Wythnos groeso

Edrychwn ymlaen at eich croesawu i'r Gyfadran Gwyddoniaeth a Pheirianneg!

Cynhelir y sesiwn groeso gyntaf ar gyfer yr holl fyfyrwyr sy'n dechrau ym mis Ionawr ddydd Iau 23 Ionawr 2025, a chaiff amserlenni eu cyhoeddi erbyn Ionawr 2025.

Fe'ch anogir i fynd i’r holl sesiynau ar eich amserlen er mwyn cyrchu'r amrywiaeth lawn o wybodaeth a chymorth a fydd yn berthnasol i chi drwy gydol eich astudiaethau. Fyddwn ni ddim am i chi golli allan, felly sicrhewch eich bod chi'n dod! Er mwyn dod o hyd i'ch ffordd o gwmpas, defnyddiwch fapiau o'r campysau.

Os oes cwestiynau gennych neu os bydd angen cymorth arnoch unrhyw bryd, mae Tîm Profiad a Gwybodaeth Myfyrwyr y Gyfadran ar gael i helpu. Gallwch ddod o hyd i'n manylion cyswllt yma - gwnewch yn siŵr eich bod yn nodi eich Rhif Myfyriwr a'ch Rhaglen Astudio yn glir pan fyddwch yn cysylltu â ni.

Neges Groeso gan yr Athro David Smith, Dirprwy Is-ganghellor a Deon Gweithredol

"Ym Mhrifysgol Abertawe ac yn y Gyfadran Gwyddoniaeth a Pheirianneg, rydym yn credu mewn gweithio mewn partneriaeth â myfyrwyr. Rydym yn gweithio'n galed i chwalu rhwystrau a gwerthfawrogi cyfraniad pawb. Ein nod yw cymuned gynhwysol lle mae pawb yn cael eu parchu, a lle mae cyfraniadau pawb yn cael eu gwerthfawrogi. Mae bob amser groeso i chi siarad â staff academaidd, technegol a gweinyddol a gweinyddwyr - rwyf yn siŵr y byddwch yn dod o hyd i rywun cyfeillgar sy'n barod i'ch cynorthwyo. A gwnewch y gorau o fyw a gweithio ochr yn ochr â'ch cyd-fyfyrwyr. Yn ystod eich amser gyda ni, dylech chi ddysgu, creu, cydweithio ac yn bwysicaf oll, fwynhau eich hun!"