/diwygiadau yn yr arholiad llafar â'u cyflogaeth (gan gynnwys canlyniad Ailgyflwyno), er mwyn sicrhau eu bod yn cyflawni'r cywiriadau neu'r gwaith o ailgyflwyno'r traethawd ymchwil yn unol â'r amserlen benodol. Dylai goruchwylwyr nodi y gallai fod angen dau arholwr allanol os bydd myfyriwr yn cael ei gyflogi yn y Brifysgol.
4.3
O ran myfyrwyr sy'n meddu ar fisa Llwybr Myfyrwyr (sef Haen 4 gynt), sylwer er bod amodau eu fisa yn caniatáu iddynt weithio hyd at 20 awr (tan i fyfyrwyr dderbyn eu cymhwyster), rheoliadau academaidd Prifysgol Abertawe sef 6 awr yr wythnos sy'n cael blaenoriaeth, a'r rheoliadau hynny sy'n berthnasol i'r holl fyfyrwyr Ymchwil Ôl-raddedig sy'n hanu o'r DU, yr UE neu fyfyrwyr rhyngwladol, tan iddynt gyflwyno eu traethawd ymchwil cyntaf. Ar ôl cyflwyno traethawd ymchwil, caiff deiliaid fisa Llwybr Myfyrwyr ond weithio hyd at 20 awr tan iddynt dderbyn eu cymhwyster.
4.4
Dylid darbwyllo myfyrwyr i beidio â chyflwyno eu traethawd ymchwil cyn y byddai'n briodol i wneud hynny, gyda'r bwriad o ymgymryd â chyflogaeth amser llawn. Dylai myfyrwyr ystyried ansawdd eu cyflwyniad o ran cael canlyniad boddhaol yn yr arholiad llafar.
Caiff myfyrwyr eu hannog i fanteisio ar leoliadau profiad gwaith tymor byr mewn cwmnïau, boed hynny'n waith cyflogedig neu'n waith di-dâl, a chânt eu hannog i feithrin cysylltiadau cydweithredol eraill a fydd yn datblygu eu hymwybyddiaeth ddiwydiannol neu fasnachol, cyhyd â bod hynny’n cydymffurfio â’r telerau a bennwyd gan y corff sy’n eu noddi. Dylai myfyrwyr ôl-raddedig sydd am fanteisio ar y math hwn o hyfforddiant, neu waith cyflogedig arall sy’n gysylltiedig yn uniongyrchol â’u hastudiaethau ymchwil, gael caniatâd gan eu goruchwylwyr i wneud hynny. Rhaid i’r goruchwylwyr roi caniatâd ffurfiol sy’n nodi na fydd y gwaith y bwriedir ei wneud yn amharu ar raglen ymchwil y myfyriwr a bod y gwaith yn cydymffurfio â’r telerau a bennwyd gan y noddwr perthnasol.
6.1 Canllawiau'r Senedd ar gyfer Penodi Cynorthwywyr Addysgu (Arddangoswyr Myfyrwyr gynt)
Cydnabyddir bod profiad o addysgu ac asesu'n cyfrannu'n sylweddol at gyflogadwyedd myfyrwyr ôl-raddedig, felly anogir defnyddio cynorthwywyr addysgu/uwch-gynorthwywyr addysgu, yn unol â'r canllawiau canlynol:
6.1.1
Dim ond myfyrwyr ymchwil ôl-raddedig sydd wedi cofrestru, gan gynnwys myfyrwyr ymchwil sydd wedi cofrestru ar PhD (Allanol) ddylai gael eu cyflogi fel Cynorthwywyr Addysgu/Uwch-gynorthwywyr Addysgu.
6.1.2
Mae’n rhaid i Fyfyriwr Ôl-raddedig ymgymryd â’r hyfforddiant angenrheidiol sy’n cael ei gynnig drwy Adnoddau Dynol/Academi Dysgu ac Addysgy Abertawe/Canolfan Gwella Sgiliau Academaidd a Phroffesiynol Abertawe a’r adran/Cyfadran/Ysgol cyn ymgymryd â dyletswyddau arddangos/dysgu/tiwtorial neu asesu. Mae’n rhaid cwblhau’r hyfforddiant yn llwyddiannus a chadarnhau hynny i Adnoddau Dynol, cyn y gellir awdurdodi taliad ar gyfer gwasanaethau arddangos neu diwtorial.
6.1.3
Pan fydd a neilltuir iddynt Cynorthwywyr Addysgu/Uwch-gynorthwywyr Addysgu mae'n rhaid iddynt sicrhau bod ganddynt yr wybodaeth, y sgiliau a'r profiad perthnasol i ymgymryd â'r addysgu a neilltuir iddynt.
6.1.4
Ni all myfyrwyr ôl-raddedig ymgymryd â gwaith arddangos, tiwtorial neu asesu, gan gynnwys gwaith paratoi, am fwy na chwe awr mewn unrhyw wythnos.
6.1.5
Fel arfer bydd Cynorthwy-ydd Addysgu/Uwch-gynorthwy-ydd Addysgu'n cael ei ddefnyddio er mwyn addysgu myfyrwyr israddedig yn unig.
6.1.6
Gall Cynorthwywyr Addysgu/Uwch-gynorthwywyr Addysgu gyfrannu'n rhydd at arddangos, tiwtorialau a gwaith cymorth addysgu arall, ond ni fyddai disgwyl iddynt gyfrannu at fwy na 25% o'r addysgu ar unrhyw fodiwl.
6.1.7
Rhoddir Mentor o'r Staff Academaidd i'r holl Gynorthwywyr Addysgu/ Uwch-gynorthwywyr Addysgu, a gallai'r mentor hwnnw fod yn Gydlynydd Modiwl y modiwl(au) y mae'r Cynorthwy-ydd yn addysgu arno/arnynt. Bydd cyfrifoldebau'r Mentor fel a ganlyn:
6.1.8
Mae unrhyw eithriadau i'r uchod yn amodol ar gymeradwyaeth Cadeirydd y Bwrdd Dilyniant Dyfarnu.
