Amgylchiadau Esgusodol

Anawsterau/problemau dros dro neu dymor byr sy’n effeithio arnoch yw amgylchiadau esgusodol. Er enghraifft:

• Problemau meddygol (gan gynnwys iechyd meddwl/lles)
• Marwolaeth perthynas neu ffrind agos
• Problemau personol
• Problemau teuluol, megis ysgariad
• Ymosodiad/trais rhywiol
• Cyfnod o hunanynysu/cwarantin
• Cyfrifoldebau gofalu ac anawsterau domestig
• Defodau crefyddol
• Cyflyrau sy'n gysylltiedig â beichiogrwydd
• Materion sy'n ymwneud â fisâu
• Cyfarpar TG nad yw'n gweithio, lle mae problem y gellir ei gwirio

Mae'r canlynol yn enghreifftiau o amgylchiadau nad yw'r Brifysgol yn derbyn eu bod yn amgylchiadau esgusodol:

• Mân broblemau iechyd megis pen tost ac annwyd
• Cyflyrau meddygol heb dystiolaeth ategol neu rai lle na ellir rhoi esboniad boddhaol am ddiffyg tystiolaet
• Rhwymedigaethau cymdeithasol
• Camddarllen cyfarwyddiadau/amserlenni asesu
• Rheoli amser yn wael, e.e. peidio â dechrau aseiniad tan y funud olaf

Os na allwch chi baratoi ar gyfer asesiadau neu ymgymryd ag asesiadau oherwydd yr anawsterau hyn, dylech roi gwybod i'r Tîm Profiad a Gwybodaeth Myfyrwyr yn eich Cyfadran/Ysgol cyn gynted â phosib.

Yna gall aelodau'r tîm eich cynghori ynghylch yr hyn y mae angen i chi ei wneud er mwyn i’r amgylchiadau hyn gael eu hystyried.

Er enghraifft, byddant yn eich cynghori ac yn eich cefnogi os bydd angen i chi gyflwyno cais am amgylchiadau esgusodol ac yn eich cynghori os bydd angen i chi ddarparu rhagor o wybodaeth/dystiolaeth ategol.

extenuation-medicinehealthlifescience@abertawe.ac.uk

StudentSupport-ScienceEngineering@abertawe.ac.uk 

extenuating-management@abertawe.ac.uk

extenuating-socialsciences@abertawe.ac.uk

extenuating-cultureandcom@abertawe.ac.uk

extenuating-law@abertawe.ac.uk

Yn ystod blwyddyn academaidd 2022-2023, cyflwynodd y Brifysgol un system TG i'r holl fyfyrwyr ei defnyddio wrth gyflwyno cais am amgylchiadau esgusodol.

I fewngofnodi, defnyddiwch ran gyntaf eich e-bost yn y brifysgol (eich rhif myfyriwr yn unig) a'ch cyfrinair arferol. Dyma ddolen gyflym a fydd yn mynd â chi i'n uniongyrchol i'r system ymgeisio e:Vision: EC e:Vision

Os oes gennych broblemau wrth fewngofnodi, gwnewch yn siŵr eich bod wedi teipio eich cyfrinair yn gywir ac nad ydych yn defnyddio eich cyfeiriad e-bost llawn (peidiwch ag ychwanegu @abertawe.ac.uk).

Os bydd y broblem yn parhau, rhowch wybod am y broblem drwy system TG y brifysgol: ISS Service Now neu ewch i'r ddesg cymorth TG.

Gallwch gyrchu'r system Amgylchiadau Esgusodol drwy ap y Myfyrwyr.

Column 1	Column 2

Bydd eich Cyfadran/Ysgol yn ystyried pob cais am amgylchiadau esgusodol i'w gymeradwyo. 

Dylid darparu dogfennau annibynnol i gadarnhau unrhyw geisiadau am amgylchiadau esgusodol fel arfer ac mae'n rhaid iddynt gael eu dyddio o fewn mis i'r asesiad/arholiad yr effeithiwyd arno. Mae'n rhaid i'r dystiolaeth nodi sut effeithiodd yr amgylchiadau ar eich perfformiad a/neu sut gallent fod wedi amharu ar eich gallu i ddod i asesiad, ei gwblhau neu ei gyflwyno'n brydlon. Bydd absenoldeb y cyfryw ddogfennau'n arwain at wrthod y cais oni bai y darperir esboniad boddhaol yn eich cais am eich rheswm dros fethu darparu'r cyfryw dystiolaeth.

Dyma restr anghyflawn o enghreifftiau o dystiolaeth briodol:

• Llythyr/tystysgrif gan feddyg*/weithiwr iechyd proffesiynol sy'n cadarnhau'r salwch, sy'n nodi effaith debygol y salwch ac sy'n nodi'n amlwg fod cyfnod y salwch yn cyd-fynd â'r cyfnod asesu y cyflwynir y cais ynddo. (*Dylai’r meddyg fod wedi cofrestru gyda’r Cyngor Meddygol Cyffredinol, neu feddu ar statws cyfatebol. Os nad yw’r meddyg wedi cofrestru gyda’r Cyngor Meddygol Cyffredinol, neu os nad oes ganddo statws cyfatebol, gellir gofyn am ragor o dystiolaeth, fel y bo'n briodol.)
• Yn achos myfyriwr sy'n mynd yn sâl yn ystod arholiad sy'n cael ei oruchwylio ar un o safleoedd y Brifysgol, copi o adroddiad y goruchwyliwr. (Dylid cyflwyno tystiolaeth feddygol ochr yn ochr â hwn lle bynnag y bo modd.) Mae'n rhaid i fyfyriwr sy'n sâl yn ystod arholiad ar y safle roi gwybod i'r goruchwyliwr yn ystod yr arholiad neu yn union ar ôl iddo orffen a chyn gadael lleoliad yr arholiad. Bydd y goruchwyliwr yn gwneud cofnod o hyn y gall y myfyriwr gael mynediad ato drwy'r Swyddfa Arholiadau.
• Llythyr derbyn i’r ysbyty a rhyddhau o'r ysbyty – i gadarnhau'r cyfnod yn yr ysbyty. Rhaid i'r llythyr gynnwys enw'r myfyriwr a bydd angen bodloni'r Gyfadran/Ysgol bod y llythyr yn ymwneud â'r myfyriwr.
• Llythyr oddi wrth wasanaeth sy'n cefnogi'r myfyriwr, e.e. y Gwasanaeth Lles ac Anabledd, Swyddog Cyswllt Trais Rhywiol (SVLO), Canolfan Atgyfeirio Ymosodiadau Rhywiol (SARC), Cwnselydd, Canolfan Gyngor Prifysgol Abertawe (SUAC) neu asiantaeth arall sy’n gallu cefnogi myfyrwyr, etc (a ddarperir yn ôl disgresiwn y gwasanaeth cymorth).
• Yn achos pryder/straen ynghylch arholiadau wedi'i ddiagnosio/nodi, ardystiad meddygol neu ffurflen addasu.
• Yn achos myfyrwyr nad ydynt yn gallu dod i asesiad neu ymgymryd ag asesiad oherwydd Covid-19, fel arfer disgwylir iddynt ddarparu ardystiad meddygol neu brawf o ganlyniad prawf positif a dylai fod yn amlwg bod y rhain yn berthnasol i ddyddiad yr asesiad neu gyfnod byr yn union cyn dyddiad yr asesiad
• Yn achos myfyrwyr â chyflyrau/anableddau iechyd anwadal sydd wedi cael eu cymeradwyo gan y Gwasanaeth Lles ac Anabledd, ystyrir bod y ffurflen addasu'n dystiolaeth.
• Naill ai tystysgrif marwolaeth, trefn y gwasanaeth, llythyr gan Drefnydd Angladdau, ysgrif goffa neu adroddiad newyddion. Pan nad yw'r rhain ar gael, llythyr ategol oddi wrth aelod o'r teulu, ffrind neu diwtor personol
• Yn achos myfyrwyr sydd â chyflyrau iechyd/anableddau amrywiol sydd wedi cael eu cymeradwyo gan y Gwasanaethau Lles ac Anabledd, ystyrir bod y ffurflen addasu'n dystiolaeth lle bydd y cais wedi cael ei gyflwyno mewn perthynas â'r cyflwr (cyflyrau) a nodir ar y ffurflen.
• Adroddiad yr heddlu – ni fydd cyfeirnod y drosedd ar ei ben ei hun yn ddigonol.
• Erthygl newyddion sy'n cadarnhau anawsterau teithio annisgwyl.
• Yn achos cyfrifoldebau gofalu ac anawsterau domestig yn y tymor byr sy'n effeithio ar allu'r myfyriwr i baratoi ar gyfer asesiadau a'u cwblhau, datganiad gan aelod o'r teulu/ffrind.
• Yn achos cyfrifoldebau gofal tymor hir, Pasbort Gofalwr.

Na allwch. Ni all myfyrwyr hunanardystio mwyach. Dylid darparu dogfennau annibynnol fel arfer i gadarnhau unrhyw geisiadau am amgylchiadau esgusodol ac mae'n rhaid iddynt gael eu dyddio o fewn mis i'r asesiad/arholiad yr effeithiwyd arno.

Bydd y terfyn amser ar gyfer cyflwyno cais am amgylchiadau esgusodol o fewn pum niwrnod gwaith i'r dyddiad asesu gwreiddiol cynharaf. Os ydych yn ansicr am y terfyn amser, a wnewch chi gysylltu â'ch Cyfadran/Tîm Profiad a Gwybodaeth Myfyrwyr am gadarnhad.

Gan ddibynnu ar eich amgylchiadau, efallai y gofynnir i chi gyflwyno tystiolaeth ategol. Peidiwch ag aros i gael gafael ar eich tystiolaeth cyn cyflwyno eich cais am amgylchiadau esgusodol i'r Gyfadran/Ysgol. A wnewch chi gyflwyno eich ffurflen cyn gynted ag y bo modd, a gellir cyflwyno unrhyw dystiolaeth ategol yn nes ymlaen. Bydd eich Cyfadran/Ysgol yn rhoi gwybod i chi a oes angen rhagor o dystiolaeth, ac os felly, y dystiolaeth y mae ei hangen.

Bydd eich Cyfadran/Ysgol yn cydnabod ei bod wedi derbyn eich cais ac yn rhoi gwybod i chi a oes angen rhagor o wybodaeth/dystiolaeth.

Bydd eich Cyfadran/Ysgol yn rhoi gwybod i chi am ganlyniad eich cais, fel arfer o fewn 14 diwrnod gwaith i'r cais gael ei gyflwyno.

Os caiff eich cais ei gymeradwyo, rhoddir gwybod i chi fod eich asesiad wedi cael ei ohirio/estyniad wedi cael ei gymeradwyo neu am unrhyw ganlyniad priodol arall. Fel arfer, rhoddir gwybod i chi drwy e-bost, ond bydd eich Cyfadran/Ysgol yn rhoi gwybod i chi os daw'r neges drwy gyfrwng arall.

Os na dderbynnir eich amgylchiadau, bydd y Bwrdd Arholi'n ystyried eich canlyniadau a dyfernir penderfyniad i chi sy'n seiliedig ar reoliadau asesu cyhoeddedig y Brifysgol.

Os bydd y Gyfadran/Ysgol yn gwrthod cais am amgylchiadau esgusodol ynghylch arholiad neu waith cwrs, cymerir y camau gweithredu canlynol:

• Os na wnaethoch roi cynnig ar yr asesiad, caiff marc o 0% (absenoldeb anawdurdodedig) ei gofnodi am yr asesiad a phenderfynir ar eich canlyniad cyffredinol yn unol â rheoliadau asesu'r rhaglen astudio; neu
• Os ydych wedi rhoi cynnig ar yr asesiad, caiff y gwaith a gyflwynwyd gennych ei farcio, caiff marc ei gofnodi a phenderfynir ar eich canlyniad cyffredinol yn unol â rheoliadau asesu'r rhaglen astudio.

Nid ystyrir apeliadau yn erbyn penderfyniadau a wnaed gan Gyfadrannau/Ysgolion fel arfer.

Os ydych yn teimlo y bu anghysondebau wrth gynnal y gweithdrefnau, dylech gysylltu â Thimau Profiad a Gwybodaeth Myfyrwyr perthnasol y Gyfadran/Ysgol yn y lle cyntaf.

Os oes gennych dystiolaeth newydd ynghylch cais a gyflwynwyd eisoes, gallwch ailgyflwyno hyn i Dimau Profiad a Gwybodaeth Myfyrwyr y Gyfadran/Ysgol i'w ailystyried os yw o fewn y terfynau amser a nodwyd.

Dim ond mewn achosion lle mae tystiolaeth feddygol yn ategu'r syniad nad oedd modd i chi benderfynu a oeddech mewn cyflwr priodol i ymgymryd ag asesiad neu i baratoi gwaith i'w asesu, a rhoi gwybod i'r Gyfadran/Ysgol, y bydd y Brifysgol yn derbyn ceisiadau am amgylchiadau esgusodol a gyflwynir ar ôl y dyddiad cau. Dylid rheoli ceisiadau o’r fath yn unol â'r Weithdrefn Apeliadau Academaidd.

Mae'r Brifysgol am gefnogi myfyrwyr sy'n profi amgylchiadau anodd, felly peidiwch â theimlo cywilydd wrth ddatgelu eich amgylchiadau.

Bydd holl staff y Brifysgol yn trin eich rhesymau fel rhai cyfrinachol, ac ni fyddant yn rhannu gwybodaeth amdanoch heb eich caniatâd.

Gall eich Tiwtor Personol a Thîm Profiad a Gwybodaeth Myfyrwyr eich Cyfadran eich helpu, neu eich atgyfeirio i rywun a all helpu gyda'ch amgylchiadau penodol, megis Arian@BywydCampws neu Llesiant@BywydCampws.

Bydd y Brifysgol yn ystyried ceisiadau â chydymdeimlad. Fodd bynnag, rhaid i chi benderfynu a ydych am ddatgelu'r amgylchiadau hyn i staff yn eich Cyfadran/Ysgol.

Efallai y byddwch yn teimlo y gallwch gwblhau eich asesiadau er gwaethaf eich amgylchiadau.

Os byddwch yn dewis peidio â chyflwyno cais o fewn y terfynau amser penodol, NI FYDD y Brifysgol fel arfer yn ystyried bod amgylchiadau esgusodol o’r fath yn sail ar gyfer apêl academaidd, yn erbyn penderfyniad gradd na phenderfyniad dilyniant.

Cyfadran/Ysgol

Bydd Timau Profiad a Gwybodaeth Myfyrwyr eich Cyfadran a'ch Tiwtor Personol yn gallu eich cynorthwyo a'ch cynghori ar y gweithdrefnau. 

Gwasanaethau Cymorth Myfyrwyr

Mae Gwasanaethau Cymorth Myfyrwyr y Brifysgol yn cynnig amrywiaeth eang o gymorth:

Gwasanaethau Lles – wellbeingdisability@abertawe.ac.uk 
Arian@BywydCampws – money.campuslife@abertawe.ac.uk   
Gwasanaethau Myfyrwyr Rhyngwladol – international.campuslife@abertawe.ac.uk 
Swyddfa Anableddau – disability@abertawe.ac.uk 

Ceir rhagor o wybodaeth am y gwasanaethau uchod drwy fynd i'r tudalennau gwe penodol.

Gwasanaethau Addysg

Gall y Gwasanaethau Addysg gynnig cyngor ar reoliadau a gweithdrefnau, ynghyd ag achosion o atal myfyrwyr dros dro a'u tynnu'n ôl. Mae croeso i chi e-bostio myunihub@abertawe.ac.uk. 

Canolfan Gyngor Undeb y Myfyrwyr

Gall Canolfan Gyngor Undeb y Myfyrwyr helpu gyda materion sy’n ymwneud â llety, teulu ac anawsterau personol, dyled, arian, cyflogaeth a materion academaidd. Mae croeso i chi e-bostio advice@swansea-union.co.uk.