Lwfans Cynorthwy-ydd Anfeddygol

Beth yw Mentora Arbenigol?

Mae mentoriaid arbenigol yn darparu cymorth hynod arbenigol a phersonol, wedi'i deilwra'n benodol sy'n helpu myfyrwyr i fynd i'r afael â rhwystrau i ddysgu a grëwyd gan nam penodol. Darperir y cymorth hwn yn bennaf i fyfyrwyr â chyflyrau iechyd meddwl neu gyflyrau ar y sbectrwm awtistig.  Darperir y cymorth ar ôl cynnal asesiad o anghenion ac fe'i hariennir gan y Lwfans Myfyrwyr Anabl (DSA).

Gall ddarparu:

• Sgiliau trefnu a rheoli amser
• Dechrau ar dasgau academaidd
• Strwythuro a chynllunio
• Blaengynllunio
• Blaenoriaethu
• Cymorth gyda meithrin sgiliau cymdeithasol
• Rheoli gorbryder/llwyth gwaith
• Cymorth, cyngor ac arweiniad emosiynol cyfrinachol
• Cyfeirio/atgyfeirio at wasanaethau eraill
• Help gyda dod i delerau â diagnosis
• Darparu ymyriadau therapiwtig h.y. rheoli gorbryder/straen (perffeithiaeth, gohirio, meddwl yn ddu a gwyn, ofn methu etc).

Ni all ddarparu'r canlynol:

• Cwnsela/therapi
• Cymorth academaidd mewn perthynas â chynnwys/prawf-ddarllen
• Gwasanaethau eiriolaeth

E-bost: mentoring@abertawe.ac.uk

Mae Sgiliau Astudio Arbenigol yn darparu cymorth personol i fyfyrwyr ag Anawsterau Dysgu Penodol, Cyflyrau ar y Sbectrwm Awtistig, cyflyrau meddygol ac iechyd meddwl, ac i fyfyrwyr mae Aseswr Anghenion wedi argymell bod angen Cymorth Sgiliau Astudio Arbenigol arnynt.

Beth gall Sgiliau Astudio ei gynnig?

• Cynllun dysgu unigol.
• Archwilio a deall eich arddull ddysgu.
• Dadansoddi a deall briffiau aseiniad.
• Datblygu ac ailddiffinio eich sgiliau ymchwil ar lefel prifysgol gan gynnwys sut i gyrchu gwybodaeth.
• Trefnu eich syniadau.
• Datblygu strategaethau i gydbwyso llwyth gwaith a bodloni dyddiadau cau.
• Cynllunio a strwythuro aseiniadau.
• Ysgrifennu traethodau ac adroddiadau.
• Strategaethau adolygu a dulliau arholiadau.
• Sgiliau cyflwyno.
• Ysgrifennu myfyriol a beirniadol.
• Strategaethau Rheoli Amser.

Beth na all Sgiliau Astudio ei gynnig?

• Prawf-ddarllen; Gall eich tiwtor eich helpu i ddatblygu strategaethau prawf-ddarllen effeithiol ond ni allant brawf-ddarllen eich gwaith
• Tiwtora ar gyfer cwrs penodol

E-bost: study-skills@abertawe.ac.uk

Y Gwasanaeth Anableddau sy'n rheoli'r Cynllun Cymryd Nodiadau a Gweithiwr Cymorth. Mae cymorth cymryd nodiadau wedi bod ar gael am flynyddoedd maith, a bellach mae wedi tyfu i ddiwallu anghenion y gymuned gynyddol o fyfyrwyr anabl.

Os oes angen gwasanaeth cymryd nodiadau neu weithiwr cymorth arnoch chi ac mae hyn wedi'i argymell fel rhan o'ch Asesiad Anghenion, mae'n hanfodol eich bod yn cysylltu â ni cyn gynted â phosib.

Sut gall y Cynllun Cymryd Nodiadau a Gweithiwr Cymorth eich helpu chi?

• Cymorth Cymryd Nodiadau - bydd eich cynorthwy-ydd Cymryd Nodiadau'n mynychu darlithoedd ac yn cymryd nodiadau cywir a chynhwysfawr a gaiff eu hanfon atoch drwy e-bost o fewn 48 awr ar ôl y ddarlith, y seminar neu'r tiwtorial. Caiff nodiadau eu hysgrifennu â llaw neu eu teipio yn y fformat a'r arddull a ddewisir gan y myfyriwr.
• Cynorthwy-ydd Golwg - bydd yn darparu cymorth golwg i fyfyrwyr â nam ar eu golwg i'w helpu i ddod yn gyfarwydd â chynllun y campws. Yn darparu cymorth symudedd personol i fyfyriwr â nam ar y golwg i'w helpu i lywio ei ffordd ar y campws. Mae'n cwrdd â'r myfyriwr mewn lleoliad cytunedig ar y campws ac yn mynd gydag ef i'w ddarlith.
• Cynorthwy-ydd Labordy/Gweithdy - Yn darparu cymorth i fyfyrwyr yn amgylchedd y labordy. Mae'n cynorthwyo'r myfyriwr i gynnal a pharatoi arbrofion dan gyfarwyddyd y myfyriwr. Gan ddilyn cyfarwyddiadau’r myfyriwr, bydd yn paratoi deunyddiau a sbesimenau labordy, yn paratoi samplau i'w profi dan gyfarwyddyd, yn mynd i nôl cyfarpar labordy ac yn ei gludo.
• Darllenwr/Copïwr - Yn darparu cymorth darllen i fyfyrwyr. Mae’n darllen testunau academaidd yn uchel i'r myfyriwr neu yn eu darllen a'u recordio. Mae’n darllen gwaith yn ôl i'r myfyriwr ac yn cynorthwyo gyda phrawf-ddarllen.
• Cynorthwy-ydd Cymorth Ymarferol - Bydd y rôl hon yn helpu myfyrwyr i drefnu eu hastudiaethau a'u llwyth gwaith ac yn cynorthwyo myfyrwyr i reoli eu hamser, er enghraifft, amserlennu a pharatoi ar gyfer arholiadau. Gall y Cynorthwy-ydd Cymorth Ymarferol gefnogi'r myfyriwr drwy gario llyfrau/bagiau a chario cyfarpar.

E-bost: notetaking@abertawe.ac.uk