Gweithiwr Proffesiynol Iechyd Meddwl Cymeradwy

Croeso i'r Dystysgrif Ôl-raddedig: Rhaglen Gweithiwr Proffesiynol Iechyd Meddwl Cymeradwy (AMHP). Rydym yn edrych ymlaen at eich gweld yn ymuno â ni ac yn gobeithiwn y byddwch yn mwynhau'r cwrs yn fawr, yngyd â'ch amser gyda ni ym Mhrifysgol Abertawe.

Cyd-gyfarwyddwr AMHP PGC

Dr Jodie Croxall

Rwy'n Gyd-gyfarwyddwr y Rhaglen PGCert Gweithiwr Iechyd Meddwl Proffesiynol Cymeradwy (AMHP) ym Mhrifysgol Abertawe. Mae fy ngyrfa academaidd yn rhychwantu 16 o flynyddoedd gyda phrofiad helaeth yn arwain rhaglenni proffesiynol ar draws meysydd iechyd a gofal cymdeithasol. Rwyf wedi gweithio'n agos gydag awdurdodau lleol, partneriaid yn y GIG a sefydliadau'r trydydd sector i sicrhau bod addysg yn cyd-fynd yn gadarn â blaenoriaethau ymarfer a pholisi.

Mae fy arbenigedd yn ymwneud â datblygu a chyfarwyddo cyrsiau sy'n paratoi ymarferwyr am rolau cymhleth ym meysydd iechyd a gofal cymdeithasol.  Yn ogystal â'm gwaith yn Abertawe, rwyf wedi gweithio mewn rolau uwch ym Mhrifysgol y Drindod Dewi Sant, gan gynnwys bod yn Gyfarwyddwr Academaidd ar gyfer Iechyd a Gofal Digidol ac yn Athro Cysylltiol.  Rwyf wedi bod yn rhan allweddol o ddatblygu rhaglenni, dylunio'r cwricwlwm, sicrwydd ansawdd a phrofiad myfyrwyr ar draws ystod o raglenni proffesiynol.

Yn ogystal â'm gwaith academaidd, rwy'n Rheolwr Ysbyty (y Ddeddf Iechyd Meddwl) ar gyfer Bwrdd Iechyd Prifysgol Hywel Dda, sy'n cryfhau ymhellach fy nghysylltiadau â chyfraith ac ymarfer iechyd meddwl.

Des i addysg uwch fel myfyriwr aeddfed, sydd wedi  llywio fy ngwaith addysgu ac ymchwil i ehangu cyfranogiad a phrofiadau myfyrwyr anhraddodiadol. Mae fy niddordebau ymchwil ehangach yn cynnwys profedigaeth, poblogaethau bregus ac anghydraddoldebau iechyd. Rwy'n Uwch-gymrawd o’r Academi Addysg Uwch ac rwyf wedi ennill gwobrau am ragoriaeth mewn addysgu a chyflogadwyedd myfyrwyr.

E-bost: j.croxall@abertawe.ac.uk

Dr Sue Carnes Chichlowska

Rwy'n Gyd-gyfarwyddwr y Rhaglen PGCert Gweithiwr Iechyd Meddwl Proffesiynol Cymeradwy (AMHP) ym Mhrifysgol Abertawe, yn gweithio gyda Jodie Croxall. Mae fy ngyrfa'n rhychwantu addysg, ymarfer iechyd meddwl ac iechyd cyhoeddus rhyngwladol gyda ffocws cyson ar wella mynediad at gymorth seicolegol a chryfhau'r gweithlu iechyd meddwl.

Rwyf wedi gweithio'n lleol ym Mwrdd Iechyd Prifysgol Hywel Dda fel Ymarferydd ac Ymchwilydd Iechyd Meddwl, gan ddatblygu cysylltiadau cryf rhwng astudiaethau academaidd ac ymarfer clinigol. Yn rhyngwladol, arweiniais raglen gradd Meistr mewn Iechyd Cyhoeddus yng Ngholeg Meddygaeth Canolbarth Affrica, lle y gwnes i hefyd gyd-greu rhaglen Meistr mewn Seicoleg Glinigol, gan helpu i ehangu cyfleoedd hyfforddiant iechyd meddwl.

Ym Mhrifysgol Abertawe, rwy’n arwain yr Uned Iechyd Meddwl yn yr Ysgol Iechyd a Gofal Cymdeithasol. Mae fy ngwaith ymchwil wedi canolbwyntio ar iechyd meddwl y cyhoedd, mynediad at therapïau seicolegol a meithrin gallu ar gyfer gwasanaethau iechyd meddwl. Rwy'n Uwch-gymrawd o’r Academi Addysg Uwch ac mae gennyf PhD, MSc, BSc (Cydanrhydedd) a TAR.

E-bost: s.c.chichlowska@abertawe.ac.uk

Ynghyd â Chyd-gyfarwyddwyr y rhaglen, bydd myfyrwyr yn cael eu haddysgu gan ystod eang o gyfranwyr gwadd, gan gynnwys ymarferwyr AMHP profiadol, arbenigwyr cyfreithiol a gweithwyr proffesiynol eraill ag arbenigedd sy'n berthnasol i ymarfer AMHP.

Drwy gydol ein rhaglenni gradd rydym yn gweithio i ddarparu cyfleoedd i’n myfyrwyr yn yr Ysgol, y ddinas ac o’i chwmpas, gyda’n partneriaid yn y diwydiant a chyfeirio at gyfleoedd rhyngwladol sydd ar gael i chi. Ein ffocws i chi yw eich barod ar gyfer y byd gwaith. I gael gwybod am y cyfleoedd a gewch yn yr Ysgol edrychwch ar ein tudalen we Menter a Chyflogadwyedd Myfyrwyr.

Fel myfyriwr ym Mhrifysgol Abertawe, byddwch yn cael y cyfle i ymgysylltu â diwydiant, cymryd cyfleoedd lleoliad a chwblhau profiad gwaith, fel eich bod yn gwbl barod ar gyfer y byd gwaith pan fyddwch yn ein gadael. Mae'r broses hon yn cael ei hwyluso gan y tîm Gyrfaoedd a Chyflogadwyedd sy'n anelu at ddarparu cyngor gyrfaoedd a chyfleoedd cyflogaeth i gyd dan yr un to.

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.