Cefnogaeth ar Gyflogadwyedd

Tîm Cyflogadwyedd y Gyfadran Gwyddoniaeth a Pheirianneg

Mae Tîm Cyflogadwyedd y Gyfadran Gwyddoniaeth a Pheirianneg wedi ymrwymo i gefnogi'r holl fyfyrwyr yn y gyfadran i gyflawni eu huchelgeisiau gyrfaol drwy ddarparu arweiniad un-i-un ar gyfer CVs a chyfweliadau, cynnal amrywiaeth o ddigwyddiadau Cyflogadwyedd, tra hefyd yn hyrwyddo ystod o gyfleoedd yn uniongyrchol i fyfyrwyr.

Mae'r tîm yn cydweithio ag ystod eang o gyflogwyr, o fusnesau bach i gwmnïau amlwladol, er mwyn cynnig cyfleoedd i fyfyrwyr i ryngweithio â darpar gyflogwyr. Mae'r amrywiaeth o ddigwyddiadau a gynhelir gan y Tîm Cyflogadwyedd yn cynnwys:

Sgyrsiau gan Gyflogwyr - cyfle i glywed gan weithwyr proffesiynol yn eich maes diddordeb er mwyn archwilio cyfleoedd gyrfa, derbyn cyngor ar broses cyflwyno cais a gofyn cwestiynau.
Cyflogwr yn y Cyntedd - sgwrs anffurfiol gyda chynrychiolwyr o sefydliadau amrywiol. Gofynnwch gwestiynau ynghylch y cyfleoedd a allai fod ar gael i chi a dysgwch fwy am yr hyn y mae sefydliad yn ei wneud.
Canolfannau Asesu Ffug - bydd cyflwyno cais i gymryd rhan mewn Canolfan Asesu Ffug yn rhoi'r cyfle i chi gael y profiad o fod ynghlwm â'r rhan hon o'r broses recriwtio, a hynny mewn amgylchedd heb risgiau.
Ffeiriau Gyrfaoedd a Diwrnod Sgiliau Cyflogadwyedd - mae'r tîm yn trefnu digwyddiadau Cyflogadwyedd mwy o faint a fydd yn cynnig y cyfle i chi ddatblygu sgiliau proffesiynol megis rhwydweithio, cymryd rhan mewn ffug gyfweliadau, a darganfod llwybrau gyrfa efallai nad ydych wedi eu hystyried o'r blaen.

Mae'r tîm Cyflogadwyedd hefyd yn trefnu'r broses weinyddol ar gyfer lleoliadau Blwyddyn mewn Diwydiant yn y gyfadran a gallant roi cyngor a chymorth drwy gydol y rhaglen er mwyn sicrhau eich bod yn medru gwneud y gorau o'r cyfle profiad gwaith gwerthfawr hwn.

Digwyddiadau Cyflogadwyedd

Llun o fyfyriwr yn rhwydweithio gyda chynrychiolydd o'r diwydiant peirianneg.

Cyfleoedd Cyflogadwyedd

Discussion between two people at a table

Cymorth Cyflogadwyedd

Erthyglau a Mewnwelediadau

Cymorth Gyrfaoedd Ychwanegol sydd ar gael i chi

Academi Cyflogadwyedd Abertawe (SEA)

Mae Tîm Academi Cyflogadwyedd Abertawe yn cynnig cyngor gyrfaoedd pwrpasol, gweithdai cyflogadwyedd ac yn cydlynu digwyddiadau gan gynnwys y Ffeiriau Gyrfaoedd. Gallwch chi drefnu apwyntiadau gydag Ymgynghorwyr Gyrfaoedd a chael mynediad at y Cwrs Datblygu Gyrfa a fydd, ar ôl i chi ei gwblhau, yn cael ei gydnabod yn ffurfiol ar eich Cofnod Cyflawniad Addysg Uwch (HEAR).

Trefnwch apwyntiad un i un gyrfaoedd yma.

Mentergarwch Myfyrwyr

Mae gan y Brifysgol Dîm Entrepreneuriaeth a Mentergarwch penodedig sy’n gallu eich helpu chi i gadw ar flaen y gad trwy ddatblygu sgiliau ac ennill profiadau amhrisiadwy a rhoi cymorth i’r rhai sy’n ceisio cychwyn eu busnesau.

Discovery SVS

Rhowch gynnig ar wirfoddoli a darganfod sut y gallwch chi wneud gwahaniaeth trwy wirfoddoli ac ar yr un pryd adeiladu eich sgiliau a chwrdd â phobl newydd. Mae gan Discovery amrywiaeth o gyfleoedd gwirfoddoli y gallwch chi gymryd rhan ynddynt gan gynnwys prosiectau rhithwir.

Gwyliwch sut y gall gwirfoddoli wella eich cyflogadwyedd a darganfod mwy yma.

Sgiliau Cyflogadwyedd

Ewch i’n tudalennau sgiliau penodedig sydd ar gael er mwyn gwella eich cyflogadwyedd ac sy’n cynnwys cyngor a mewnwelediadau er mwyn eich helpu chi i baratoi ar gyfer y camau nesaf yn eich gyrfa. Yma, byddwch chi hefyd yn dod o hyd i’n herthyglau, ein blogiau a’n podlediadau yn ogystal â chyfleoedd a swyddi gwag.