Graddau Meistr Ôl-raddedig a Addysgir Estynedig

Bydd y rheoliadau hyn yn gymwys ar gyfer rhaglenni MA a MSc sy’n arwain at ddyfarnu Gradd Meistr Estynedig.

1.1

Caiff Gradd Meistr, Diploma Ôl-raddedig, neu Dystysgrif Ôl-raddedig eu dyfarnu i fyfyrwyr sydd wedi dangos:

• Dealltwriaeth systematig o wybodaeth, ac ymwybyddiaeth feirniadol o broblemau cyfredol a/neu fewnwelediadau newydd, sydd i raddau helaeth ar flaen y gad yn y ddisgyblaeth academaidd, y maes astudio neu’r maes arfer proffesiynol dan sylw neu'n cael eu goleuo gan waith ar flaen y gad.
• Dealltwriaeth gynhwysfawr o'r technegau sy'n berthnasol i'w hymchwil eu hunain neu i ysgolheictod uwch.
• Gwreiddioldeb wrth gymhwyso gwybodaeth, ynghyd â dealltwriaeth ymarferol o sut y defnyddir technegau ymchwil ac ymholi i greu a dehongli gwybodaeth o fewn y ddisgyblaeth.
• Dealltwriaeth gysyniadol sy'n galluogi'r myfyriwr:
  • I werthuso ymchwil cyfredol ac ysgolheictod uwch yn feirniadol o fewn y ddisgyblaeth;
  • I werthuso methodolegau a datblygu beirniadaeth ohonynt, a lle bo'n briodol, gynnig damcaniaethau newydd.

Yn nodweddiadol, bydd deiliaid y cymhwyster yn gallu gwneud y pethau canlynol:

• Ymdrin â materion cymhleth yn systematig ac yn greadigol, gwneud penderfyniadau doeth yn absenoldeb data cyflawn, a mynegi casgliadau yn glir i gynulleidfaoedd arbenigol a lleyg.
• Parhau i ddatblygu eu gwybodaeth a'u dealltwriaeth, a datblygu sgiliau newydd i lefel uchel.
• Dangos hunangyfeirio a gwreiddioldeb wrth ymdrin â phroblemau a'u datrys, a gweithio'n annibynnol i gynllunio a chynnal tasgau ar lefel broffesiynol neu gyfatebol.

A bydd gan y deiliaid:

• Y nodweddion a'r sgiliau trosglwyddadwy angenrheidiol ar gyfer cyflogaeth sy'n gofyn am:
  • Arfer menter a chyfrifoldeb personol;
  • Gwneud penderfyniadau mewn sefyllfaoedd cymhleth nad oes modd eu darogan;
  • Y gallu i ddysgu’n annibynnol sy’n ofynnol er mwyn sicrhau datblygu proffesiynol parhaus.

2.1

Mae strwythur rhaglenni Graddau Meistr Estynedig fel a ganlyn:

Rhaglen astudio amser llawn neu ran amser sy'n cynnwys modiwlau gwerth cyfanswm o 240 credyd, fel arfer 120 credyd ym Mlwyddyn 1 a 120 credyd ym Mlwyddyn 2.

Rhaid i isafswm o 60 credyd gael eu hennill trwy ddysgu annibynnol dan gyfarwyddyd neu fodd cyfwerth a gymeradwywyd (hynny yw modiwlau interniaeth neu leoliad), fel arfer ym Mlwyddyn 2.

2.2

Pennir deilliannau dysgu ar gyfer pob rhaglen gradd Meistr ac unrhyw raglen y bwriedir iddi ddarparu cymhwyster canolraddol neu gymhwyster wrth gefn. 

2.3

Gellir strwythuro rhaglenni fel bod gofyn i ymgeiswyr ymgymryd ag ymarfer proffesiynol, lleoliadau, neu Interniaeth. Os bydd cymhwysedd proffesiynol ymgeiswyr yn cael ei asesu ar ôl cyfnod o ymarfer proffesiynol neu brofiad gwaith, rhaid rhoi pwyntiau credyd i’r canlyniad.

3.1

Bydd modiwlau yn cael eu cwblhau yn ôl yr amserlen a nodir gan y Gyfadran/Ysgol berthnasol, a bydd asesiadau’n cael eu cwblhau erbyn y dyddiadau a bennir gan y Cyfadrannau/Ysgolion. Caiff y rhaglen radd gyfan ei chwblhau o fewn y terfynau amser canlynol o ddyddiad y cofrestru gwreiddiol:

 Darllenwch y Canllawiau ar Derfynau Amser i gael rhagor o wybodaeth.  

3.2

Fel arfer, rhaid i ymgeiswyr gwblhau eu hastudiaethau erbyn y dyddiadau cau canlynol oni bai fod y Pwyllgor Rheoliadau, Ansawdd a Safonau perthnasol yn cymeradwyo amserlen amgen ar gyfer rhaglen benodol:

• Ymgeiswyr amser llawn 1 flwyddyn:  diwedd y 24ain mis (2 flynedd); 
• Ymgeiswyr rhan-amser:  diwedd y 48ain mis neu drydedd neu bedwaredd flwyddyn eu hymgeisyddiaeth.

3.3

Ni chaiff ymgeisydd sy'n methu â chwblhau o fewn yr amserlen a nodwyd gwblhau'r rhaglen oni awdurdodir estyniad yn ffurfiol gan y Pwyllgor perthnasol yn y Brifysgol (gyda chefnogaeth y Gyfadran/Ysgol). Heb estyniad a awdurdodwyd, bydd yr ymgeisydd yn gymwys i ennill y cymhwyster ymadael priodol yn unig, sef y Dystysgrif Ôl-raddedig. Dylid nodi na fydd estyniad o’r fath yn ymestyn cyfnod astudio’r rhaglen gyfan yn awtomatig.

4.1

Rhaid gwneud ceisiadau am estyniad i’r dyddiad cau ar gyfer cyflwyno’r Dysgu Annibynnol dan Gyfarwyddyd yn unol â rheoliadau’r Brifysgol, a rhaid cyflwyno’r ceisiadau hynny drwy law goruchwyliwr yr ymgeisydd i’r Bwrdd Achosion Myfyrwyr cyn y dyddiadau cau a nodwyd. Gall y Cadeirydd roi ystyriaeth weithredol i unrhyw geisiadau a ddaw i law ar ôl y cyfarfod.

5.1 

Y patrwm addysgu ar gyfer y rhan fwyaf o raglenni llawn-amser fydd 3 semester.

5.2

Gall Cyfadrannau/Ysgolion fabwysiadu patrwm asesu gwahanol a fydd yn cael ei amlinellu yn llawlyfr y Gyfadran/Ysgol.

6.1

Bydd yn ofynnol i ymgeiswyr gwblhau’r rhaglen astudio yn unol â’r rheoliadau ynghylch dyfarnu credydau, fel y’u cyhoeddir yn y ddogfen Rheoliadau Asesu ar gyfer Dyfarnu Ôl-raddedig a Addysgir.

6.2

Y marc llwyddo ar gyfer modiwl fydd 50% oni nodir yn wahanol gan gorff proffesiynol neu reoleiddiol, y bydd y manylion yn cael eu cynnwys yn llawlyfr y rhaglen.

6.3

Rhaid i ymgeiswyr basio pob modiwl ym Mlwyddyn Un y rhaglen yn llwyddiannus cyn y caniateir iddynt symud ymlaen i Flwyddyn Dau.       

Bydd y dysgu annibynnol dan gyfarwyddyd yn cynnwys dulliau a chanlyniadau prosiect ymchwil neu waith amgen a gymeradwyir.

6.4

Rhaid i ymgeisydd gwblhau'r ddwy flwyddyn astudio'n llwyddiannus cyn y gall fod yn gymwys i ennill gradd. Gall yr arholwyr ofyn i ymgeisydd sefyll arholiad llafar ar unrhyw adeg yn ystod y rhaglen astudio.

7.1

Gall ymgeisydd a gaiff ei dderbyn i raglen gradd Meistr, ond nad yw’n medru, neu nad yw’n cael, symud ymlaen i’w chwblhau, gymhwyso ar gyfer un o’r dyfarniadau a ganlyn gan y Brifysgol, yn dibynnu ar nifer y credydau a enillodd erbyn iddo ymadael:

* Gall rhaglenni fabwysiadu rheoliadau llymach ar gyfer gwneud yn iawn am fethiant oherwydd gofynion Cyrff Proffesiynol/Noddi.

7.2

Ni fydd Tystysgrif Ôl-raddedig mewn pwnc a enwir yn cael ei dyfarnu ar ôl i ymgeisydd gwblhau modiwlau sy’n cynnig o leiaf 60 credyd ar lefel 7 oni bai fod cyfanswm y modiwlau perthnasol yn gwneud rhaglen gymeradwy. Bwrdd Dyfarnu/Bwrdd Cynnydd perthnasol y Brifysgol Abertawe fydd yn cymeradwyo rhaglen dystysgrif dan y rheoliad hwn.

7.3

Rhaid i fyfyrwyr sy'n cael eu rhoi ar y rhaglen MSc Nyrsio basio pob modiwl, yn ddiamod, i gael cymhwyster ymadael o Dystysgrif Ôl-raddedig neu Ddiploma Ôl-raddedig mewn Astudiaethau Gofal.

7.4

Ni fydd myfyrwyr sy'n cofrestru ar y rhaglen MSc Nyrsio sy'n gadael gyda Thystysgrif Ôl-raddedig neu Ddiploma Ôl-raddedig mewn Astudiaethau Gofal yn gymwys i wneud cais i gofrestru gyda'r Cyngor Nyrsio a Bydwreigiaeth (NMC).

8.1

Cwblheir pob ymgeisyddiaeth trwy lwyddo mewn modiwlau a addysgir/modiwlau lleoliad gwerth 60 o gredydau ychwanegol, a thrwy gyflwyno darn neu ddarnau o ddysgu annibynnol dan gyfarwyddyd, neu waith cyfwerth, a chymeradwyo'r fath waith gan yr arholwyr.

8.2

Bydd y trydydd semester yn cynnwys modiwlau a addysgir yn Abertawe, neu gyfnodau astudio mewn prifysgol/sefydliad partner cymeradwy yn lle Abertawe, neu leoliad diwydiannol/ymarfer. Tybir bod myfyriwr sy'n methu'r modiwlau a addysgir/ modiwlau lleoliad yn methu'r rhaglen. Lle mae rhaglen safonol gywerth, un flwyddyn o hyd, ar gael caiff myfyriwr, gyda chymeradwyaeth y Gyfadran/Ysgol, drosglwyddo i'r rhaglen safonol.

8.3

Caiff ymgeiswyr ddechrau gwaith paratoadol ar y darn o Ddysgu Annibynnol dan Gyfarwyddyd, neu'r gwaith cyfwerth a gymeradwywyd, yn ystod Blwyddyn Un y rhaglen, ond fel arfer byddant yn ei gyflwyno yn ystod Blwyddyn Dau.

9.1

Ar gyfer pob ymgeisyddiaeth, bydd y Gyfadran/Ysgol yn cymeradwyo un goruchwyliwr.

9.2

Caiff ymgeiswyr eu goruchwylio'n unol â'r Polisi Goruchwylio ar gyfer Myfyrwyr Ôl-raddedig a Addysgir, a gyhoeddir yng Nghod Ymarfer y Brifysgol.

10.1

Dylai cynigion fod yn ymarferol o ran amserlen ac o ran yr adnoddau sydd ar gael, a dylid penodi goruchwylwyr ag arbenigedd addas ar eu cyfer.

10.2

Dylid caniatáu digon o amser i oruchwylwyr gyflawni eu dyletswyddau, yn enwedig os ceir nifer fawr o ymgeiswyr.

10.3

Dylid dilyn arweiniad y Cyngor Ymchwil, pan fo hynny’n briodol, ynghylch y cyfleusterau a ddylai fod ar gael (man astudio, llyfrgell, amgylchedd ymchwil priodol, ac ati.).

10.4

Dylid cyhoeddi canllawiau ysgrifenedig ynghylch presenoldeb/cyfranogiad, fframweithiau ar gyfer cyfarfodydd a disgwyliadau cyffredinol, yn unol â’r Polisi Goruchwylio ar gyfer Myfyrwyr Ôl-raddedig a Addysgir.

10.5

Caiff y modd y gweithredir yr holl ganllawiau hynny eu gweithredu ei fonitro'n rheolaidd.

10.6

Os bydd angen cymorth ychwanegol ar ymgeiswyr gyda’u sgiliau iaith, dylid darparu’r cymorth hwnnw fel gwasanaeth sydd ar wahân i ddyletswyddau’r goruchwyliwr.

10.7

Dylai fod system ar waith sy’n galluogi ymgeisydd i ofyn am oruchwylydd gwahanol, ac sy’n sicrhau bod aelod gwahanol o staff ar gael pe bai unrhyw oruchwylydd yn absennol am gyfnod hir.

10.8

Dylai nifer yr ymgeiswyr y mae goruchwyliwr yn eu goruchwylio fod yn ddigon isel i’w alluogi i gyflawni’r cyfrifoldebau a nodir isod. 

11.1

Dylid rhoi cyngor ac arweiniad i’r ymgeisydd gan geisio hwyluso’r broses o gynhyrchu darn o waith sydd o’r safon ofynnol ar gyfer gradd Meistr a Addysgir.

11.2

Dylai’r cynnig fod o fewn maes arbenigedd y goruchwyliwr, dylid diffinio’r testun a ddewisir mewn ymgynghoriad â’r ymgeisydd, a dylai’r testun gael ei gymeradwyo gan y Gyfadran/Ysgol.

11.3

Dylai fod modd cwblhau’r gwaith a gynigir o fewn y cyfnod a bennir.

11.4

Dylid cytuno ar amserlen ar gyfer cyflwyno gwaith yn unol â dyddiadau cau’r Brifysgol.

11.5

Dylid cynnal o leiaf tri chyfarfod yn unol â'r Polisi Goruchwylio ar gyfer Myfyrwyr Meistr Ôl-raddedig a Addysgir.

11.6

Dylid cytuno cofnod o bob cyfarfod o'r fath gyda'r myfyriwr, gan gynnwys dyddiadau, camau gweithredu a gytunwyd, a dyddiadau cau a bennwyd. Dylai'r myfyriwr gadw'r cofnod a'i gyflwyno i'r Gyfadran/Ysgol wrth gyflwyno'r gwaith.

11.7

Dylai gwaith gael ei ddychwelyd yn unol â’r dyddiadau cau a nodwyd, a dylid rhoi sylwadau adeiladol arno.

11.8

Dylid rhoi sesiwn Adborth i unrhyw fyfyriwr sy’n methu, ac sy'n cael caniatâd y Bwrdd Dyfarnu i ailgyflwyno’r gwaith.

12.1

Yn anad dim, dylai’r gwaith a gynhyrchir fod yn waith yr ymgeisydd ei hun, er ei fod wedi’i gyflawni â chyngor ac arweiniad gan y goruchwyliwr.

12.2

Dylai presenoldeb myfyrwyr amser llawn yn ystod Blwyddyn Dau fod fel a ganlyn: 

Disgwylir i ymgeiswyr amser llawn fod yn bresennol yn Abertawe oni roddwyd caniatâd iddynt astudio yn lle hynny, neu oni bai fod ymgeisydd ar leoliad mewn sefydliad partner cymeradwy neu ar leoliad diwydiannol fel rhan o'r rhaglen (gweler pwynt 1.3 o'r Polisi Goruchwylio ar gyfer Myfyrwyr Meistr Ôl-raddedig a Addysgir Prifysgol Abertawe).

12.3

Dylid cytuno ar amserlen ar gyfer cyflwyno gwaith yn unol â dyddiadau cau’r Brifysgol.

12.4

Dylid mynychu o leiaf tri chyfarfod yn unol â'r Polisi Goruchwylio ar gyfer Myfyrwyr Meistr Ôl-raddedig a Addysgir.

12.5

Dylid cadw cofnod gofalus o bob cyfarfod ffurfiol, a fydd yn cynnwys dyddiadau, y camau gweithredu y cytunwyd arnynt a’r dyddiadau cau a bennwyd, a dylai’r goruchwyliwr a’r ymgeisydd gytuno'r cofnod hwnnw. Yn unol â’r Polisi Goruchwylio ar gyfer Myfyrwyr Meistr Ôl raddedig a Addysgir, dylid cyflwyno copi o’r cofnod hwn i’r Gyfadran/Ysgol pan gaiff y gwaith ei gyflwyno.

12.6

Dylid cysylltu â’r goruchwylwyr os tybir bod cyfarfodydd ychwanegol yn angenrheidiol.

12.7

Dylid cwblhau’r gwaith o fewn y fframwaith y cytunwyd arno, a dylid ysgrifennu cyn gynted ag y bo modd at y goruchwyliwr i’w hysbysu o unrhyw broblem sy’n ymwneud â chyflwyno gwaith yn hwyr (neu gyflwyno gwaith anfoddhaol).

13.1

Bydd gan bob Bwrdd Arholi ar gyfer graddau Meistr ôl-raddedig a Addysgir Gadeirydd a fydd yn gyfrifol am sicrhau bod y gweithdrefnau gweinyddol cywir ar gyfer cyflwyno ac arholi’r gwaith yn cael eu dilyn.

13.2

Caiff yr holl waith ei farcio gan ddau aelod mewnol o staff, a dylai goruchwyliwr yr ymgeisydd hwnnw fod yn un ohonynt, fel arfer. Serch hynny, mewn rhai amgylchiadau efallai na fydd yn briodol i’r Goruchwyliwr fod yn farciwr.

13.3

Diffinnir rôl yr Arholwr Allanol yng Nghod Ymarfer Arholi Allanol Prifysgol Abertawe.

13.4

Fodd bynnag, os yw’n amhosibl penodi dau farciwr mewnol, dylai’r Gyfadran/Ysgol dalu marciwr allanol i fod yn ail farciwr a dylid gofyn i’r Arholwr Allanol wirio bod safoni wedi digwydd.

13.5

Er ei bod yn arferol i’r un Arholwr Allanol arholi ymgeisydd ar gyfer modiwlau Blwyddyn Un a Blwyddyn Dau, gellir penodi arholwr annibynnol i arholi’r gwaith os oes angen gwybodaeth arbenigol.

13.6

Gall Gyfadran/Ysgol ddewis defnyddio rheoliadau samplu os ceir mwy na 10 o ymgeiswyr. Mae’r rheoliadau samplu fel a ganlyn:

O leiaf 10% o gyfanswm y darnau o waith (lleiafswm o 5) gan gynnwys o leiaf un darn o bob dosbarth (Llwyddo, Teilyngdod, Rhagoriaeth, lle y bo’n briodol). Yn ogystal â hyn, rhaid anfon bob darn o waith a fethwyd at yr Arholwr Allanol.

13.7

Caiff y marciau eu cadarnhau yng nghyfarfodydd diwedd y rhaglen y Byrddau Arholi (Bwrdd Dyfarnu'r Gyfadran/Ysgol a Bwrdd Dyfarnu'r Brifysgol).

13.8

Gweler y Cod Ymarfer ar gyfer Arholi Allanol am fanylion y weithdrefn ar gyfer ymdrin ag anghydfod neu anghytundeb.

14.1

Rhaid i ddysgu annibynnol dan gyfarwyddyd gael ei gyflwyno'n unol â gofynion y Brifysgol. Caiff Cyfadrannau/Ysgolion ddewis rhwng yr opsiynau canlynol:

• Derbyn copi electronig o'r gwaith;
• Derbyn dau gopi o’r gwaith, mewn rhwymiad meddal, yn ogystal â chopi electronig.

Rhaid i Gyfadrannau/Ysgolion hysbysu myfyrwyr am y dull cyflwyno a ddefnyddir, yn Llawlyfr y Gyfadran/Ysgol.

Rhaid i bob copi gynnwys:

• Datganiad sy’n nodi bod y gwaith yn cael ei gyflwyno er mwyn bodloni gofynion y radd yn rhannol.
• Crynodeb o’r gwaith, nad yw’n fwy na thri chan gair o hyd.
• Datganiad, wedi’i lofnodi gan yr ymgeisydd, sy’n dangos i ba raddau y mae’r gwaith a gyflwynir yn ganlyniad gwaith ymchwil yr ymgeisydd ei hun. Dylid cydnabod ffynonellau eraill mewn troednodiadau sy’n cynnwys cyfeiriadau penodol. Dylid atodi llyfryddiaeth lawn i'r gwaith.
• Datganiad, wedi’i lofnodi gan yr ymgeisydd, sy’n cadarnhau nad yw’r gwaith yn gyffredinol wedi’i dderbyn eisoes ar gyfer unrhyw radd, ac nad yw’n cael ei gyflwyno mewn ymgeisyddiaeth am unrhyw radd arall ar yr un pryd â’r radd dan sylw.
• Datganiad, wedi'i lofnodi, ynghylch mynediad at y traethawd gan bobl eraill.

14.2

Bydd cyfarwyddiadau manwl ynghylch cyflwyno gwaith ar gael i ymgeiswyr yn y Rheoliadau Academaidd.

14.3

Diffinnir cyflwyno dysgu annibynnol dan gyfarwyddyd fel cyflwyno darn neu ddarnau o waith yn unol â'r gofynion ar gyfer cyflwyno dysgu annibynnol dan gyfarwyddyd (uchod) a dylai'r cyflwyniad fodloni gofynion y Gyfadran/Ysgol hefyd (o ran fformat, uchafswm y geiriau ac yn y blaen). Mae gan Gyfadran/Ysgol hawl i benderfynu a yw cyflwyniad yn bodloni'r gofynion hyn ai peidio.

14.4

Pennir dyddiadau ar gyfer cyflwyno'r darn o ddysgu annibynnol dan gyfarwyddyd gan y Gyfadran/Ysgol, a rhaid eu hargraffu yn Llawlyfr y Gyfadran/Ysgol. Y dyddiadau fydd:

14.5

Mae gan bob gradd ei chyfnod ymgeisyddiaeth hwyaf posibl (fel yr amlinellir yn Rheoliad 3 uchod). Bwriad y cyfnod hwyaf posibl yw sicrhau bod ymgeiswyr y torrwyd ar draws eu hastudiaethau am ba reswm bynnag yn gallu cwblhau eu gradd. Rhaid i ymgeiswyr geisio cwblhau eu rhaglen erbyn y dyddiadau cau a nodir yn Rheoliad 3 uchod. Bydd ymgeisyddiaeth yn dirwyn i ben (gan felly gwahardd arholi) os na chwblheir y rhaglen o fewn yr amserlen a bennir gan y Brifysgol fel yr amlygwyd yn Rheoliad 3.

15.1

Os na fydd yr arholwyr wedi derbyn y gwaith erbyn y dyddiad cau a bennwyd, caiff yr ymgeisydd ei ailgyflwyno unwaith yn unig o fewn y terfynau amser canlynol:

15.2

Bydd y Brifysgol yn codi ffi am ailarholi, a chaiff y marc ei gapio.

15.3

Dylai myfyrwyr sy’n ailgyflwyno gwaith dderbyn adborth ysgrifenedig ar y rhesymau pam y bu iddynt fethu yn union ar ôl i’r Bwrdd Dyfarnu gadarnhau’r canlyniad. Dylai Cyfadrannau/Ysgolion sicrhau bod yr adborth yn adlewyrchu holl sylwadau’r Arholwyr (Mewnol ac Allanol) a bod y myfyriwr yn cael gwybod am y newidiadau sy’n angenrheidiol.

15.4

Dim ond mân newidiadau i deitl eu gwaith y caiff myfyrwyr sy’n ailgyflwyno eu gwaith eu gwneud, gyda chaniatâd eu Goruchwyliwr. Ni ddylai newidiadau o’r fath beri bod angen unrhyw ymchwil gwreiddiol bellach.

15.5

Mae myfyrwyr sy’n ailgyflwyno eu gwaith yn parhau i orfod cydymffurfio â gofynion y Polisi Monitro Cyfranogiad Myfyrwyr Ymchwil a disgwylir iddynt gyfranogi’n llawn yn eu hastudiaethau yn ystod y cyfnod ailgyflwyno. Caiff myfyrwyr eu monitro bob pedair wythnos (un sesiwn adborth ffurfiol wedi’i dilyn gan sesiynau gwirio lles, nid oes gan fyfyrwyr hawl i derbyn goruchwyliaeth ychwanegol) nes iddynt ailgyflwyno o fewn y terfyn amser a bennwyd ar gyfer myfyrwyr amser llawn a myfyrwyr rhan-amser a byddant yn destun y broses uwchgyfeirio am ddiffyg cyfranogiad o hyd. Yr Gyfadran/Ysgol neu Wasanaethau Cydymffurfiaeth Myfyrwyr fydd yn gyfrifol am gofnodi cyfranogiad myfyrwyr yn ystod y cyfnod ailgyflwyno.

16.1

Caiff ymgeisydd gyhoeddi’r gwaith cyfan neu ran o’r gwaith a gynhyrchwyd yn ystod ei gyfnod cofrestru yn y Brifysgol. Gall ymgeisydd gyhoeddi’r gwaith cyn ei gyflwyno yn ei gyfanrwydd neu'n rhannol, ar yr amod na nodir yn unrhyw le yn y gwaith a gyhoeddir ei fod yn cael ei ystyried ar gyfer gradd uwch. Caiff y fath waith ei ymgorffori wedyn yn y darn o ddysgu annibynnol dan gyfarwyddyd a gyflwynir i'w arholi.

17.1

Er gwaethaf y darpariaethau yn y rheoliadau sy’n ymwneud ag argaeledd dysgu annibynnol dan gyfarwyddyd, gall y Brifysgol gael caniatâd, ar sail argymhelliad arbennig a gymeradwyir gan y Deon Gweithredol (neu enwebai), i atal unrhyw un rhag llungopïo a/neu gael mynediad i waith ymgeisydd am gyfnod o hyd at bum mlynedd. Cyfrifoldeb goruchwyliwr yr ymgeisydd fydd cyflwyno cais priodol i’r Deon Gweithredol (neu enwebai) cyn gynted ag y bo’n rhesymol ymarferol. Byddai’r rhwystr hwn hefyd yn berthnasol i aelodau’r Brifysgol.

17.2

Dylai’r crynodeb a’r teitl fod ar gael yn ddirwystr.

17.3

Rhaid i unrhyw argymhelliad i atal mynediad gael ei gyflwyno i’r Deon Gweithredol (neu enwebai), ar ôl ystyried cais a gyflwynwyd gan oruchwyliwr yr ymgeisydd ac a gefnogwyd gan Deon Gweithredol neu ei enwebai. Cyfrifoldeb y goruchwyliwr fydd cyflwyno’r cais cyn gynted ag y bo’n rhesymol ymarferol. Rhaid i’r argymhelliad gynnwys datganiad ynghylch y rhesymau dros wneud y cais. Gwneir y rhan fwyaf o’r ceisiadau hyn ar sail sensitifrwydd masnachol yr ymchwil, a allai fod wedi’i noddi’n rhannol gan gorff masnachol neu ddiwydiannol.

17.4

Bydd Ysgrifennydd y Pwyllgor (Pwyllgor Achosion Arbennig) yn hysbysu'r Goruchwyliwr pan fydd caniatâd wedi’i roi i atal mynediad. Yn achos gwaith y tybir ei fod yn berthnasol i Gymru, bydd y Gyfadran/Ysgol yn hysbysu llyfrgellydd Llyfrgell Genedlaethol Cymru o’r ffaith y dylid atal mynediad at y gwaith am gyfnod penodedig.

17.5

Tybir y bydd y penderfyniad i atal mynediad yn dod i rym cyn gynted ag y bydd y gwaith wedi’i gyflwyno, ond caiff y cyfnod a gymeradwywyd ei gyfrifo o’r dyddiad y caiff yr ymgeisydd ei hysbysu’n ffurfiol gan y Brifysgol o’r ffaith ei fod yn gymwys i ennill gradd.

17.6

Pan gaiff gwaith ei gyflwyno, bydd yn ofynnol i ymgeisydd gynnwys datganiad wedi’i lofnodi ynddo a fydd yn dangos naill ai:

• Bod y gwaith, os yw’n llwyddiannus, yn gallu bod ar gael ar gyfer benthyciad rhwng llyfrgelloedd neu i’w lungopïo (yn unol â’r ddeddf hawlfraint), ac y gellir darparu’r teitl a’r crynodeb ar gyfer sefydliadau allanol; neu
• Y daw’r gwaith, os yw’n llwyddiannus, ar gael felly ar ddiwedd cyfnod y rhwystr.

18.1

Bydd y Byrddau Arholi canlynol yn cyfarfod i asesu ymgeiswyr:

• Byrddau Cyfadrannau/Ysgolion;
• Bwrdd Dilyniant y Dyfarnu'r Brifysgol (diwedd semester dau a diwedd semester pedwar);

18.2

Ceir manylion pellach ynghylch cyfansoddiad, rolau a chyfrifoldebau Byrddau Arholi yn Rheoliadau Asesu ar gyfer Dyfarniadau Ôl-raddedig a Addysgir.

19.1

Dylai’r Gyfadran/Ysgol gadw un copi o’r traethawd hir am o leiaf dwy flynedd. Pan fydd ymgeisydd wedi cyflwyno dau gopi â rhwymiad meddal, dylai'r copi arall fod ar gael i'r ymgeisydd ei gasglu, oni fernir bod y cynnwys yn berthnasol i Gymru, ac yn yr achos hwnnw dylid ei gadw yn Llyfrgell y Brifysgol.