Cwestiynau Cyffredin ynghylch yr Addasiadau i Ffïoedd Dysgu

Yn ddiweddar, mae Llywodraeth Cymru wedi cynyddu'r uchafswm ffïoedd dysgu yng Nghymru o £9,000 i £9,250, gan sicrhau bod y ffïoedd yn gyson â'r ffïoedd yn Lloegr, Gogledd Iwerddon a'r Alban. Gan ddechrau ym mis Medi 2024, caiff eich ffïoedd dysgu eu haddasu i £9,250, yn unol â chenhedloedd eraill y DU a'r rhan fwyaf o brifysgolion yng Nghymru. Daw'r penderfyniad hwn mewn ymateb i bwysau chwyddiant parhaus sydd wedi effeithio ar brifysgolion ledled y DU.

Mae ein hymrwymiad i gynnig amgylchedd dysgu ac addysgu eithriadol yn parhau i fod yn ddiwyro. Felly, rydym wedi gwneud y penderfyniad hwn i sicrhau ein bod yn gallu parhau i ddarparu ac ariannu'r addysg a'r profiad o safon uchel i fyfyrwyr rydym yn ymfalchïo ynddynt. 

Mae ffïoedd dysgu'n gwneud cyfraniad hollbwysig at gynnal amgylchedd academaidd a dysgu ac addysgu ardderchog, darparu cyfleusterau megis ein llyfrgelloedd a'n labordai arbenigol, a'n cyfarpar a'n meddalwedd o'r radd flaenaf. Maen nhw'n allweddol wrth ariannu gwelliannau i'n campysau ac maen nhw hefyd yn sicrhau y gallwn ni ddarparu gwasanaethau cymorth amhrisiadwy i fyfyrwyr.

Gweler ein dadansoddiad manwl isod o ba fyfyrwyr y bydd yr addasiad i ffïoedd dysgu'n effeithio arnynt.

Mae'r amodau a thelerau canlynol yn rhan o'r contract rhyngoch chi a'r Brifysgol:

Adran 5. Ffïoedd a Thaliadau

5.1. Bydd y ffïoedd a nodir yn eich cynnig yn berthnasol ar gyfer blwyddyn gyntaf eich rhaglen yn unig.

5.2. Gellir hefyd gynyddu ffïoedd myfyrwyr israddedig amser llawn o'r DU mewn blynyddoedd astudio wedi hynny os bydd Llywodraeth Cymru’n pennu cynnydd ar sail chwyddiant. Byddwn yn rhoi gwybod i chi'n flynyddol am unrhyw gynnydd o'r fath a chyn gynted â phosib yn dilyn cadarnhad gan Lywodraeth Cymru.

Yn ddiweddar, mae Llywodraeth Cymru wedi cynyddu'r uchafswm ffïoedd dysgu yng Nghymru o £9,000 i £9,250, sydd bellach yn gyson â'r ffïoedd yng nghenhedloedd eraill y DU.

Gan ddechrau ym mis Medi 2024, caiff ffïoedd dysgu ym Mhrifysgol Abertawe eu haddasu i £9,250, yn unol â chenhedloedd eraill y DU a'r rhan fwyaf o brifysgolion yng Nghymru.

Sylwer y bydd amgylchiadau penodol eich benthyciad yn amrywio ar sail y swm rydych eisoes wedi cyflwyno cais i'w fenthyca a p’un a ydych wedi cytuno y caiff ei addasu'n awtomatig ai peidio.

Myfyrwyr sydd wedi cyflwyno cais am yr uchafswm benthyciad ar gyfer ffïoedd dysgu ac sydd wedi cytuno y caiff ei addasu'n awtomatig yn sgîl cynnydd:

Os yw myfyrwyr wedi cael eu hasesu ac wedi cyflwyno cais am yr uchafswm benthyciad ar gyfer ffïoedd, bydd swm eu cais am fenthyciad yn cynyddu'n awtomatig a byddant yn derbyn hysbysiad newydd am y swm uwch drwy lythyr hawlogaeth.

Myfyrwyr sydd wedi cyflwyno cais am swm benthyciad penodol a/neu sydd wedi gofyn am beidio ag addasu eu benthyciad ar gyfer ffïoedd dysgu'n awtomatig:

Bydd angen i fyfyrwyr sydd eisoes wedi cael eu hasesu ddiwygio eu cais am fenthyciad os byddan nhw am gynyddu eu benthyciad yn unol â'r newid i'r ffi. Gallwch chi drefnu i wneud hyn drwy fewngofnodi i'ch cyfrif ar-lein a chynyddu swm y benthyciad gwreiddiol neu ddewis y swm uchaf y mae gennych hawl iddo ar gyfer Ffïoedd Dysgu. Yna byddwch yn derbyn llythyr hysbysiad newydd yn dangos y swm uwch.

Myfyrwyr sydd heb gyflwyno cais am fenthyciad ar gyfer ffïoedd dysgu eto:

Bydd myfyrwyr yn gweld y ffi uwch ar yr adeg cyflwyno cais ac ni fydd yn rhaid iddynt wneud unrhyw newidiadau (oni bai eu bod yn cyflwyno cais am swm penodol is).

Os ydych yn fyfyriwr israddedig presennol o'r DU, o fis Medi 2024, caiff eich ffïoedd dysgu eu haddasu o £9,000 i £9,250. Os ydych yn fyfyriwr israddedig rhyngwladol, ni fydd y newid yn effeithio arnoch, gan fod eich ffïoedd dysgu'n wahanol i fyfyrwyr o'r DU.

Os ydych yn fyfyriwr israddedig o'r DU sydd wedi gohirio eich astudiaethau, o fis Medi 2024, caiff eich ffïoedd dysgu eu haddasu o £9,000 i £9,250. Os ydych yn fyfyriwr israddedig rhyngwladol, ni fydd y newid yn effeithio arnoch, gan fod eich ffïoedd dysgu'n wahanol i fyfyrwyr o'r DU.

Os ydych yn fyfyriwr israddedig o'r DU ac rydych yn ail-wneud eich astudiaethau, o fis Medi 2024, caiff eich ffïoedd dysgu eu haddasu o £9,000 i £9,250. Os ydych yn fyfyriwr israddedig rhyngwladol, ni fydd y newid yn effeithio arnoch, gan fod eich ffïoedd dysgu'n wahanol i fyfyrwyr o'r DU.

Os ydych yn fyfyriwr israddedig o’r DU ac mae'n rhaid i chi ail-wneud modiwlau, o fis Medi 2024, y ffi i ail-wneud modiwl fydd £770 fesul 10 credyd. Os ydych yn fyfyriwr israddedig rhyngwladol, ni fydd y newid yn effeithio arnoch, gan fod eich ffïoedd dysgu'n wahanol i fyfyrwyr o'r DU.

Os ydych yn fyfyriwr israddedig presennol o’r DU sy’n treulio blwyddyn mewn diwydiant, o fis Medi 2024, byddwch yn talu 20% o £9,250 (£1,850).

Os ydych yn fyfyriwr israddedig o'r DU sy’n treulio blwyddyn dramor, o fis Medi 2024, byddwch yn talu 15% o £9,250 (£1,385).

Os ydych yn fyfyriwr israddedig presennol o'r DU, o fis Medi 2024, caiff eich ffïoedd dysgu eu haddasu o £9,000 i £9,250. O ganlyniad i hyn, bydd yr uchafswm benthyciad y gallwch ei hawlio’n cynyddu o £5,535 i £5,785. Os ydych yn fyfyriwr israddedig rhyngwladol, ni fydd y newid yn effeithio arnoch, gan fod eich ffïoedd dysgu'n wahanol i fyfyrwyr o'r DU.

Na fyddant. Os ydych yn fyfyriwr rhyngwladol, ni fydd y newidiadau'n effeithio arnoch, gan fod eich ffïoedd dysgu'n wahanol i fyfyrwyr o'r DU.

Na fyddant. Ni fydd y newidiadau'n effeithio ar fyfyrwyr ôl-raddedig.

Na, ni fydd myfyrwyr sy'n derbyn cyllid bwrsariaeth llawn y GIG yn cael eu heffeithio gan y newidiadau.

Os ydych yn fyfyriwr israddedig presennol o'r DU, o fis Medi 2024, caiff eich ffïoedd dysgu eu haddasu o £9,000 i £9,250. Os ydych yn fyfyriwr israddedig rhyngwladol, ni fydd y newid yn effeithio arnoch, gan fod eich ffïoedd dysgu'n wahanol i fyfyrwyr o'r DU.

Na fyddant. Ni fydd y newidiadau'n effeithio ar fyfyrwyr TAR.

Na fyddant. Ni fydd y newidiadau hyn yn effeithio ar fyfyrwyr sy'n astudio gradd neu raglen sylfaen/prentisiaeth gradd.

Na fyddant. Ni fydd y newidiadau hyn yn effeithio ar fyfyrwyr sy'n astudio rhaglen israddedig un flwyddyn (Tystysgrif Addysg Uwch).