Sefydlu Gwaith Cymdeithasol

Annwyl ddarpar fyfyriwr gwaith cymdeithasol 

Ar ran y tîm addysgu gwaith cymdeithasol, hoffwn estyn croeso cynnes i chi i ymuno â ni ar y rhaglen MSc / BSc gwaith cymdeithasol. Rydym yn brysur yn paratoi ar gyfer eich cyrhaeddiad ac ar gyfer y flwyddyn sydd i ddod. Rydym wedi ymrwymo i roi profiad ardderchog i chi gyda ni a meddwl yn greadigol am y misoedd i ddod. Yn y cyfamser rydym yn gweithio'n agos gyda'n hawdurdodau lleol partner i gynllunio ymlaen llaw ar gyfer eich lleoliadau ymarfer gwaith cymdeithasol.

Cyn eich cyfnod sefydlu byddem yn eich annog i gwblhau'r holl wiriadau angenrheidiol megis y datganiad iechyd, y DBS a hunan-ddatgeliad. Mae hefyd yn bwysig iawn eich bod yn cofrestru fel myfyriwr gwaith cymdeithasol gyda Gofal Cymdeithasol Cymru. Bydd y pethau hyn yn gwneud i'ch ychydig wythnosau cyntaf fynd mor llyfn â phosibl.

Yn olaf, rydym wedi darparu rhestr ddarllen a byddem yn argymell eich bod yn defnyddio un neu ddwy o’r ffynonellau hyn dros yr haf i wlychu eich archwaeth am ddysgu a dod yn weithiwr cymdeithasol proffesiynol. 

dod yn fuan

.

Yma yn Abertawe, rydym yn gwneud pethau'n wahanol, gan wneud yn siŵr, o gychwyn cyntaf eich taith gyda ni, fod gennych yr holl gyngor a chyfleoedd cyflogaeth gyda’i gilydd.  Cewch gyfle i ymgysylltu ag ystod eang o gyflogwyr, i fanteisio ar gyfleoedd am leoliad gwaith ac i fynd ar brofiad gwaith, felly byddwch yn barod ar gyfer y byd gwaith pan fyddwch yn ein gadael ni.  Rydym yn gwneud yn siŵr bod eich profiadau dysgu a’ch profiadau cyflogadwyedd yn mynd law yn llaw gan arwain at yrfa lwyddiannus fel graddedig.

A oes angen i chi siarad ag Ymgynghorydd Gyrfaoedd? – Cliciwch yma.

https://myuni.swansea.ac.uk/cy/gyrfaoedd/

Drwy gydol ein rhaglenni gradd rydym yn gweithio i ddarparu cyfleoedd i’n myfyrwyr yn yr Ysgol, y ddinas ac o’i chwmpas, gyda’n partneriaid yn y diwydiant a chyfeirio at gyfleoedd rhyngwladol sydd ar gael i chi. Ein ffocws i chi yw eich barod ar gyfer y byd gwaith. I gael gwybod am y cyfleoedd a gewch yn yr Ysgol edrychwch ar ein tudalen we Menter a Chyflogadwyedd Myfyrwyr.

Fel myfyriwr ym Mhrifysgol Abertawe, byddwch yn cael y cyfle i ymgysylltu â diwydiant, cymryd cyfleoedd lleoliad a chwblhau profiad gwaith, fel eich bod yn gwbl barod ar gyfer y byd gwaith pan fyddwch yn ein gadael. Mae'r broses hon yn cael ei hwyluso gan y tîm Gyrfaoedd a Chyflogadwyedd sy'n anelu at ddarparu cyngor gyrfaoedd a chyfleoedd cyflogaeth i gyd dan yr un to.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd Personol yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd Personol hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.