Cefnogaeth ar Gyflogadwyedd

Mae’r Canllaw Cyflogaeth yn darparu trosolwg o’r holl wybodaeth, dolenni a chysylltiadau sydd eu hangen arnoch fel myfyriwr Peirianneg neu Gwyddor Chwaraeon ac Ymarfer Corff i reoli eich cyflogaeth.

Ewch i’n tudalennau sgiliau penodedig sydd ar gael er mwyn gwella eich cyflogadwyedd ac sy’n cynnwys cyngor a mewnwelediadau er mwyn eich helpu chi i baratoi ar gyfer y camau nesaf yn eich gyrfa. Yma, byddwch chi hefyd yn dod o hyd i’n herthyglau, ein blogiau a’n podlediadau yn ogystal â chyfleoedd a swyddi gwag.

Gweler eich Canllaw Myfyrywr Blwyddyn mewn Diwydiant yma; mae hyn yn cynnwys gwybodaeth, cynnwys modiwl yn ogystal â rheoliadau academaidd ar gyfer y cynllun.

Yn ogystal, mae gennym wefannau yn benodol ar gyfer y modiwl Blwyddyn mewn Diwydiant yma.

Mae Tîm Academi Cyflogadwyedd Abertawe yn cynnig cyngor gyrfaoedd pwrpasol, gweithdai cyflogadwyedd ac yn cydlynu digwyddiadau gan gynnwys y Ffeiriau Gyrfaoedd. Gallwch chi drefnu apwyntiadau gydag Ymgynghorwyr Gyrfaoedd a chael mynediad at y Cwrs Datblygu Gyrfa a fydd, ar ôl i chi ei gwblhau, yn cael ei gydnabod yn ffurfiol ar eich Cofnod Cyflawniad Addysg Uwch (HEAR).

Bwrsariaeth Gyflogadwyedd: Gall pob myfyriwr Prifysgol Abertawe gyflwyno cais am hyd at £100 trwy gwblhau’r ffurflen ar-lein syml hon.

Mae gan y Brifysgol Dîm Entrepreneuriaeth a Mentergarwch penodedig sy’n gallu eich helpu chi i gadw ar flaen y gad trwy ddatblygu sgiliau ac ennill profiadau amhrisiadwy a rhoi cymorth i’r rhai sy’n ceisio cychwyn eu busnesau.

Rhowch gynnig ar wirfoddoli a darganfod sut y gallwch chi wneud gwahaniaeth trwy wirfoddoli ac ar yr un pryd adeiladu eich sgiliau a chwrdd â phobl newydd. Mae gan Discovery amrywiaeth o gyfleoedd gwirfoddoli y gallwch chi gymryd rhan ynddynt gan gynnwys prosiectau rhithwir.

Gwyliwch sut y gall gwirfoddoli wella eich cyflogadwyedd a darganfod mwy yma.