Graddau Cychwynnol Uwch

1.1        

Dyfernir Graddau Meistr i fyfyrwyr sydd wedi dangos:

• Dealltwriaeth systematig o wybodaeth, ac ymwybyddiaeth feirniadol o broblemau cyfredol a/neu fewnwelediadau newydd, sydd i raddau helaeth ar flaen y gad yn y ddisgyblaeth academaidd, maes astudio neu faes arfer proffesiynol dan sylw neu'n cael eu goleuo gan waith ar flaen y gad;
• Dealltwriaeth gynhwysfawr o'r technegau sy'n berthnasol i'w hymchwil eu hunain neu i ysgolheictod uwch;
• Gwreiddioldeb wrth gymhwyso gwybodaeth, ynghyd â dealltwriaeth ymarferol o sut y defnyddir technegau ymchwil ac ymholi sefydledig i greu a dehongli gwybodaeth yn y ddisgyblaeth;
• Dealltwriaeth gysyniadol sy'n galluogi'r myfyriwr:
  • I werthuso ymchwil gyfredol ac ysgolheictod uwch yn feirniadol yn y ddisgyblaeth
  • I werthuso methodolegau a datblygu dehongliadau ohonynt, a lle bo'n briodol, cynnig damcaniaethau newydd.

Yn nodweddiadol, bydd deiliaid y cymhwyster yn gallu:

• Ymdrin â materion cymhleth yn systematig ac yn greadigol; gwneud penderfyniadau doeth yn absenoldeb data cyflawn; a chyfleu eu casgliadau yn glir i gynulleidfaoedd arbenigol a lleyg;
• Dangos hunangyfeirio a gwreiddioldeb wrth ymdrin â phroblemau a'u datrys, a gweithio'n annibynnol i gynllunio a chwblhau tasgau ar lefel broffesiynol neu gyfatebol;
• Parhau i ddatblygu eu gwybodaeth a'u dealltwriaeth, a datblygu sgiliau newydd i lefel uchel.

A bydd gan y deiliaid:

• Y rhinweddau a'r sgiliau trosglwyddadwy angenrheidiol ar gyfer cyflogaeth sy'n gofyn am:
  • Defnyddio menter a chyfrifoldeb personol;
  • Gwneud penderfyniadau mewn sefyllfaoedd cymhleth nad oes modd eu rhagweld;
  • Y gallu i ddysgu’n annibynnol sy’n ofynnol er mwyn sicrhau datblygiad proffesiynol parhaus.

2.1        

Bydd gofyn i ymgeiswyr amser llawn fel rheol ddilyn yr hyn sy’n cyfateb i 120 credyd mewn un flwyddyn. 

2.2        

Seilir strwythur y rhaglen ar y canllawiau canlynol:

Anrhydedd Sengl

O leiaf 100 credyd mewn modiwlau a ddynodwyd fel cydrannau’r rhaglen gradd a enwyd neu fodiwlau mewn disgyblaethau cysylltiol ar bob lefel.

3.1        

Os bydd rhaglen gradd yn cynnwys arfer diwydiannol annatod a gorfodol a/neu leoliad rhyngosodol, rhaid i’r lleoliad fod â phwysiad credyd.

3.2        

Cynyddir isafswm y credydau sy'n ofynnol i ennill cymhwyster os bydd y lleoliad yn estyn hyd y rhaglen gradd. Pennir pwysiad y credydau a lefel y lleoliad yn yr un modd ag ar gyfer modiwl a addysgir. Rhaid i faes llafur unrhyw raglen gradd sy'n cynnwys lleoliad, boed yn llwyr neu yn rhannol, osod nodau, deilliannau dysgu a dull asesu’r lleoliad.

3.3        

Pennir dosbarth ymgeiswyr sy'n dilyn rhaglen sy’n cynnwys Arfer Diwydiannol, Lleoliad Rhyngosodol neu Gyfnod Astudio Dramor yn unol â’r confensiynau a amlinellir yn y Rheoliadau Asesu Israddedigion. Dynodir marciau i ymgeiswyr ar Lefel S, ond ni ddynodir marciau ar gyfer Lefel E.

3.4        

Rhaid i ymgeiswyr fodloni gofynion y Brifysgol o ran symud ymlaen i, ac o, Lefel S a Lefel E, fel yr amlinellir yn y Rheoliadau Asesu Israddedigion.

3.5      

Rhaid cwblhau'r lleoliad diwydiannol (Lefel E) neu’r flwyddyn ryngosodol (Lefel S) cyn y flwyddyn astudio olaf, a bydd hyn yn digwydd fel rheol yn ystod blwyddyn astudio olaf ond un y myfyriwr.

4.1        

Tynnir sylw myfyrwyr at y Rheoliadau Cyffredinol ar gyfer Israddedigion - Trosglwyddo Credydau (Rheoliad 29).

4.2        

Ni ddylai uchafswm y credydau y gellir eu derbyn i gyfrif tuag at radd gychwynnol uwch fod yn fwy na 240 (h.y. rhaid i ymgeiswyr fel rheol ddilyn o leiaf 240 credyd yn Abertawe am radd). Lle derbyniwyd uchafswm y credydau trosglwyddadwy, rhaid i’r 240 credyd sy'n weddill, a ddilynir yn Abertawe, gynnwys 120 credyd ar Lefel 6 a 120 credyd ar Lefel 7.

4.3     

Bydd dosbarth y radd a ddyfernir i ymgeiswyr sy'n cael eu derbyn yn uniongyrchol i ddwy flynedd olaf astudio am Radd Gychwynnol Uwch yn seiliedig ar gyfartaledd y modiwlau a ddilynwyd yn Abertawe.

5.1        

Yn ôl doethineb y Gyfadran/Ysgol dan sylw, gall ymgeisydd sydd wedi cyflawni safon ddigonol yn y rhaglen astudio gytras am radd Faglor israddedig drosglwyddo ei gofrestriad i’r radd gychwynnol uwch ar y pwyntiau canlynol:

• Naill ai: wedi cwblhau 120 credyd ar Lefel 4;
• Neu: wedi cwblhau 120 credyd pellach ar Lefel 5.

5.2      

Rhaid i’r cyfryw ymgeiswyr fodloni’r rheoliadau academaidd ac ariannol a rhaid i unrhyw ymgeisydd sy'n trosglwyddo felly fodloni ei hun parthed unrhyw oblygiadau ariannol.

5.3        

Bydd ymgeisydd o’r fath yn ymuno â rhaglen y radd gychwynnol uwch ar y pwynt priodol a, fan hwyraf, ar ddechrau Lefel 6.

5.4        

Caniateir i’r Cyfadrannau/Ysgolion ychwanegu rheoliadau llymach ar gyfer trosglwyddo rhwng rhaglenni gradd faglor israddedig a chynlluniau gradd gychwynnol uwch, a bydd y manylion ar gael yn llawlyfr y Gyfadran/Ysgol dan sylw.

5.5        

Yn ôl doethineb y Gyfadran/Ysgol dan sylw, gall ymgeisydd am radd gychwynnol uwch drosglwyddo, neu gall fod yn ofynnol iddo drosglwyddo, ei gofrestriad i raglen gradd faglor gytras ar y pwyntiau canlynol:

• Naill ai: wedi cwblhau 120 credyd ar Lefel 4;
• Neu: wedi cwblhau 120 credyd pellach ar Lefel 5.

5.6        

Rhaid i’r cyfryw ymgeiswyr fodloni’r rheoliadau academaidd ac ariannol a rhaid i unrhyw ymgeisydd sy'n trosglwyddo felly fodloni ei hun parthed unrhyw oblygiadau ariannol.

5.7        

Bydd ymgeisydd o’r fath yn ymuno â rhaglen y radd faglor gytras ar y pwynt priodol a, fan hwyraf, ar ddechrau Lefel 6.

5.8        

Anfonir pob cais i drosglwyddo i raglen arall at Wasanaethau Addysg am gymeradwyaeth derfynol.

5.9        

Yn achos myfyrwyr rhyngwladol a noddir gan y Brifysgol, mae caniatâd i newid rhaglen yn amodol ar feddu ar deitheb ddilys Llwybr Myfyrwyr (Haen 4 gynt). Cyn y caiff y myfyriwr drosglwyddo i raglen arall, asesir a yw'r broses drosglwyddo'n bodloni deddfwriaeth Llwybr Myfyrwyr (Haen 4 gynt) gyfredol cyn y caiff y cais ei gymeradwyo.   

Bydd yr asesiad yn cyfeirio at lefel y rhaglen newydd, cyfnod caniatâd i aros presennol y myfyriwr, y terfynau amser cyfredol sy'n llywodraethu astudio Llwybr Myfyrwyr (Haen 4 gynt); asesir a yw'r rhaglen newydd yn bodloni 'dyheadau go iawn' y myfyriwr o ran ei yrfa ac ystyrir unrhyw ofynion eraill a bennir gan Wasanaeth Fisâu a Mewnfudo y DU (UKVI).

Lle nad oes modd cwblhau'r rhaglen newydd o fewn y cyfnod caniatâd i aros sy'n weddill o dan Llwybr Myfyrwyr (Haen 4 gynt), bydd angen i'r myfyriwr adael y DU i gyflwyno cais pellach am ganiatâd i aros er mwyn cwblhau'r rhaglen. Os oes angen cymeradwyaeth gan y Cynllun Cymeradwyo Technoleg Academaidd (ATAS) ar raglen, bydd rhaid i fyfyrwyr rhyngwladol gael cymeradwyaeth a darparu copi o'r dystysgrif ATAS i'r Brifysgol cyn y gellir cymeradwyo cais i newid rhaglen.

6.1        

Caiff cynnydd ymgeisydd ei asesu fel rheol naill ai yn ystod modiwl a/neu yn y cyfnod yn syth wedi ei gwblhau.

6.2        

Bydd yn ofynnol i ymgeiswyr gwblhau rhaglen astudio’r Radd Gychwynnol Uwch yn unol â’r rheoliadau ar gyfer dyfarnu credyd a amlinellir yn y Rheoliadau Asesu Israddedigion.

6.3        

40% fydd y marc pasio am fodiwl ar bob lefel ac eithrio Lefel 7, lle bydd y marc pasio yn 50%.

7.1        

Os derbynnir ymgeisydd i raglen gradd gychwynnol uwch fodiwlaidd ond na all, neu na chaniateir iddo, wedi hynny symud ymlaen i'w chwblhau, gan ddibynnu ar nifer y credydau a enillwyd ar y lefelau priodol adeg gadael, gall fod yn gymwys am gymhwyster ymadael. Ceir manylion am gymwysterau ymadael yn y Rheoliadau Asesu Israddedigion.

8.1        

8.2  

Bydd y cyfnodau cofrestru hwyaf a byrraf a ganiateir fel rheol yn fyrrach i fyfyrwyr a dderbynnir gyda throsglwyddiad credyd am astudio a/neu brofiad blaenorol.      

8.3        

9.1        

I fod yn gymwys i’w hystyried ar gyfer gradd gychwynnol uwch gan Brifysgol Abertawe, rhaid i ymgeiswyr fynychu a chwblhau modiwlau o fewn y cyfnod cofrestru hwyaf, ac ennill credydau, fel a ganlyn. Caniateir addasiadau ar gyfer ymgeiswyr y caniateir iddynt ddilyn modiwlau dewisol ar lefel is.

10.1      

Er mwyn bod yn gymwys i’w hystyried am radd gychwynnol uwch o dan y Rheoliadau hyn, dylai ymgeiswyr fod:

• Wedi dilyn rhaglen astudio fodiwlaidd gymeradwy am y cyfnod a bennir gan y Brifysgol, ac eithrio dan yr amgylchiadau a nodir yn Adran 4;
• Wedi ennill isafswm y credydau a bennir gan y Brifysgol mewn rhaglen a gymeradwyir gan y Brifysgol;
• Wedi bodloni unrhyw amod(au) pellach a fynnir gan y Brifysgol.

10.2      

Cyhoeddir enwau’r ymgeiswyr am radd Anrhydedd sydd wedi bodloni gofynion asesu’r rhaglen a’r Brifysgol yn y dosbarthau Anrhydedd canlynol:

• Cyntaf;
• Ail Ddosbarth Rhan Un;
• Ail Ddosbarth Rhan Dau;
• Trydydd Dosbarth;
• Gradd Basio.

11.1   

Gellir rhoi dyfarniad Aegrotat i ymgeisydd nad yw'n gallu parhau i astudio, ar y dybiaeth y byddai wedi bodloni'r safon angenrheidiol ar gyfer y dyfarniad pe byddai modd iddo barhau i astudio.

11.2      

Gwneir dyfarniad Gradd Aegrotat yn unol â'r Rheoliadau ar gyfer Dyfarnu Graddau, Diplomâu, a Thystysgrifau Aegrotat.

11.3      

Ni fydd ymgeiswyr sy'n dilyn rhaglenni proffesiynol mewn gofal iechyd ac sy'n derbyn gradd, diploma neu dystysgrif Aegrotat yn gymwys i gofrestru gyda chyrff gofal iechyd proffesiynol.

12.1      

Gellir dyfarnu cymhwyster ar ôl marwolaeth i fyfyriwr sydd wedi marw ac sydd wedi cwblhau digon o'i astudiaethau ar gyfer y dyfarniad. Gwneir dyfarniad gradd ar ôl marwolaeth yn unol â'r Rheoliadau ar gyfer Dyfarniadau Ar Ôl Marwolaeth.