Disgrifiad Swydd Myfyriwr Llysgennad

Rheolir y Cynllun Myfyrwyr Llysgennad gan Reolwr y Cynllun Myfyrwyr Llysgennad, ar ran Mhrifysgol Abertawe.

Mae Myfyrwyr Llysgennad yn chwarae rôl enfawr yn ein digwyddiadau; maent yn gyfrifol am sicrhau bod ymwelwyr â'r Brifysgol yn derbyn profiad hwylus o safon, cynrychioli'r Brifysgol mewn amrywiaeth o rolau a dangos darpar fyfyrwyr a rhieni o gwmpas y Brifysgol ar deithiau o amgylch y campws a drefnir. Fel Cynllun, rydym yn gyfrifol am gyflenwi staff ar gyfer Diwrnodau Agored Israddedig ac Ôl-raddedig.

Os oes gennych ddiddordeb, bydd hefyd gennych y cyfle i fod yn rhan o'r canlynol:

• Myfyrwyr sy’n Flogio
• Ymgyrchoedd dros y ffôn
• Cynllun Yn Ôl i'r Ysgol
• Rhoi sgyrsiau a chyflwyniadau am addysg uwch mewn ysgolion/colegau
• Gweithdai
• Ymweliadau adrannol
• Llinellau cymorth a Derbyn ar gyfer Clirio ac Addasu
• Rhoi cymorth gyda Thasgau Gweinyddu
• Ateb ymholiadau gan fyfyrwyr y dyfodol

Beth yw'r manteision?

• Cynllun Myfyrwyr Llysgennad â thâl gyda hyfforddiant llawn wrth ennill profiad gwerthfawr i gyfoethogi'ch CV.
• Cwrdd â phobl newydd i gynrychioli Prifysgol Abertawe mewn digwyddiadau ar draws y Campws.
• Mynychu digwyddiadau cymdeithasol rheolaidd drwy gydol y Flwyddyn Academaidd.
• Cyfle i gyflwyno cais am ddyrchafiad i Uwch-fyfyriwr Llysgennad ar ôl blwyddyn o fod yn Fyfyriwr Llysgennad.
• Gweithio tuag at Wobr Myfyriwr Llysgennad Recriwtio ac Achrediad Wythnos o Waith (WoWee) gydag Academi Cyflogadwyedd Abertawe a gaiff ei gydnabod ar eich Tystysgrif HEAR pan fyddwch yn graddio.

Mae dyletswyddau myfyrwyr llysgennad yn cynnwys:

1. Cynorthwyo'r Brifysgol yn y gwaith o ddarparu cyfleoedd ymgysylltu â'r campws cyfan, gan gynnwys diwrnodau agored i fyfyrwyr israddedig ac ôl-raddedig a Gŵyl Wyddoniaeth Abertawe.
2. Cynrychioli'r Brifysgol ar Ddiwrnodau Agored ac mewn amrywiaeth o ddigwyddiadau rhithwir a chorfforol sy'n cael eu hystyried yn briodol gan Reolwr y Cynllun Myfyrwyr Llysgennad ac Pryfysgol Abertawe drwy gydol y flwyddyn.
3. Cynnal teithiau tywys o'r campws, y llety a'r cyfleusterau chwaraeon yn nigwyddiadau'r Brifysgol gyfan.
4. Cwrdd ag ymwelwyr â'r Brifysgol a’u croesawu gan sicrhau bod ymwelwyr â'r Brifysgol yn cael ymweliad pleserus o safon.
5. Rhoi gwybodaeth ac ateb ymholiadau am fywyd myfyrwyr ym Mhrifysgol Abertawe i ddarpar fyfyrwyr a'u rhieni.
6. Cyfle i gynorthwyo colegau ac adrannau ar draws y Brifysgol.
7. Rhoi adborth ysgrifenedig ac ar lafar fel rhan o broses gwerthuso'r Cynllun Myfyrwyr Llysgennad.
8. Tasgau neu rolau eraill sy'n cael eu hystyried yn angenrheidiol gan Reolwr y Cynllun Myfyrwyr Llysgennad ac Pryfysgol Abertawe.

• Cyfrannu'n llawn at bolisïau Galluogi Perfformiad ac Iaith Gymraeg y Brifysgol.
• Hyrwyddo cydraddoldeb ac amrywiaeth mewn arferion gwaith a chynnal perthnasoedd gweithio cadarnhaol.
• Arwain ar welliant parhaus perfformiad iechyd a diogelwch drwy ddealltwriaeth gadarn o broffil risg a datblygu diwylliant iechyd a diogelwch cadarnhaol.
• Unrhyw ddyletswyddau eraill y gellir eu disgwyl o fewn diffiniad y radd yn unol â chyfarwyddyd Pennaeth y Coleg/Adran neu gynrychiolydd a enwebwyd.
• Sicrhau bod rheoli risg yn rhan annatod o'ch gweithgareddau beunyddiol i sicrhau bod arferion gwaith yn cydymffurfio â Pholisi Rheoli Risg y Brifysgol. Graddfeydd 1 i 6

Mae'r holl feysydd Gwasanaethau Proffesiynol ym Mhrifysgol Abertawe yn gweithredu yn ôl cyfres ddiffiniedig o Werthoedd Craidd - Gwerthoedd Gwasanaethau Proffesiynol - a disgwylir i bob aelod o staff ddangos ymrwymiad i'r gwerthoedd hyn o'r adeg cyflwyno cais am swydd i gyflawni eu rolau o ddydd i ddydd. Mae ymrwymiad i'n gwerthoedd ym Mhrifysgol Abertawe yn ein cefnogi wrth hyrwyddo cydraddoldeb ac wrth werthfawrogi amrywiaeth er mwyn defnyddio'r holl ddoniau sydd gennym.

Rydym yn Broffesiynol
Rydym yn ymfalchïo mewn defnyddio ein gwybodaeth, ein sgiliau, ein creadigrwydd, ein gonestrwydd a'n doethineb i ddarparu gwasanaethau arloesol, effeithiol ac effeithlon ynghyd ag atebion o safon ardderchog.

Rydym yn Cydweithio
Rydym yn ymfalchïo mewn amgylchedd gweithio rhagweithiol a chydweithredol o
gydraddoldeb, ymddiriedaeth, parch, cydweithio a her, i ddarparu gwasanaethau sy'n ceisio rhagori ar anghenion a disgwyliadau cwsmeriaid.

Rydym yn Ofalgar
Rydym yn derbyn cyfrifoldeb am wrando ar ein myfyrwyr, ein cydweithwyr, ein partneriaid allanol a'r cyhoedd, eu deall ac ymateb yn hyblyg iddynt, fel bod pob cysylltiad rhyngddynt a ni yn brofiad personol a chadarnhaol.

Mae ymrwymiad i'n gwerthoedd ym Mhrifysgol Abertawe yn ein cefnogi wrth hyrwyddo cydraddoldeb ac wrth werthfawrogi amrywiaeth er mwyn defnyddio'r holl ddoniau sydd gennym.

Gwerthoedd:

1. Tystiolaeth o ymfalchïo wrth gyflwyno gwasanaethau ac atebion proffesiynol.
2. Gallu gweithio mewn amgylchedd o gydraddoldeb, ymddiriedaeth a pharch i gyflwyno gwasanaethau sy'n ceisio rhagori ar anghenion a disgwyliadau'r cwsmeriaid.
3. Tystiolaeth ddangosadwy o ymagwedd ofalgar at ein holl gwsmeriaid, gan sicrhau profiad personol a chadarnhaol.

Profiad

1. Rhaid eich bod chi'n fyfyriwr cofrestredig presennol ym Mhrifysgol Abertawe

Gwybodaeth a Sgiliau:

1. Sgiliau cyfathrebu a threfnu rhagorol.
2. Gallu profedig i weithio'n annibynnol ac fel rhan o dîm.
3. Brwdfrydedd, dibynadwyedd a phrydlondeb.
4. Gallu ymgysylltu ag amrywiaeth eang o fyfyrwyr ac ennyn eu diddordeb.
5. Hunangymhelliad a'r gallu i ddatrys problemau a gweithio'n greadigol.
6. Brwdfrydedd ynghylch eich profiad o Addysg Uwch a pharodrwydd i rannu hyn gydag eraill.
7. Profiad presennol o fywyd fel myfyriwr ym Mhrifysgol Abertawe.
8. Bod yn feddwl agored, yn hyblyg ac yn hawdd mynd atoch, gyda pharodrwydd i ddysgu.

Meini Prawf Dymunol:

1. Profiad o fod yn Llysgennad Myfyrwyr.
2. Profiad o gyflwyno i neu arwain grwpiau trafod.
3. Ymwybyddiaeth o'r gwahanol lwybrau i Addysg Uwch a dealltwriaeth o System Addysg Prydain.
4. Profiad o weithio gyda phobl ifanc.
5. Byddwch yn ymroddedig i ddelfrydau mynediad teg i Addysg Uwch ac mae ganddynt ddealltwriaeth o rwystrau sy'n wynebu myfyrwyr.
6. Profiad blaenorol o weithio gydag amrywiaeth o bobl a pharodrwydd i ymwneud ag unigolion.
7. Y gallu i gyfathrebu drwy'r Gymraeg.
8. Y gallu i siarad Ieithoedd eraill.
9. Profiad o greu a golygu cynnwys vlog ar gyfer YouTube.
10. Y gallu i greu cynnwys deniadol ar gyfer TikTok, Instagram Stories a Reels.
11. Diddordeb mawr mewn Ffotograffiaeth.
12. Diddordeb mawr mewn ysgrifennu ar gyfer Blogiau.