Peirianneg

Er mwyn pasio'r lefel hon, rhaid i chi gyflawni’r canlynol:

• Pasio'r holl fodiwlau CRAIDD (a restrir yn eich Llawlyfr Cwrs). 
• Ennill 100 o gredydau ar lefel pasio (40%) neu'n uwch. 
• Ennill isafswm o 30% mewn unrhyw fodiwl a fethwyd nad yw'n fodiwl craidd.
• Ennill cyfartaledd cyffredinol o 35% neu fwy am y lefel. 

• Sylwer y gellir dyfarnu 60 o gredydau i chi drwy ailsefyll modiwlau a fethwyd, lle mae modd ailsefyll modiwlau. Os ydych wedi methu mwy na 60 o gredydau, mae'n bosibl y cynigir cyfle i chi Ail-wneud y Lefel Astudio.
• Gellir digolledu rhwng 10 ac 20 o gredydau os ydych yn ennill marc rhwng 30 a 39% mewn modiwl nad yw'n fodiwl craidd, ar yr amod bod yr holl feini prawf dilyniant eraill wedi'u bodloni.
• Pe baech yn methu un modiwl CRAIDD (gan ennill marc o 30 +), byddai'n rhaid i chi ailsefyll y modiwl CRAIDD yn unig, nid y ddau fodiwl.
• Ar gyfer ymholiadau ynghylch Methiannau Cymwys (QF), gweler ein Cwestiynau Cyffredin am Ganlyniadau. 

Er mwyn pasio'r lefel hon, rhaid i chi gyflawni’r canlynol:

• Ennill 120 o gredydau drwy basio modiwlau.
• Ym mlynyddoedd 1, 2, 3 a 4, mae'r holl fodiwlau'n rhai CRAIDD ar gyfer pob rhaglen Peirianneg achrededig. Felly, mae'n rhaid i chi basio'r holl fodiwlau.
• Ennill cyfartaledd cyffredinol o 35% neu fwy am y lefel. 

Ar gyfer myfyrwyr nad ydynt yn eu blwyddyn olaf:

• Sylwer y gellir dyfarnu 60 o gredydau i chi drwy ailsefyll modiwlau a fethwyd, lle mae modd ailsefyll modiwlau. Os ydych wedi methu mwy na 60 o gredydau, mae'n bosibl y cynigir cyfle i chi Ail-wneud y Lefel Astudio.
• Ar gyfer myfyrwyr Blwyddyn 1 a 2, bydd uchafswm marc (40%) ar gyfer pob asesiad atodol, oni bai bod Amgylchiadau Esgusodol priodol yn berthnasol. 

Ar gyfer myfyrwyr Blwyddyn 3 ar gwrs MEng pedair blynedd:

• Os ydych wedi pasio 100 o gredydau, caniateir i chi ailsefyll 20 o gredydau a pharhau ar y cwrs MEng.
• Os nad ydych wedi pasio 100 o gredydau, cewch eich trosglwyddo i'r rhaglen BEng a dylech ddilyn y rheolau ar gyfer myfyrwyr blwyddyn olaf isod.

Er mwyn pasio’r lefel astudio, rhaid i chi gyflawni’r canlynol:

• Ennill 120 o gredydau am basio modiwlau.
• Ym mlynyddoedd 1, 2, 3 a 4, mae'r holl fodiwlau'n rhai CRAIDD ar gyfer pob rhaglen Peirianneg achrededig. Felly, mae'n rhaid i chi basio'r holl fodiwlau.
• Ennill cyfartaledd cyffredinol o 35% neu fwy am y lefel. 

Ar gyfer myfyrwyr BEng ac MEng yn eu Blwyddyn Olaf:

• Os nad ydych yn bodloni'r isafswm gofynion i raddio gyda gradd achrededig, efallai y cynigir y cyfle i chi ennill uchafswm o 40 o gredydau drwy ailsefyll modiwlau a fethwyd, lle mae modd ailsefyll modiwlau.
• Cynhelir yr holl asesiadau sy'n cael eu hailsefyll yng nghyfnod Arholiadau Atodol mis Awst. 
• Bydd uchafswm marc ar gyfer pob asesiad atodol, oni bai bod Amgylchiadau Esgusodol priodol yn berthnasol.

Sylwer os ydych yn astudio BSc Peirianneg Meddalwedd, rydych yn ddarostyngedig i'r Rheoliadau Asesu Gwyddoniaeth. 

Rhaid i chi gyflawni'r isod er mwyn ennill eich gradd MEng achrededig.

• Mae'r holl fodiwlau'n rhai CRAIDD ac mae'n rhaid eu pasio. 
• Ennill 100 o gredydau ar lefel pasio (50%) neu'n uwch. 
• Ennill isafswm o 40% mewn unrhyw fodiwl a fethwyd nad yw'n fodiwl craidd.
• Ennill cyfartaledd cyffredinol o 35% neu fwy am y lefel. 

• Ar gyfer rhaglenni Peirianneg achrededig, mae'r holl fodiwlau'n rhai CRAIDD. Felly, er bod y meini prawf lleiaf ar gyfer pasio'r flwyddyn yn mynnu bod yn rhaid pasio 100 o gredydau, rhaid i fyfyrwyr sy'n astudio gradd achrededig basio holl gredydau (120) y modiwlau y maent wedi'u cofrestru arnynt.
• Nid yw'r rhaglen MSc Realiti Rhithwir wedi'i hachredu ac felly nid yw hyn yn berthnasol iddi.
• Efallai y bydd myfyrwyr yn eu blwyddyn olaf nad ydynt wedi bodloni'r gofynion i raddio gyda gradd achrededig yn cael y cyfle i ailsefyll modiwlau a fethwyd hyd at uchafswm o 40 o gredydau, lle mae modd ailsefyll modiwlau. 
• Cynhelir yr holl asesiadau sy'n cael eu hailsefyll yng nghyfnod Arholiadau Atodol mis Awst. 
• Bydd uchafswm marc ar gyfer pob asesiad atodol, oni bai bod Amgylchiadau Esgusodol priodol yn berthnasol. 

Rhennir y rhaglenni hyn yn ddwy ran:

• Ar gyfer Rhan Un, mae angen i chi basio 120 o gredydau o fodiwlau (gyda marc o 50% neu fwy). Cewch un cyfle i wneud iawn am fodiwlau a fethwyd yn ystod cyfnod Arholiadau Atodol mis Awst 2024.
• Pan fyddwch wedi pasio Rhan Un, gallwch symud ymlaen i Ran Dau, sy'n cynnwys prosiect/traethawd hir gwerth 60 o gredydau.

Caiff myfyrwyr sydd wedi’u cofrestru ar raglenni MSc a Addysgir a ddechreuodd ym mis Medi eu hasesu'n unol â'r rheoliadau anhyblyg. 

Bydd uchafswm marc o 50% ar gyfer pob ymgais atodol, oni bai bod Amgylchiadau Esgusodol wedi'u cymeradwyo.   

Caiff y rhaglenni hyn eu cwblhau dros ddwy flynedd. 

Yn ystod Blwyddyn 1, caiff modiwlau a addysgir gwerth 120 o gredydau eu cwblhau o fis Medi tan fis Mehefin. 

Yn ystod Blwyddyn 2, bydd angen i chi gwblhau Rhan A (prosiect/traethawd hir gwerth 60 o gredydau) a Rhan 2 (modiwl Profiad Diwydiannol a gwblheir yn ystod y flwyddyn). 

Mae angen i chi ennill 120 o gredydau drwy basio modiwlau (gyda marc o 50% neu fwy) yn ystod Blwyddyn 1 er mwyn symud ymlaen i Flwyddyn 2. 

Cewch gyfle i wneud iawn am fodiwlau a fethwyd yn ystod cyfnod Arholiadau Atodol mis Awst ym Mlwyddyn 1. 

Bydd uchafswm marc o 50% ar gyfer pob ymgais atodol, oni bai bod Amgylchiadau Esgusodol wedi'u cymeradwyo. 

Os byddwch yn methu pasio Blwyddyn 1, yn dilyn cyfnod Arholiadau Atodol mis Awst, yna cewch eich trosglwyddo i garfan y rhaglen MSc berthnasol nad yw’n cynnwys lleoliad gwaith.  

Darllenwch eich Llawlyfr Cwrs am ragor o wybodaeth.

Bydd angen i chi gwblhau a phasio (gyda marc o 50% neu fwy):

• 60 o gredydau mewn modiwlau a addysgir yn Semester y Gwanwyn (Ionawr - Mehefin 2024). 
• Eich Traethawd Hir sy'n werth 60 o gredydau yn ystod Semester yr Haf (Mehefin – Medi 2024). 
• 60 o gredydau ychwanegol o fodiwlau a addysgir yn ystod Semester yr Hydref (Medi 2024 - Ionawr 2025). 

Cewch gyfle wneud iawn am fodiwlau a fethwyd yn ystod Cyfnod Arholiadau Atodol mis Awst 2024 (ar gyfer modiwlau Ionawr - Mehefin) a Chyfnod Arholiadau Atodol mis Mawrth 2025 (ar gyfer modiwlau Medi - Ionawr). 

Caiff myfyrwyr sydd wedi’u cofrestru ar raglenni MSc a Addysgir a ddechreuodd ym mis Ionawr eu hasesu'n unol â'r rheoliadau hyblyg. Golyga hyn y gallwch weithio ar eich traethawd hir ochr yn ochr â'ch modiwlau a addysgir. 

Bydd uchafswm marc o 50% ar gyfer pob ymgais atodol, oni bai bod Amgylchiadau Esgusodol wedi'u cymeradwyo. 

• Ar gyfer rhai modiwlau, rhaid i chi basio'r arholiad gyda marc o 40%+ er mwyn i'r elfen gwaith cwrs gyfrif. Byddai'r gofyniad hwn yn cael ei nodi yn eich Llawlyfr Cwrs pe bai'n berthnasol i'ch modiwlau.
• Ar gyfer y modiwlau hyn, pe na baech yn ennill 40%+ yn yr arholiad, byddai EX yn cael ei nodi wrth ochr y gydran gwaith cwrs, a marc terfynol y modiwl fydd marc yr arholiad yn unig.

• Mae gan rai modiwlau farciau pasio sy'n benodol i gydrannau. Er enghraifft, mewn rhai modiwlau, rhaid i chi basio pob cydran gyda marc o 40%, yn ogystal â phasio'r modiwl gyda 40% yn gyffredinol.
• Pe na baech yn bodloni meini prawf y gydran benodol ar gyfer modiwl, byddech yn derbyn QF yn erbyn eich marc. Golyga hyn, hyd yn oed os ydych wedi ennill 40% neu'n uwch, os oes gennych QF bydd yn rhaid i chi ailsefyll y gydran/cydrannau lle nad ydych wedi bodloni'r meini prawf gofynnol.
• Yn yr achosion hyn, byddai uchafswm y marc yn cael ei bennu ar lefel y gydran, nid lefel y modiwl.

• Cyfartaledd Blwyddyn 2 = 62.14%
• Cyfartaledd Blwyddyn 3 = 59.16%
• Cyfartaledd Gradd wedi'i Bwysoli = (62.14 x 1/3) + (59.16 x 2/3) = (20.67 + 39.33) = 60.15%

• Cyfartaledd Blwyddyn 2 = 62.36%
• Cyfartaledd Blwyddyn 3 = 59.43%
• Cyfartaledd Blwyddyn 4 = 63.10%
• Cyfartaledd Gradd wedi'i Bwysoli = (62.36 x 1/5) + (59.43 x 2/5) + (63.10 x 2/5) = 12.47 + 23.77 + 25.24 = 61.48%

Yn achos gradd BEng, byddai hyn yn golygu ennill 120 o gredydau mewn dosbarthiad gradd uwch ar draws Blynyddoedd 2 a 3.

Mae'r enghraifft hon yn berthnasol i'r radd BEng:

• Blwyddyn 2 - 40 o gredydau rhwng 50% a 59% (2:2) ac 80 o gredydau rhwng 60% a 69% (2:1).
• Blwyddyn 3 - 80 o gredydau rhwng 50% a 59% (2:2), 30 o gredydau rhwng 60% a 69% (2:1) a 10 o gredydau ar 70+% (1^af). 
• Cyfartaledd Gradd wedi'i Bwysoli - 58.37% (2:2)
• Canlyniad Terfynol wedi'i uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle,
  2) Bodlonir yr egwyddor Mwyafrif, h.y. roedd 80 o gredydau ym Mlwyddyn 2 a 40 o gredydau ym Mlwyddyn 3 yn uwch na dosbarthiad 2:2. Mae hynny'n rhoi 120 o gredydau mewn dosbarthiad gradd uwch na'r cyfartaledd gradd wedi'i bwysoli.

• Cyfartaledd Gradd wedi'i Bwysoli - 58.37% (2:2). 
• Cyfartaledd y Flwyddyn Olaf - 61.2% (2:1).
• Canlyniad Terfynol - wedi'i uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle,
  2) Bodlonir yr egwyddor Cyfradd Welliant wrth Ymadael, h.y. mae cyfartaledd y flwyddyn olaf mewn dosbarthiad gradd uwch na'r cyfartaledd gradd wedi'i bwysoli).

I fod yn gymwys i drosglwyddo, bydd angen i chi ennill cyfartaledd o 55% ym Mlwyddyn 2. 

Dylech gyflwyno cais i drosglwyddo cyn mis Ebrill fel y gellir gwneud yr ymholiadau angenrheidiol ynghylch ceisiadau am Gadarnhad Derbyn i Astudio a fisa.

Gweler arweiniad Trosglwyddo Graddau Meistr Integredig Tîm MyfyrwyrRhyngwladol@BywydCampws am ragor o wybodaeth.

Os gwnaethoch ennill cyfartaledd o 55% ym Mlwyddyn 2, gallwch gyflwyno cais i drosglwyddo i'r radd MEng. 

Os na wnaethoch ennill cyfartaledd o 55% ym Mlwyddyn 2, gallwch ofyn i gael trosglwyddo i'r radd MEng ar ôl i'ch canlyniadau yn Semester 1 Blwyddyn 3 gael eu rhyddhau. Ystyrir canlyniadau fesul achos ac mae'n rhaid cael cymeradwyaeth academaidd. 

Ni all myfyrwyr â fisa Llwybr Myfyrwyr sydd eisoes ym Mlwyddyn 3 drosglwyddo i'r MEng ar yr adeg honno. 

Fodd bynnag, bydd yr opsiwn i gyflwyno cais i drosglwyddo i gwrs MSc ar gael i chi o hyd.