Bydwreigiaeth

Mae’r tîm Bydwreigiaeth yn estyn croeso cynnes iawn i’n myfyrwyr bydwreigiaeth newydd sy’n dechrau ar y cwrs tair blynedd ym mis Medi. Rydym oll yn edrych ymlaen yn fawr at gwrdd â chi. Gwyliwch ein fideo am ychydig mwy o wybodaeth am y dyddiad dechrau a mynychu'r brifysgol. 

Gweld chi cyn bo hir. 

Leanne Daniel a'r Tîm Bydwreigiaeth 

Athro Cysylltiol: Susie Moore
Bydwragedd Arweiniol ar gyfer Addysg/Uwch-ddarlithydd: Nicky Court
Pennaeth Addysg Bydwreigiaeth/Uwch-ddarlithydd Eleanor Healor
Cyfarwyddwr y Rhaglen Bydwreigiaeth: Leanne Daniel
Arweinydd y Modiwl SHM136/ Darlithydd Bydwreigiaeth: Leanne Daniel
Arweinydd y Modiwl SHM137/Darlithydd Bydwreigiaeth: Sharon Jones
Arweinydd y Modiwl SHM138/Darlithydd Bydwreigiaeth: Anneka Bell
Cydlynydd lleoliadau gwaith: Sophie Cunningham
Tiwtor derbyn myfyrwyr/darlithydd/Uwch-ddarlithydd Bydwreigiaeth: Lucy Evans
Uwch-ddarlithydd Bydwreigiaeth: Leigh Ham
Uwch-ddarlithydd Bydwreigiaeth: Sophie Cunningham
Darlithydd Bydwreigiaeth: Dr Holly Morse
Darlithydd Bydwreigiaeth: Louise Dicataldo

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dod â bydwragedd dan hyfforddiant Prifysgol Abertawe ynghyd ar gyfer cymorth a dysgu pellach trwy rwydweithio, diwrnodau astudio a digwyddiadau.

Mae ein cymdeithas Bydwreigiaeth Myfyrwyr yn dwyn ynghyd yr holl garfanau o astudiaethau bydwreigiaeth ym Mhrifysgol Abertawe. Y bwriad yw creu perthnasoedd rhwng yr holl fyfyrwyr ac aelodau cyswllt i godi arian ar gyfer elusennau lleol sy'n ymwneud â bydwreigiaeth, cynrychioli Prifysgol Abertawe mewn gwahanol fforymau ar draws y DU a chynnal diwrnodau astudio a digwyddiadau sydd o fudd i'r rhai sy'n astudio ac yn ymarfer Bydwreigiaeth yn Abertawe a'r ardaloedd cyfagos.

Mae'r gymdeithas yn rhedeg ochr yn ochr â'r rhaglen Bydwreigiaeth i wella ein dysgu a'n profiad addysgol. Ein nod yw cael cymdeithas sy'n hawdd cael mynediad iddi, wedi'i rhedeg gan fyfyrwyr ar gyfer myfyrwyr sy'n cefnogi creu portffolios o ansawdd a chyfleoedd ar gyfer datblygiad proffesiynol. Os hoffech ymuno a’r gymdeithas yna anfonwch e-bost a byddwn mewn cysylltiad.