Dulliau ac Adnoddau

Cwrs Datblygu Gyrfa

Mae gan ein Cwrs Datblygu Gyrfa 16 o unedau sy'n trafod amrywiaeth o bynciau sy'n gallu eich helpu wrth gynllunio eich gyrfa ac mae ar gael ddydd a nos. Cyrchwch yr wybodaeth mae ei hangen arnoch, yn union pan fydd ei hangen arnoch!

Hefyd, mae gennym ni Gwrs Datblygu Gyrfa i Raddedigion sydd wedi'i deilwra'n benodol i'ch cefnogi ar ôl i chi raddio. Er mwyn ei gyrchu, cofrestrwch am ein Rhaglen Cymorth i Raddedigion.

Parth Cyflogaeth

Y Parth Cyflogaeth yw ein hysbysfwrdd swyddi digidol. Rydyn ni'n gweithio gyda chyflogwyr lleol, cenedlaethol a rhyngwladol i hysbysebu lleoliadau gwaith, interniaethau, swyddi rhan-amser a swyddi i raddedigion, sydd oll wedi'u rhestru yn yr un lle.

Hefyd, byddwch chi'n cael mynediad at:

• Ein calendr llawn o ddigwyddiadau; rhagor o wybodaeth am yr hyn sydd ar ddod, a chofrestru am ddigwyddiadau sydd ar ddod.
• Apwyntiadau gyrfaoedd: trefnu apwyntiad personol gydag Ymgynghorwyr Gyrfaoedd.
• Llwyth o adnoddau defnyddiol, gan gynnwys mynediad at blatfformau arbenigol a recordiadau o ddigwyddiadau yn y gorffennol.

Forage

Mae Forage yn blatfform sy'n cynnig efelychiadau swyddi gyda chwmnïau o safon fyd-eang!​ Teclyn arall a fydd yn eich helpu i ragori yn eich gyrfa yn y dyfodol. 

Ydych chi erioed wedi breuddwydio am weithio i Red Bull neu KPMG? Gyda Forage gallwch chi brofi sut beth yw gweithio yn y sefydliadau hynny mewn gwirionedd, wrth feithrin sgiliau ymarferol gwerthfawr i wella'ch cyflogadwyedd.​ Mae dros 150 o gyflogwyr a 250 o efelychiadau swyddi i chi ddewis ohonyn nhw. 

CareerSet

Bydd CareerSet, ein gwiriwr CVs a llythyron eglurhaol wedi'i bweru gan AI, yn gwella eich gobeithion o gael eich swydd ddelfrydol. Gall yr offeryn hwn eich helpu i deilwra eich CV a'ch llythyr eglurhaol i'r swydd rydych chi'n ymgeisio amdani a rhoi adborth AI i'ch helpu i wneud gwelliannau. Cofiwch, bydd dangos i’r cyflogwr mai chi yw'r ymgeisydd gorau am y swydd yn gwneud i chi sefyll ben ac ysgwyddau uwchlaw ymgeiswyr eraill!

Shortlist.me

Gallwch chi baratoi ar gyfer cyfweliadau â'n hofferyn ar-lein Shortlist Me. Gallwch chi efelychu cyfweliad go iawn, ymarfer, a recordio eich ymatebion, cyn cael cymorth AI (deallusrwydd artiffisial). Gallwch ddewis o amrywiaeth o rolau a sefydliadau sy'n benodol i sectorau penodol i gael profiad perthnasol yn eich maes.

Profiling For Success

Gyda Profiling For Success wedi'i ddarparu gan Team Focus, gallwch chi ddysgu rhagor am eich hunan, eich gwerthoedd a swyddi efallai byddwch chi'n eu hoffi. Gall yr offeryn ar-lein hwn eich helpu i archwilio opsiynau gyrfa a chynllunio eich camau nesaf.

Gallwch chi ymarfer ar gyfer yr asesiadau gwahanol sy'n cael eu defnyddio yn y broses recriwtio, gan gynnwys asesiadau ynghylch eich personoliaeth, eich galluoedd, eich cymhelliant a'ch perthnasoedd.

Er mwyn cyrchu Profiling For Success:

1. Mewngofnodwch i rwydwaith Prifysgol Abertawe ac yna mewngofnodwch i Profiling for Success
2. Dewiswch y prawf yr hoffech chi ei gwblhau, e.e. y prawf ynghylch dangosydd cymhelliant ar sail gwerthoedd.
3. Yna byddwch chi'n derbyn adroddiad personol drwy e-bost unwaith eich bod chi'n cwblhau’r prawf. 

Defnyddiwch eich cyfeiriad e-bost myfyriwr pan ofynnir ichi, gan y bydd hyn yn sicrhau bod eich adroddiadau'n cyrraedd .

Student Circus

Siop un stop i fyfyrwyr rhyngwladol chwilio am swyddi.

MaeStudent Circus yn blatfform parodrwydd am swyddi blaenllaw ar gyfer myfyrwyr rhyngwladol, gyda swyddi a noddir gan fisa wedi'u hidlo ymlaen llaw ar gyfer amrywiaeth o farchnadoedd.

Gallwch ddefnyddio ei hidlwyr i chwilio am swyddi yn seiliedig ar leoliad, sector a chwmnïau i ddod o hyd i'r hyn rydych chi'n chwilio amdano.

Neu, os ydych chi'n ystyried mynd adref ar ôl graddio, gallwch hefyd chwilio am swyddi yn eich mamwlad a darganfod pwy sy'n recriwtio cyn i chi adael y campws.

Hefyd, mae ganddo ganllawiau defnyddiol ynghylch mewnfudo a gofynion gwledydd, a all helpu i wybod y prosesau i'w dilyn.

Beth bynnag rydych chi'n chwilio amdano, mae Student Circus yn lle gwych i ddechrau i fyfyrwyr rhyngwladol!

eCareersGrad

Mae eCareersGrad yn blatfform gyrfaoedd rhyngweithiol yn seiliedig ar fideo, sy'n darparu cyrsiau i helpu i baratoi myfyrwyr a graddedigion am fyd cystadleuol cyflogaeth i raddedigion.

Dim ond 300 o gyflogwyr yn y DU sydd fel arfer yn noddi'r mwyafrif o fyfyrwyr rhyngwladol ar gyfer cyfleoedd i raddedigion y DU - ydych chi'n gwybod pwy yw'r cyflogwyr hyn? Defnyddiwch y nodwedd 'Targedu'r cyflogwr cywir yn y DU' i weld y cyflogwyr yn y DU sy'n noddi myfyrwyr rhyngwladol fwyaf!

Byddwch hefyd yn dod o hyd i fideos yn mynegi canmoliaeth gan fyfyrwyr rhyngwladol a chanllawiau rhyngweithiol i ddod o hyd i swyddi a phrofiad gwaith y DU yn llwyddiannus!

Academi Agored Santander 

Mae Academi Agored Santander yn blatfform dysgu digidol am ddim sydd ar agor i bawb, gan ddarparu cyfleoedd dysgu parhaus gyda mynediad at dros 1,000 o gyrsiau, cynnwys ar alw ac ysgoloriaethau bob blwyddyn. Mae'r pynciau'n cynnwys sgiliau digidol, arweinyddiaeth, technoleg, cynaliadwyedd, sgiliau busnes a mwy.

Gelli di ennill cymwysterau a thystysgrifau, a dysgu unrhyw le, unrhyw bryd, ac mae popeth am ddim. Defnyddia'r platfform rhad ac am ddim i wella dy ragolygon gyrfa ac ennill sgiliau gwerthfawr sy'n cyd-fynd â gofynion y farchnad swyddi heddiw.
*Nid oes angen i ti fod yn gwsmer Santander i gael mynediad at Academi Agored Santander.

Cyrsiau Hyfforddiant Microsoft 365 a Google Workspace

Bydd y cyrsiau'n ymdrin â phopeth y bydd ei angen arnoch fel y gallwch fanylu ar sgiliau Microsoft 365 a/neu Google Workspace yn hyderus yn eich cais nesaf am swydd. Er efallai eich bod chi'n gyfarwydd â'r platfformau, ydych chi erioed wedi eu defnyddio'n broffesiynol mewn modd integredig, gan gydweithio o fewn sefydliadau a rhyngddynt?

Gallwch ddilyn pob cwrs mewn modd hunangyfeiriedig ac mae pob un ar-lein yn llwyr, felly gallwch ei gwblhau yn eich amser eich hun. Y cyfan y mae angen i chi ei wneud yw gwylio'r fideos a chwblhau'r cwisiau cysylltiedig. Byddwch yn cael tystysgrif i'w rhannu yn y cyfryngau cymdeithasol ar ôl cwblhau'r cwrs.

Mae'r cyrsiau ar gael yma:

Hyfforddiant Microsoft 365 ar gyfer gweithwyr proffesiynol

Hyfforddiant Google Workspace ar gyfer gweithwyr proffesiynol

Zero Gravity

Caiff talent ei ledaenu’n gyfartal, dydy cyfle ddim! Mae Zero Gravity yn helpu i wneud y sefyllfa'n decach drwy gefnogi talent myfyrwyr sy'n symudol yn gymdeithasol yn y farchnad swyddi i raddedigion.

Gallwch gael mynediad at ddosbarthiadau meistr proffesiynol, Hyfforddwr AI, a'r cyfle i ddod yn fentor prifysgol i fyfyriwr ysgol. 
I gofrestru, mae’n rhaid bodgan fyfyrwyr radd B ar gyfartaledd yn eu harholiadau Safon Uwch (neu gyfwerth).
* Os ydych chi'n dod o ardal neu grŵp ymgysylltu lle mae cyfranogiad isel, efallai y gallwch gael mynediad at nodweddion ychwanegol, drwy ein tîm Hwb Gyrfa. Am ragor o wybodaeth, cliciwch yma.

Bydd Zero Gravity yn dewis eich math o aelodaeth yn awtomatig yn ystod y broses gofrestru, yn seiliedig ar eich atebion i restr o gwestiynau.