Cwestiynau Cyffredin am Ganlyniadau

Cyhoeddir dyddiadau'r holl asesiadau ar y dudalen Dyddiadau Semester a Thymor.

Ar gyfer y flwyddyn academaidd 2024/25:

• Cynhelir cyfnod arholiadau mis Ionawr o 6 Ionawr tan 24 Ionawr 2025.
• Bydd cyfnod arholiadau atodol (ar gyfer myfyrwyr Ôl-raddedig a Addysgir mis Ionawr) o 19 tan 28 Mawrth 2025.
• Cynhelir cyfnod arholiadau mis Mai-Mehefin o 12 Mai tan 6 Mehefin 2025.
• Cynhelir cyfnod arholiadau atodol mis Awst o 4 Awst tan 15 Awst 2025.

*Sylwer y gall dyddiadau amrywio ar gyfer myfyrwyr sy'n dilyn y rhaglenni canlynol: Arwain a Rheoli Peirianneg a Rheoli Peirianneg Gynaliadwy ar gyfer Datblygu Rhyngwladol

Caiff y canlyniadau eu rhyddhau ar y dyddiadau isod:

• Bydd canlyniadau Rhan 2 (traethawd estynedig) myfyrwyr ôl-raddedig a addysgir a ddechreuodd ym mis Medi 2023 ar gael ar 20 Tachwedd 2024
• Bydd canlyniadau ar gyfer myfyrwyr Ôl-raddedig a Addysgir mis Ionawr 2024 a safodd arholiadau atodol ym mis Mawrth 2025 yn cael eu rhyddhau ar 7 Mai 2025.
• Caiff canlyniadau myfyrwyr israddedig yn eu blwyddyn olaf a myfyrwyr ôl-raddedig a addysgir eu cyhoeddi ar 3 Gorffennaf 2025.
• Caiff canlyniadau myfyrwyr sy'n symud ymlaen (heb fod yn eu blwyddyn olaf) eu cyhoeddi ar 14 Gorffennaf 2025.
• Cyhoeddir canlyniadau Cyfnod Arholiadau Atodol mis Awst ar 11 Medi 2025.

Dyddiadau cofrestru:

• Gellir cyrchu'r amserlen gofrestru yma.

Gallwch weld eich canlyniadau drwy fewngofnodi i'ch cyfrif MyUni a mynd i fewnrwyd y Brifysgol. Yna cliciwch ar yr adran ‘Manylion y Cwrs’ ar ochr chwith y ddewislen a dewiswch ‘Modiwlau 2024’ ar gyfer blwyddyn academaidd 2024-25.

Yn achos rhaglenni a addysgir a ddechreuodd ym mis Medi 2024

Byddwch yn gweld y marciau ar gyfer pob modiwl gyda'r canlyniadau sydd ar gael drwy gydol y flwyddyn academaidd. Gallwch ehangu pob modiwl er mwyn gweld marciau'r cydrannau asesu.

Sylwer mai rhai dros dro yw'r marciau tan iddynt gael eu cadarnhau gan fyrddau Asesu Diwedd y Flwyddyn ym mis Gorffennaf 2025.

Rhaglenni ôl-raddedig a addysgir a ddechreuodd ym mis Ionawr 2024

Yn achos myfyrwyr a ddechreuodd ym mis Ionawr 2024, y canlyniadau a rhyddheir ym mis Chwefror 2025 fydd eich canlyniadau terfynol wedi'u cadarnhau ar gyfer eich rhaglen. Pan gaiff y canlyniadau eu rhyddhau, byddwch chi'n gweld:

• Eich penderfyniad diwedd lefel h.y. canlyniad terfynol eich blwyddyn academaidd.
• Dogfen canlyniadau atodedig a fydd yn agor mewn ffenestr arall.Bydd y ddogfen hon yn rhoi eglurhad manylach i chi ynghylch eich canlyniadau a'ch dewisiadau.

Gallwch lawrlwytho trawsgrifiad swyddogol wedi'i lofnodi a'i stampio o'ch holl ganlyniadau hyd yn hyn o'ch cyfrif ar fewnrwyd y Brifysgol drwy ddewis y tab 'Manylion y Cwrs' ar y ddewislen ar y chwith a chlicio ar y ddolen 'Trawsgrifiad' ar ochr dde'r dudalen.  

Mae eich tystysgrif dyfarniad a'ch trawsgrifiad hefyd ar gael drwy system Gradintel. Os nad ydych eisoes wedi gwneud hynny, gallwch actifadu eich cyfrif Gradintel drwy fewngofnodi i'ch dangosfwrdd MyUni a mynd i ardal Gradintel. Er mwyn actifadu eich cyfrif Gradintel, chwiliwch am e-bost actifadu a anfonwyd i'ch cyfrif e-bost myfyriwr. Os oes gennych broblemau, a wnewch chi e-bostio MyUniHub@abertawe.ac.uk. Ar ôl i'ch cyfrif gael ei actifadu, bydd gennych fynediad parhaol at eich tystysgrif a'r trawsgrifiad a byddwch yn gallu eu rhannu'n ddiogel â thrydydd partïon.  

Pan fyddwch yn gweld eich canlyniadau, mae'r Penderfyniad Lefel yn nodi eich canlyniad cyffredinol ar gyfer y flwyddyn. Nesaf at eich penderfyniad, gallwch hefyd weld llythyr penderfyniad (dogfen PDF) sy'n cynnwys esboniad o'ch canlyniad. Cliciwch ar y testun glas sy'n dweud 'Gellir gweld esboniad o'ch penderfyniad drwy glicio fan hyn'. Bydd hyn yn agor mewn ffenestr ar wahân, felly gwnewch yn siŵr bod ffenestri naid wedi'u galluogi.

Mae crynodeb byr o'r rheolau asesu ar gyfer pob lefel astudio ar gael ar ein tudalennau crynodebau asesu ar gyfer y Gyfadran Gwyddoniaeth a Pheirianneg.

Caiff marciau modiwlau eu cyfrifo drwy roi’r pwysoliad penodol a ddynodir i farc pob cydran. Ar gyfer myfyrwyr Peirianneg, dylai manylion y pwysoliadau hyn fod ar gael yn Llawlyfrau Rhan 2 Peirianneg eich blwyddyn a'ch rhaglen. Yn achos rhaglenni Gwyddoniaeth, gwiriwch dudalennau modiwlau ar Canvas am wybodaeth, a chysylltwch â Chydlynwyr eich Modiwlau'n uniongyrchol os oes ymholiadau penodol.

Enghraifft:

Marc Modiwl = (56 x 0.7) + (62 x 0.1) + (69 x 0.2) = 39.2 + 6.2 + 13.8 = 59.2

Mae eich cyfartaledd ar gyfer y flwyddyn yn cynnwys marciau'r holl fodiwlau sy'n dwyn credydau. Rhoddir y pwysoliad perthnasol i bob modiwl yn ôl ei werth o ran credydau h.y. bydd modiwl 20 credyd yn cyfrannu cymaint ddwywaith at eich cyfartaledd am y flwyddyn â modiwl 10 credyd.

Gweler tudalennau ein rheoliadau asesu Gwyddoniaeth a Pheirianneg i gael manylion ynghylch sut caiff eich gradd ei chyfrifo. 

Os mai 'QF' yw canlyniad eich modiwl, mae hyn yn golygu eich bod wedi methu cymhwyso i basio'r modiwl hyd yn oed os yw eich marc cyffredinol ar gyfer y modiwl yn uwch na'r trothwy i basio. Mae hyn oherwydd bod cydran yn y modiwl y mae'n ofynnol i chi ei phasio neu gael marc penodol ynddi cyn y gallwch symud ymlaen neu dderbyn eich gradd. Y rheswm dros fynnu marc pasio neu farc penodol mewn rhai cydrannau yw sicrhau y caiff deilliannau dysgu penodol eu bodloni ar gyfer y modiwl. Os oes gennych fodiwl gyda 'QF', nid oes modd ei ddigolledu a chewch eich cofrestru ar gyfer yr asesiad i wneud iawn am fethiant yn ystod Cyfnod Asesu Atodol mis Awst.

Ar gyfer rhaglenni Peirianneg, nodir rheolau modiwlau penodol yn Llawlyfr Rhan 2 eich adran neu yn Canvas.

Yn achos rhaglenni Gwyddoniaeth, ceisiwch gyngor gan gydlynwyr eich modiwlau'n uniongyrchol os oes gennych ymholiadau sy'n ymwneud â modiwlau penodol.

Gweler ein tudalen we Opsiynau Ail-wneud Lefel Astudio.

Nid yn achos pob rhaglen

Yn achos nifer bach o fodiwlau sy'n seiliedig ar waith ymarferol/labordy, gwaith grŵp neu waith dylunio, ni fydd yn bosib cynnal asesiadau atodol a bodloni deilliannau dysgu o hyd, ac yn achos y modiwlau hyn, mae naill ai meini prawf i fod yn gymwys i gael cyfle i wneud iawn am fethiant, neu ni fydd yn bosib cynnig cyfle o'r fath. Gweler y disgrifiadau o'r modiwlau yn y Llawlyfrau Peirianneg Rhan 2 ar gyfer rhaglenni Peirianneg, a gweler tudalen pob modiwl ar Canvas yn achosrhaglenni Gwyddoniaeth er mwyn gweld pa fodiwlau sydd â meini prawf ychwanegol er mwyn gwneud iawn am fethu, a pha fodiwlau nad oes modd gwneud iawn amdanynt. Os ydych chi'n ansicr, gofynnwch i gydlynydd eich modiwl.

Dylid ystyried hyn pan fyddwch yn darllen y meini prawf ar gyfer ailsefyll asesiadau, fel a amlinellir isod.

Myfyrwyr Peirianneg Israddedig yn eu Blwyddyn Olaf (ac eithrio Peirianneg Meddalwedd)

• Mae'r holl fodiwlau Peirianneg yn ‘Graidd’ ac mae rhaid eu pasio er mwyn ennill gradd BEng/MEng achrededig yn unol â'r Rheoliadau Asesu Peirianneg. 
• Efallai bydd myfyrwyr Baglor/Meistr Peirianneg yn eu blwyddyn olaf nad ydynt wedi bodloni'r isafswm gofynion i raddio â gradd achrededig, yn cael cyfle i ailsefyll modiwlau a fethwyd hyd at uchafswm o 40 credyd, lle bydd asesiadau atodol yn bosibl.Cyfnod Atodol mis Awst fydd yr adeg ar gyfer ailsefyll pob asesiad.
• Rhaid i bob myfyriwr gael cyfartaledd lefel cyffredinol gwerth o leiaf 35%, yn unol â'r rheoliadau asesu safonol perthnasol.
• Caiff marciau'r holl asesiadau atodol eu capio oni bai fod Amgylchiadau Esgusodol priodol yn berthnasol.
• Yn achosgyfer myfyrwyr sydd wedi'u cofrestru ar y cwrs BSc mewn Peirianneg Meddalwedd, rhaglen Gwyddoniaeth yw hon, gweler yr arweiniad ar gyfer myfyrwyr Gwyddoniaeth isod.

Myfyrwyr Gwyddoniaeth Israddedig yn eu Blwyddyn Olaf

• Gall yr holl raglenni Gwyddoniaeth oddef uchafswm o 40 o gredydau o fodiwlau a fethir hyd at farc sy'n werth 0.
• Ni chaniateir i fyfyrwyr ailsefyll asesiadau yn ystod y flwyddyn astudio olaf, oni bai y cytunir i hyn o flaen llaw yn sgîl cais am Ohirio Asesiad oherwydd amgylchiadau esgusodol.

Myfyrwyr Israddedig nad ydynt yn eu Blwyddyn Olaf (yr holl raglenni a addysgir)

• Yn ôl disgresiwn Bwrdd Asesu'r Flwyddyn Olaf, gall myfyrwyr ailsefyll asesiadau sy'n werth hyd at 60 o gredydau mewn modiwlau a fethwyd, pan fydd asesiad ar gael.
• Bydd methu mwy na 60 credyd yn golygu na chaniateir cyfle arall i ailsefyll a gellir cynnig cyfle i fyfyriwr Ail-wneud Lefel ar yr amod ei fod wedi pasio o leiaf 20 credyd ac nad yw eisoes wedi ail-wneud y lefel astudio. 
• Bydd rhaid i unrhyw fyfyriwr nad yw'n cyflawni o leiaf 20 o gredydau o fodiwlau a basiwyd dynnu'n ôl o'r Brifysgol.
• Ar gyfer myfyrwyr Blwyddyn 3 ar raglenni MEng sy'n para 4 blynedd, mae'r canlynol yn berthnasol i ailsefyll:
• Mae gan fyfyrwyr hawl i ailsefyll 20 o gredydau o asesiadau a rhaid iddynt ennill marc cyffredinol o 55% ar gyfartaledd unwaith eu bod wedi ailsefyll yr asesiadau hynny. Felly mae'n rhaid i fyfyrwyr ar MEng blwyddyn 3 basio 100 credyd er mwyn cael ailsefyll asesiadau.  Os na fyddant yn pasio 100 credyd, byddant yn cael eu trosglwyddo i'r rhaglen BEng a byddant yn dilyn y rheolau i fyfyrwyr blwyddyn olaf ar gyfer ailsefyll a dyfarnu graddau.

Myfyrwyr Ôl-raddedig

• Myfyrwyr Ôl-raddedig a ddechreuodd ym mis Ionawr 2024: Bydd myfyrwyr yn gymwys i ailsefyll unrhyw fodiwlau a fethwyd o'r semester diwethaf (modiwlau o fis Medi 2024 i fis Ionawr 2025) yng nghyfnod atodol mis Mawrth, yn ogystal ag arholiadau a ohiriwyd.
• Myfyrwyr Ôl-raddedig a ddechreuodd ym mis Medi 2024: Yn achos modiwlau lle gellir gwneud yn iawn am fethiant, mae myfyrwyr ôl-raddedig yn gymwys i ailsefyll unrhyw fodiwl maent wedi ei fethu yn ystod cyfnod atodol mis Awst.

Nid yw Prifysgol Abertawe'n caniatáu i fyfyrwyr ddewis ailsefyll arholiadau. Ar ôl eich canlyniadau Diwedd y Flwyddyn ym mis Gorffennaf (mis Medi ar gyfer myfyrwyr Blwyddyn 1 a ddechreuodd ym mis Ionawr), ni chaniateir i chi ailsefyll asesiad mewn modiwl rydych chi eisoes wedi'i basio.

Os byddwch yn ail-wneud modiwl a fethwyd ac yn cael marc is, bydd y Brifysgol yn defnyddio ‘Egwyddor y Marc Gorau’ a chaiff marc eich asesiad gwreiddiol ei gynnwys ar eich trawsgrifiad ac wrth gyfrifo eich lefel/dyfarniad.

Os wyt ti o’r farn nad yw marc yn gywir yn cei di gyflwyno cais am wirio Cywirdeb Marciau a Gyhoeddwyd o fewn 10 niwrnod gwaith i gyhoeddi’r canlyniadau. Cyn cyflwyno cais, darllena’r wybodaeth isod. Mae'r weithdrefn gwirio cywirdeb y marciau a gyhoeddwyd ar gael i bob myfyriwr sy'n credu nad yw un neu fwy o farciau ei fodiwlau’n gywir o bosib.

• Bydd y broses yn sicrhau bod y marciau sydd wedi'u cofnodi ar gyfer cydrannau asesu a'r modiwl ar y cyfan yn rhydd o wallau gweinyddol a/neu rifyddol, e.e. bod y marciau wedi cael eu trosglwyddo i'r System Arholiadau yn gywir, bod y marciau wedi'u cyfrif yn gywir ar sgript arholiad, etc.
• Nid yw’r weithdrefn yn darparu ar gyfer ail-farcio asesiadau, ac ni fydd ychwaith yn rhoi mwy o wybodaeth ynglŷn â’r rhesymau dros ddyfarnu marciau penodol.
• Sylwer y gall marciau modiwlau fynd yn llai yn ogystal â mynd yn fwy yn dilyn cais i wirio cywirdeb y marciau a gyhoeddwyd.
• Rhaid i fyfyrwyr gwblhau ffurflen Cais i Gadarnhau Cywirdeb y Marciau a Gyhoeddwyd ar-lein, o fewn 10 niwrnod gwaith fan bellaf ar ôl dyddiad rhyddhau eich canlyniadau (bydd y ffurflen hon ar agor ar gyfer cyflwyniadau o'r diwrnod y caiff canlyniadau eu rhyddhau).
• Targed y Gyfadran yw 5 niwrnod gwaith i ddarparu ymateb. Fodd bynnag, sylwer ein bod yn ymdrin â nifer uchel o geisiadau ac efallai na fydd modd i ni fodloni'r targed hwn ym mhob achos.

Os oes gennych gwestiynau am y broses, cysylltwch â thîm Arholiadau'r Gyfadran drwy e-bostio assessment-scienceengineering@abertawe.ac.uk neu darllenwch ddogfen a chanllawiau Cywirdeb y Marciau a Gyhoeddwyd y Brifysgol.

Os hoffech apelio yn erbyn penderfyniad a gymerwyd gan Fwrdd Arholi'r Brifysgol, gallwch gyflwyno Ffurflen Apêl Academaidd i Y Tîm Achosion Myfyrwyr ar ôl i'ch canlyniad diwedd y flwyddyn gael ei gyhoeddi. Darllenwch dudalen cyngor ar Apeliadau Academaidd y Brifysgol a chysylltwch â Chanolfan Gyngor Undeb y Myfyrwyr am gymorth gyda'ch cais.

Sylwer nad oes modd i ni fel Cyfadran gynghori myfyrwyr yn uniongyrchol ar y broses hon.