Opsiynau Ar Gyfer Ail-Wneud Modiwlau / Ail- Wneud Lefel

OPSIYNAU AR GYFER AIL-WNEUD MODIWLAU / AIL- WNEUD LEFEL

Rhoddir penderfyniadau ail-wneud lefel astudio i fyfyrwyr Sylfaen, Blwyddyn 1 a Blwyddyn 2 sydd wedi methu bodloni'r meini prawf dilyniant ar gyfer eu rhaglen. Os ydych yn derbyn penderfyniad i Ail-wneud Lefel Astudio pan ryddheir y canlyniadau naill ai ym mis Gorffennaf neu ym mis Medi, ystyriwch y ddau opsiwn isod.

Bwysig nodi

Mae’n bwysig nodi nad yw’n bosibl ail-wneud modiwlau a fethwyd neu ail-wneud lefel a fethwyd ar yr un pryd ag astudio ar y lefel nesaf. Rhaid i chi basio eich lefel astudio bresennol cyn y gallwch symud ymlaen i'r lefel nesaf h.y. ni allwch ailadrodd modiwl/modiwlau a fethwyd ochr yn ochr â'r flwyddyn astudio nesaf. Ni fyddwch yn cael symud i'r lefel astudio nesaf tan i chi basio'r lefel astudio bresennol.

Opsiwn 1: Ail-wneud Lefel Astudio
Mae penderfyniad Ail-wneud Lefel Astudio yn golygu y byddwch yn ail-wneud pob modiwl ac ni fydd cap ar eich marciau. Gall ail-wneud pob modiwl eich helpu i ehangu a dyfnhau eich dealltwriaeth a chadw cynnwys yn fyw yn eich cof, i'ch helpu i wneud eich gorau ar y lefel astudio nesaf. Ni fyddwch yn cario marciau ymlaen o’r flwyddyn flaenorol, a bydd eich marciau wrth Ail-wneud Lefel yn cyfrif tuag at eich canlyniadau hyd yn oed os byddant yn is na'ch ymdrech gyntaf ar y lefel. Caiff myfyrwyr ail-wneud lefel astudio dim ond unwaith. Os nad ydych chi’n pasio’r flwyddyn ar yr ail ymdrech, cewch eich tynnu’n ôl o’ch astudiaethau. Y CAMAU NESAF: Os ydych chi’n dymuno ail-wneud y lefel astudio (h.y. pob modiwl), nid oes angen ichi weithredu ymhellach dim ond cofrestru am y flwyddyn academaidd nesaf; cewch eich cofrestru ar gyfer ail-wneud y flwyddyn gyfan yn awtomatig.

Opsiwn 1: Ail-wneud Lefel Astudio

Mae penderfyniad Ail-wneud Lefel Astudio yn golygu y byddwch yn ail-wneud pob modiwl ac ni fydd cap ar eich marciau. Gall ail-wneud pob modiwl eich helpu i ehangu a dyfnhau eich dealltwriaeth a chadw cynnwys yn fyw yn eich cof, i'ch helpu i wneud eich gorau ar y lefel astudio nesaf.

Ni fyddwch yn cario marciau ymlaen o’r flwyddyn flaenorol, a bydd eich marciau wrth Ail-wneud Lefel yn cyfrif tuag at eich canlyniadau hyd yn oed os byddant yn is na'ch ymdrech gyntaf ar y lefel.

Caiff myfyrwyr ail-wneud lefel astudio dim ond unwaith. Os nad ydych chi’n pasio’r flwyddyn ar yr ail ymdrech, cewch eich tynnu’n ôl o’ch astudiaethau.

Y CAMAU NESAF: Os ydych chi’n dymuno ail-wneud y lefel astudio (h.y. pob modiwl), nid oes angen ichi weithredu ymhellach dim ond cofrestru am y flwyddyn academaidd nesaf; cewch eich cofrestru ar gyfer ail-wneud y flwyddyn gyfan yn awtomatig.

Opsiwn 2: Ail-wneud Modiwlau a Fethwyd Yn Unig
Os cymeradwyir Cais am Ail-wneud Modiwlau a Fethwyd yn Unig, byddwch yn ail-wneud dim ond y modiwlau rydych chi wedi eu methu, a chario’r marciau ymlaen ar gyfer y modiwlau rydych chi wedi eu pasio. Gyda’r opsiwn hwn, mae angen ichi dalu am y modiwlau rydych chi’n eu hail-wneud yn unig. Sylwer y caiff marciau modiwlau sy’n cael eu hail-wneud eu capio ar 40% ar gyfer myfyrwyr Blwyddyn 2. Ni chaiff marciau eu capio ar gyfer myfyrwyr yn y Flwyddyn Sylfaen ac ym Mlwyddyn 1. Y CAMAU NESAF: Os ydych yn dymuno ail-wneud y modiwlau a fethwyd yn unig, cwblhewch Ffurflen Cais i Ail-wneud Modiwlau a Fethwyd. Rydym yn argymell eich bod yn cyflwyno’ch cais cyn gynted â phosib, oherwydd efallai na fydd yn bosibl ystyried ceisiadau a gyflwynir ar ôl dechrau’r addysgu yn sesiwn academaidd 2024-25.

Opsiwn 2: Ail-wneud Modiwlau a Fethwyd Yn Unig

Os cymeradwyir Cais am Ail-wneud Modiwlau a Fethwyd yn Unig, byddwch yn ail-wneud dim ond y modiwlau rydych chi wedi eu methu, a chario’r marciau ymlaen ar gyfer y modiwlau rydych chi wedi eu pasio. Gyda’r opsiwn hwn, mae angen ichi dalu am y modiwlau rydych chi’n eu hail-wneud yn unig. Sylwer y caiff marciau modiwlau sy’n cael eu hail-wneud eu capio ar 40% ar gyfer myfyrwyr Blwyddyn 2. Ni chaiff marciau eu capio ar gyfer myfyrwyr yn y Flwyddyn Sylfaen ac ym Mlwyddyn 1.

Y CAMAU NESAF: Os ydych yn dymuno ail-wneud y modiwlau a fethwyd yn unig, cwblhewch Ffurflen Cais i Ail-wneud Modiwlau a Fethwyd.

Rydym yn argymell eich bod yn cyflwyno’ch cais cyn gynted â phosib, oherwydd efallai na fydd yn bosibl ystyried ceisiadau a gyflwynir ar ôl dechrau’r addysgu yn sesiwn academaidd 2024-25.

PA BYNNAG OPSIWN RYDYCH CHI’N EI DDEWIS, YSTYRIWCH Y PWYNTIAU PWYSIG ISOD:

I bob myfyriwr, rydym yn argymell yn gryf eich bod yn trafod yr opsiynau â naill ai Cyfarwyddwr y Rhaglen neu Bennaeth y Flwyddyn yn eich adran cyn gwneud penderfyniad terfynol. Yn ogystal â siarad â staff academaidd, mae Tîm Gwybodaeth a Phrofiad Myfyrwyr ar gael os oes gennych gwestiynau.
Ydy Cyllid Myfyrwyr yn eich ariannu? Mae ail-wneud astudiaethau yn gallu effeithio ar Gyllid Myfyrwyr.Am gyngor, cysylltwch â Arian@BywydCampws. Heb ystyried pa opsiwn rydych yn ei ddewis, rydym yn argymell eich bod yn darllen yr wybodaeth am Ailadrodd Lefel a Modiwlau yn y canllaw Amgylchiadau Esgusodol a Goblygiadau Ariannol.

Oes gennych chi fisa Haen 4? Os ydych chi’n Fyfyriwr Myfyriwr Rhyngwladol, mae’n rhaid ichi ofyn am gyngor gan dîm Rhyngwladol@BywydCampws ynghylch sut bydd ail-wneud blwyddyn astudio yn effeithio ar eich fisa.

Ydych chi’n fyfyriwr noddedig? Os ydych chi’n fyfyriwr noddedig, argymhellir yn gryf eich bod yn trafod eich opsiynau gyda’ch Noddwr cyn cyflwyno cais i ail-wneud eich modiwlau a fethwyd yn unig.Os ydych chi’n cyflwyno cais i ail-wneud eich modiwlau a fethwyd yn unig, caiff hwn ei anfon at eich noddwr i’w gymeradwyo.Gallai gymryd ychydig o ddyddiau i gadarnhau canlyniad eich cais, tra ein bod yn aros am ymateb oddi wrth eich noddwr.

CWESTIYNAU CYFFREDIN

Oes modd i mi ail-wneud y modiwlau a fethwyd ar yr un pryd ag astudio ar y lefel nesaf?

Nid yw’r Brifysgol yn caniatáu i fyfyrwyr ail-wneud cyfnod astudio ar yr un pryd ag astudio ar y lefel nesaf.Mae’n rhaid ichi basio’ch lefel astudio bresennol, cyn ichi allu mynd ymlaen i’r lefel nesaf.

A gaiff marciau fy modiwlau eu capio?

Os ydych chi’n ail-wneud yr holl lefel astudio, ni chaiff marciau eich modiwlau eu capio ar 40%.

Os ydych chi’n ail-wneud eich modiwlau a fethwyd yn unig, efallai y caiff marciau eich modiwlau eu capio gan ddibynnu ar y lefel astudio rydych chi’n ei hail-wneud.Gweler y tabl isod am ragor o wybodaeth:

Blwyddyn	Lefel	A gaiff fy modiwlau eu capio?
Blwyddyn Sylfaen	Lefel 3	Na chaiff
Blwyddyn 1	Lefel 4	Na chaiff
Blwyddyn 2	Lefel 5	Caiff, oni bai fod gohiriadau oherwydd amgylchiadau esgusodol a gymeradwywyd, caiff y modiwl ei gapio ar 40%.
Blwyddyn 3	Lefel 6	Caiff, oni bai fod gohiriadau oherwydd amgylchiadau esgusodol a gymeradwywyd, caiff y modiwl ei gapio ar 40%.
Blwyddyn 4	Lefel 7	Caiff, oni bai fod gohiriadau oherwydd amgylchiadau esgusodol a gymeradwywyd, caiff y modiwl ei gapio ar 40%.

Sylwer: Os ydych chi ym Mlwyddyn 3 neu 4, rydych chi dan reolaeth rheoliadau myfyrwyr terfynol a bydd eich penderfyniad diwedd lefel yn nodi a gaiff eich modiwlau a fethwyd eu capio neu beidio.Cliciwch ar y tab ‘Manylion Cwrs’ ar eich proffil mewnrwyd, a chyfeiriwch at y Penderfyniad Lefel ar y tab ‘Modiwlau 2023’.

Hoffwn i ail-wneud fy modiwlau a fethwyd, a gwella fy marciau yn rhai o’r modiwlau rydw i wedi’u pasio, ga i wneud hyn?

Cewch chi ail-wneud eich modiwlau a fethwyd yn unig, neu ail-wneud yr holl lefel astudio.Ni chewch chi ddewis pa fodiwlau rydych chi’n eu hail-wneud.

Rydw i’n cwblhau fy ‘Nghais i Ail-wneud Modiwlau a Fethwyd’ ond rydw i’n ansicr lle i ddod o hyd i’r wybodaeth y mae’r ffurflen yn gofyn amdani.

Gellir dod o hyd i’r holl wybodaeth y mae’r ffurflen yn gofyn amdani ar eich Proffil Myfyriwr ar Fewnrwyd y Brifysgol dan eich tab modiwlau 2023.

Os oes angen cymorth arnoch chi o hyd i gwblhau’r ffurflen, cysylltwch â’r Tîm Gwybodaeth i Fyfyrwyr.

Sawl gwaith ga i ‘Ail-wneud Lefel Astudio’?

Cewch chi ail-wneud yr un lefel astudio dim ond unwaith, ac yn debyg i hynny, bydd hawl gennych ail-wneud modiwl dim ond unwaith fel arfer.Ar ôl ail ymdrech, os na fyddwch yn gallu bodloni’r anghenion ar gyfer symud ymlaen i’r lefel nesaf, cewch eich tynnu’n ôl o’r Brifysgol.

Rydw i wedi ceisio’n llwyddiannus i ofyn am gael ail-wneud fy modiwlau a fethwyd, ond mae un o’m modiwlau’n ymddangos yn anghywir.

Caiff y modiwlau y byddwch yn eu sefyll y flwyddyn academaidd hon eu cadarnhau pan fyddwch yn cwblhau eich cofrestru ar-lein.

Gallai enw a/neu gôd modiwl amrywio pan:

Fydd côd y modiwl wedi newid.
Ni fydd y modiwl gwreiddiol a fethwyd yn cael ei gynnal o hyd, ac yn lle hwnnw rydych chi wedi cael eich cofrestru am y modiwl sy’n cymryd ei le.

Os ydych chi’n dal i gredu bod eich modiwlau’n ymddangos yn anghywir, cysylltwch â’r Tîm Gwybodaeth a Phrofiad Myfyrwyr sy’n gallu gwirio hyn ar eich cyfer.

Oes rhaid imi fynychu darlithoedd? Gwnes i eu mynychu eisoes llynedd.

Disgwylir ichi gymryd rhan lawn yn eich astudiaethau o hyd, ar gyfer y modiwlau rydych chi’n eu hail-wneud.

Oes rhaid imi gyflwyno aseiniadau?Gwnes i eu cyflwyno eisoes llynedd.

Disgwylir ichi gwblhau’r holl waith asesu yn y modiwlau rydych chi’n eu hail-wneud.