Amgylchiadau Esgusodol ar gyfer Asesiad Parhaus

Os oes arnoch angen cyflwyno cais am amgylchiadau esgusodol ar gyfer asesiad parhaus (megis prawf dosbarth, aseiniadau gwaith cwrs neu weithgareddau addysgu gorfodol), darllenwch yr wybodaeth isod yn ofalus.

Cliciwch yma i wneud cais

Os yw eich amgylchiadau'n effeithio ar eich gallu i gwblhau neu gyflwyno aseiniad, bydd angen i chi gyflwyno cais am Amgylchiadau Esgusodol.

Os caiff eich cais ei dderbyn, mae’n bosib y byddwch yn cael dyddiad cau estynedig neu eithriad, fel y bo’n briodol. Cynhelir y broses gyfan ar-lein a byddwch yn cael gwybod am y canlyniad drwy e-bost.

Cewch arweiniad ynghylch sut i gyrchu'r system newydd a sut i gyflwyno cais amgylchiadau esgusodol yma. Gellir hefyd cael mynediad at E:Vision drwy'r ap FyAbertawe.

Dyddiadau Cau Allweddol

Rhaid cyflwyno ceisiadau am amgylchiadau esgusodol o fewn y 10 niwrnod gwaith cyn dyddiad cau'r aseiniad yr effeithir arno, neu o fewn 5 niwrnod gwaith ar ôl y dyddiad cau ar gyfer yr aseiniad yr effeithir arno.
Rhaid cyflwyno ceisiadau cyn dyddiad cau'r asesiad perthnasol. Gall ceisiadau gael eu gwrthod os byddant yn cael eu cyflwyno ar ôl y dyddiad cau heb reswm dilys dros yr oedi.
Dylid lanlwytho tystiolaeth ategol i'r system ar-lein ar gyfer Amgylchiadau Esgusodol ar adeg y cais os yw'n bosib, ond gallwch gyflwyno eich Ffurflen Amgylchiadau Esgusodol ac yna atodi unrhyw ddogfennau/dystiolaeth ategol yn nes ymlaen.
Rhaid i chi ddarparu tystiolaeth ategol o fewn 10 niwrnod gwaith i'r dyddiad pan fyddwch yn cyflwyno eich cais am Amgylchiadau Esgusodol.
Os ydych yn poeni na fyddwch yn gallu darparu dogfennau/tystiolaeth i ategu eich cais o fewn y terfyn amser o 10 niwrnod gwaith, cysylltwch â'n tîm ar frys am arweiniad.

Amgylchiadau sy'n gymwys am Amgylchiadau Esgusodol

Mae'r Gyfadran yn cydnabod y gall amrywiaeth eang o anawsterau/amgylchiadau effeithio ar fyfyrwyr yn achlysurol a gall hyn arwain at anallu i gwblhau darn o waith asesedig neu fynd i sesiwn labordy, prawf dosbarth neu arholiad gorfodol.

Rhesymau Cyffredin dros Amgylchiadau Esgusodol:

Damwain ddifrifol neu salwch tymor byr difrifol
Problem gorfforol neu iechyd meddwl ddifrifol neu enbyd.
Profedigaeth.
Problemau personol neu deuluol difrifol.

Rhesymau sy'n annhebygol o gael eu derbyn fel Amgylchiadau Esgusodol:

Rheoli amser gwael - mae'n debygol y bydd gennych nifer o ddyddiadau cau tua'r un pryd. Gwnewch yn siŵr eich bod yn cynllunio eich amser.
Colli ffeil - eer ein bod yn sylweddoli bod hyn yn gallu peri gofid pan fydd yn digwydd, disgwylir i chi gadw copi wrth gefn o'ch gwaith bob amser. Rhaid i chi hefyd fod yn barod i gyflwyno'ch gwaith erbyn y dyddiad cau a gyhoeddwyd a chaniatáu amser ar gyfer problemau technegol munud-olaf. Fel arfer, dim ond methiant dilysadwy Offer TG y Brifysgol sy'n effeithio ar system neu systemau fyddai'n cael ei dderbyn, gyda thystiolaeth gref wedi'i chynnwys. Gall hyn gynnwys methiant meddalwedd goruchwylio o bell, methiant Wi-Fi lleol nad yw wedi'i gynllunio neu amser segur nad yw wedi'i gynllunio ar Lwyfan Dysgu Digidol (neu elfennau ohono).
Ymrwymiadau cymdeithasol megis gwyliau, priodasau etc.
Problemau sy'n deillio o gyflogaeth yn ystod eich astudiaethau
Mân salwch megis pen tost neu annwyd
Nid yw ymrwymiadau chwaraeon a hyfforddiant yn gymwys ar gyfer Amgylchiadau Esgusodol oni bai eich bod wedi'ch cydnabod/wedi cofrestru gyda'r Brifysgol fel Ysgolhaig Chwaraeon TASS.

Tystiolaeth Ategol

Rhaid i dystiolaeth ategol:

Nodi sut mae'r amgylchiadau wedi effeithio ar berfformiad myfyriwr a/neu wedi effeithio ar allu myfyriwr i fynd i asesiad, ei gwblhau neu ei gyflwyno ar amser.
Cael ei dyddio o fewn mis i ddyddiad yr asesiad dan sylw.
Cael ei darparu gan drydydd parti a’i chyflwyno gan y myfyriwr.
Esbonio'r amgylchiadau'n glir.
Cadarnhau'r cyfnod amser yr oedd yr amgylchiadau'n effeithio arno.
Cael ei chyflwyno cyn gynted â phosibl.
Yn achos dogfennaeth a ysgrifennwyd mewn iaith arall, rhaid darparu cyfieithiad swyddogol.
Cael ei chyflwyno fel dogfen Word, JPEG neu PDF (nid yw systemau'r Brifysgol yn gallu darllen dogfennau ategol mewn fformat HEIC).

Mae enghreifftiau o dystiolaeth briodol yn cynnwys y canlynol:

Amgylchiadau Posib	Enghreifftiau o dystiolaeth briodol
Problemau technegol (h.y. tarfu ar Wi-Fi/gysylltiad, problemau mynediad, etc)	Sgrinluniau o negeseuon gwall, gan gynnwys dyddiad/amser. Hysbysiad o darfu ar wasanaeth wedi'i ddyddio. Diweddariad gan dudalen darparwr rhwydwaith. Cyfathrebiad sy'n nodi'r tarfiad, gan gynnwys negeseuon e-bost neu gyfryngau cymdeithasol. Gohebiaeth â darparwr gwasanaeth neu dîm technegol i nodi'r broblem, y dyddiad/amser a'r ymgais i ddatrys y broblem.
Iechyd neu Les corfforol/amgylchiadau sy'n gysylltiedig ag iechyd meddwl	Nodyn gan eich meddyg, eich meddyg teulu neu ganolfan iechyd sy'n nodi'r amgylchiadau a'r dyddiadau dan sylw. Llythyr yn cadarnhau cyfnod yn yr ysbyty neu ddyddiad rhyddhau. Nodyn gan dimau lles neu lesiant canolog y Brifysgol os ydych yn cael cymorth gan y gwasanaethau hyn. Yn achos myfyrwyr â chyflyrau iechyd/anableddau newidiol sydd wedi cael eu cymeradwyo gan y Gwasanaethau Lles ac Anabledd, dylid ystyried bod y ffurflen addasiad yn dystiolaeth os yw'r amgylchiadau a nodir ar y cais am amgylchiadau esgusodol yn ymwneud â'r cyflwr iechyd a nodwyd.
Yn achos profedigaeth	Rydym yn sylweddoli bod hwn yn gyfnod anodd i bawb a gall fod yn anodd cael tystiolaeth. Mae'r mathau o dystiolaeth y gallwn eu hystyried yn cynnwys, ymysg eraill: Copi o'r dystysgrif marwolaeth (os bydd ar gael) Copi o drefn gwasanaeth angladd neu hysbysiad am yr angladd Copi o lythyr Trefnydd Angladdau Os yw'r brofedigaeth yn golygu eich bod yn cael problemau o ran eich lles/iechyd meddwl, gallwch ddarparu tystiolaeth o hyn (gweler yr arweiniad uchod ar dystiolaeth briodol) Mae'r uchod yn enghreifftiau'n unig. Os ydych yn ei chael hi'n anodd cael gafael ar dystiolaeth, mae croeso i chi gysylltu â'n tîm am arweiniad a chymorth.
Os ydych yn ddioddefwr trosedd	Adroddiad gan yr heddlu – ni fydd rhif cyfeirnod y drosedd ar ei ben ei hun yn ddigonol.
Cyfrifoldebau gofalu	Yn achos cyfrifoldebau gofalu ac anawsterau domestig tymor byr sy'n effeithio ar allu myfyriwr i baratoi ar gyfer asesiadau neu gynnal asesiadau, datganiad gan aelod o'r teulu/ffrind. Yn achos cyfrifoldebau gofal tymor hir, Pasbort Gofalwr.
Yn achos amgylchiadau eraill sy'n gymwys	Ceisiwch ddisgrifio'r amgylchiadau mewn modd mor fanwl â phosib a darparu cymaint o dystiolaeth ag y gallwch, a bydd y Tîm Gwybodaeth Myfyrwyr yn cysylltu â chi os bydd angen rhagor o dystiolaeth.

Bydd absenoldeb dogfennau ategol yn arwain at wrthod y cais oni bai bod y myfyriwr yn gallu rhoi esboniad digonol yn ei gais am ei reswm dros fethu darparu tystiolaeth fel hynny. Mae'r Brifysgol yn cydnabod y bydd hi'n anodd i rai myfyrwyr gasglu tystiolaeth yn y sefyllfa bresennol, a bydd yn ystyried ceisiadau â chydymdeimlad os darperir esboniad priodol.

Ohirio gwaith cwrs

Os bydd gennych amgylchiadau esgusodol sylweddol a allai olygu na allwch gyflwyno aseiniad, hyd yn oed gyda chymorth y system Amgylchiadau Esgusodol, yna mae'n bosibl y byddwch yn gallu cyflwyno cais am Ohirio Gwaith Cwrs. Sylwer y caiff ceisiadau eu hystyried fesul achos ac mae'n rhaid cyflwyno dogfennaeth ategol briodol.

Sylwer os oes gennych chi ffurflen gan y Brifysgol, byddai angen tystiolaeth ategol arnom o ran sut y mae eich cyflwr hirdymor wedi bod yn effeithio'n sylweddol arnoch a pham y mae angen ichi Ohirio Gwaith Cwrs.

I gyflwyno cais am Ohirio Gwaith Cwrs, cyflwyna gais am Amgylchiadau Esgusodol ar eVision a noda yn y blwch testun rhydd dy fod yn cyflwyno cais am ohirio dy waith cwrs. Cyflwyna dy gais o fewn 5 niwrnod gwaith o'th ddyddiad cau cyflwyno newydd.

Os oes gen ti gwestiynau neu am drafod yr opsiwn i ofyn am ohiriad, cysyllta â'r Tîm Profiad a Gwybodaeth Myfyrwyr am arweiniad.

Cysylltwch â'r Tîm Gwybodaeth a Phrofiad Myfyrwyr

Os nad ydych chi'n siŵr ynghylch rhywbeth isod, cysylltwch â'r Tîm Gwybodaeth a Phrofiad Myfyrwyr.

Am fanylion pellach, darllenwch ganllawiau'r Brifysgol ar Polisi ar Amgylchiadau Esgusodolhefyd.

Cofrestrwch gyda meddyg teulu

Cyflwynwch gais i ohirio arholiad

Cysylltwch ag Arian@BywydCampws

CWESTIYNAU CYFFREDIN YNGHYLCH AMGYLCHIADAU ESGUSODOL

Beth os byddaf yn teimlo gormod o gywilydd i drafod fy amgylchiadau?

Peidiwch â theimlo cywilydd. Bydd holl staff y Brifysgol yn parchu cyfrinachedd eich sefyllfa ac ni fyddant yn rhannu gwybodaeth heb eich caniatâd. Caiff pob cais ei ystyried fesul achos. Os ydych chi'n ansicr o hyd, argymhellir i chi siarad ag aelod o'r Tîm Gwybodaeth a Phrofiad Myfyrwyr i ddechrau, er mwyn iddynt gynnig cyngor a chymorth cyfrinachol heb feirniadu.

Beth os byddaf yn penderfynu peidio â dweud wrth neb am fy amgylchiadau?

Eich dewis chi yw datgelu eich amgylchiadau i aelod o staff y gyfadran neu'r Brifysgol ai peidio. Efallai y byddwch yn teimlo y gallwch gwblhau eich asesiadau er gwaethaf eich amgylchiadau. Os byddwch yn dewis peidio â datgelu eich amgylchiadau, ni fydd y Brifysgol fel arfer yn ystyried Amgylchiadau Esgusodol o’r fath fel sail ar gyfer apêl academaidd yn erbyn canlyniad gradd na phenderfyniad ar ddilyniant.

Rwyf wedi cyflwyno cais ond heb dderbyn ateb eto, beth dylwn i ei wneud?

Mae'r Tîm Profiad a Gwybodaeth Myfyrwyr yn ymdrechu i ymateb i bob cais am Amgylchiadau Esgusodol ymhen dau ddiwrnod gwaith. Rydym yn argymell yn gryf fod myfyrwyr yn cyflwyno cais mor gynnar â phosib yn ystod y 10 niwrnod gwaith cyn eu dyddiad cau i gyflwyno.

Os ydych chi wedi cyflwyno cais am Amgylchiadau Esgusodol cyn eich dyddiad cau i gyflwyno ond heb dderbyn canlyniad eich cais eto, rydym yn eich annog yn gryf i gyflwyno'r gwaith rydych chi wedi'i gwblhau cyn y dyddiad cau gwreiddiol. Os caiff eich cais ei gymeradwyo wedi hynny, byddwch yn cael ailgyflwyno eich gwaith.

Os ydych yn cyflwyno cais am Amgylchiadau Esgusodol ar ôl y dyddiad cau gwreiddiol i gyflwyno ac rydych chi'n aros am ganlyniad eich cais, rydym yn eich cynghori i gyflwyno'r gwaith rydych chi wedi'i gwblhau drwy Canvas a/neu ei e-bostio i Gydlynydd eich Modiwl. Sylwer, yr estyniad safonol sy'n bosib ar gyfer gwaith cwrs yw pum niwrnod gwaith ac efallai na fydd estyniad arall yn bosib. Felly, os ydych chi wedi cyflwyno eich cais ar ôl y dyddiad cau gwreiddiol a heb dderbyn eich canlyniad eto, gwnewch yn siŵr eich bod yn cyflwyno eich gwaith (drwy Canvas a/neu i Gydlynydd eich Modiwl) cyn diwedd yr estyniad safonol.

Sut byddaf yn gwybod os cymeradwywyd fy nghais?

Os byddwch yn cyflwyno cais am asesiad drwy eVision, y cais hwnnw fydd yn cael ei ddiweddaru os bydd diweddariadau. Byddwch yn derbyn hysbysiad drwy e-bost pan fydd diweddariad wedi'i wneud, fel arfer ymhen 2-3 diwrnod gwaith.

Mae fy nghais am amgylchiadau esgusodol ar gyfer gwaith cwrs / prawf dosbarth / sesiwn labordy orfodol wedi'i gymeradwyo.Beth sy'n digwydd nesaf?

Bydd cydlynydd y modiwl dan sylw yn darparu addasiad i chi ar eich cais am amgylchiadau esgusodol. Fel arfer, bydd yr addasiad yn dibynnu ar y darn o waith yr effeithir arno. Fel arfer, ceir un o'r canlynol:

Rhoi estyniad.
Ail-drefnu prawf / cyflwyniad / sesiwn labordy.
Eithrio darn o waith os nad yw'n cyfrannu'n sylweddol at ddeilliannau dysgu'r modiwl.

Gyda rhai canlyniadau, efallai y gofynnir i ti gysylltu â Chydlynydd dy Fodiwl yn uniongyrchol i gael rhagor o wybodaeth. Rwyt ti'n gyfrifol am gysylltu â Chydlynydd dy Fodiwl cyn gynted â phosib. Os nad wyt ti'n clywed gennym o fewn 2 ddiwrnod gwaith, cysyllta â’r Tîm Gwybodaeth i Fyfyrwyr.

Mae gennyf anabledd/cyflwr iechyd hirdymor. Pa gymorth arall sydd ar gael?

Mae amgylchiadau esgusodol yn berthnasol i amgylchiadau tymor byr sy'n effeithio ar asesiad/cyfnod arholiadau penodol. Os oes gennych anabledd neu gyflwr iechyd hirdymor, dylai'r Gwasanaeth Lles ac Anabledd gefnogi hyn.

Gallwch hunangyfeirio at y gwasanaeth hwn drwy'r Ffurflen Cymorth i Fyfyrwyr ar-lein.

Opsiynau os ydych wedi colli neu ddifrodi eich gliniadur neu offer TG personol

Disgwylir i fyfyrwyr wneud trefniadau ar gyfer unrhyw offer TG sydd ei angen arnoch ar gyfer eich rhaglen astudio. Fodd bynnag, os ydych wedi colli neu ddifrodi eich gliniadur/offer ac mae angen cymorth arnoch wrth aros iddynt gael eu trwsio, gweler yr opsiynau isod (sydd ar gael i fyfyrwyr yn Abertawe):

Mae Cyfrifiaduron ar gael yn y Llyfrgell i’w defnyddio: https://www.swansea.ac.uk/cy/llyfrgelloedd/archebwch_fan_astudio/

Mae benthyca gliniaduron tymor byr ar gael drwy loceri hunan-wasanaeth: https://myuni.swansea.ac.uk/cy/bywyd-academaidd/gwasanaethau-tg/loceri-gliniaduron/

Mae benthyca gliniaduron tymor hir ar gael i fyfyrwyr sydd ag amgylchiadau esgusodol cymwys ac sy'n gallu dangos angen clir am fenthyciad tymor hir. Cysylltwch â'r Tîm MyUniLibrary i drafod.

Cronfeydd Caledi a Chymorth Myfyriwr+: Mae cyllid ar gael i fyfyrwyr sydd mewn angen trwy Arian@BywydCampws. Os oes gennych gostau annisgwyl, o ganlyniad i offer TG sydd wedi’i golli neu ei ddifrodi er enghraifft, ac nid ydych yn gallu fforddio prynu offer newydd yn syth oherwydd ymrwymiadau hanfodol eraill, byddwch efallai yn gymwys i wneud cais am arian tuag at y gost o brynu offer newydd neu drwsio’r offer sydd wedi torri. Ceir hefyd gynlluniau penodol ar gyfer myfyrwyr sy'n ymadawyr gofal, sydd wedi'u dieithrio o'u teuluoedd, ceiswyr lloches, ffoaduriaid neu ofalwyr (Cysylltwch â Cyfranogiad@BywydCampws trwy e-bostio accessofficer.campuslife@abertawe.ac.uk os ydych yn credu eich bod yn gymwys i dderbyn y cymorth hwn).

Cynigion arbennig i fyfyrwyr ar gyfer prynu gliniaduron: Mae'r brifysgol yn gweithio mewn partneriaeth â Stone Group ac mae wedi trefnu bod myfyrwyr yn gallu prynu gliniaduron sydd wedi eu hadnewyddu ac offer TG am brisiau gostyngol: https://www.getyourtech.co.uk/swansea