Mae'r maes hwn yn ymwneud â'r sgiliau, yr wybodaeth a'r ddealltwriaeth i ganfod, gwerthuso, curadu a rhannu ystod o fathau o wybodaeth ddigidol (megis testun, graffigwaith a fideo) gan ddefnyddio'r offer a'r meddalwedd priodol. Defnyddio ymagwedd feirniadol at sicrhau y deuir o hyd i'r ffynhonnell wreiddiol, ei bod yn gredadwy ac yn berthnasol, gan ystyried hawlfraint a gofynion cyfeirnodi.
Dod o hyd i Ffynonellau Dibynadwy
Mae’r fideo hwn ar dod o hyd i Ffynonellau Dibynadwy yn trafod y ffordd orau o sicrhau eich bod yn defnyddio ffynonellau priodol yn eich gwaith academaidd. Mae hyn yn hynod bwysig wrth ddefnyddio ffynonellau digidol megis cronfeydd data yn eich ymchwil. Bydd yr adnodd yn ystyried y canlynol: pam dylech chi chwilio am ffynhonnell ddibynadwy, sut i ddefnyddio prawf CRAAP i archwilio eich adnoddau, a sut i ddod o hyd i gymorth pellach.
Dod o hyd i Erthyglau Cyfnodolion gan ddefnyddio Cronfeydd Data Academaidd
Mae Cyfnodolion Academaidd yn ffynhonnell gyfoethog o erthyglau sy’n trafod ymchwil ddiweddar ac maent yn ystyriaeth hanfodol wrth chwilio llenyddiaeth. I ddysgu mwy, dilynwch y cwrs byr hwn ar ddod o hyd i erthyglau cyfnodolion.
Erthyglau Newyddion
Gall staff a myfyrwyr Prifysgol Abertawe gyrchu archifau papurau newyddion yn ogystal â chyrchu safleoedd ar y rhyngrwyd. Mae’r dolenni ar gyfer yr holl bapurau newyddion rydym yn tanysgrifio iddynt (yn ogystal ag adnoddau ar-lein sydd ar gael am ddim) ar iFind. Am ragor o wybodaeth, ewch i’r canllaw i’r llyfrgell hwn ar gyfer Erthyglau Newyddion.
Llenyddiaeth Lwyd a Ffynonellau Eraill
Gellir disgrifio llenyddiaeth lwyd fel gwybodaeth nad yw’n cael ei rheoli gan gyhoeddi masnachol; gwybodaeth ydyw sy’n cael ei chreu gan gorff nad cyhoeddi yw ei weithgarwch pennaf. Efallai y bydd yn fwy defnyddiol a chyfoes, ond nid yw’n destun yr un prosesau adolygu llym cyn cyhoeddi â llenyddiaeth a gyhoeddir yn ffurfiol. Mae llenyddiaeth lwyd ar gael yn eang yn ddigidol a rhaid i ni fod yn ymwybodol o sut i’w adnabod a phenderfynu pryd y bydd hi’n addas defnyddio llenyddiaeth lwyd yn ein gwaith. Am fwy o wybodaeth, darllenwch ganllaw’r llyfrgell ar Llenyddiaeth Lwyd.