Mae gwobrau Rhagoriaeth Abertawe'n bodoli i fyfyrwyr enwebu staff addysgu a/neu staff cymorth sydd wedi bod yn rhagorol, ac wedi rhagori yn eu gwaith.
Ar y dudalen hon gallwch ddysgu am y categorïau gwobrau, a nodi eich enwebiadau.
Gallwch enwebu mewn un, dau neu dri chategori. Mae cyfnod enwebu ar gyfer Bloc Addysgu 1 (mae enwebiadau ar agor rhwng mis Tachwedd 2026 a mis Ionawr 2027) ac mae cyfnod enwebu ar gyfer Bloc Addysgu 2 (mae enwebiadau ar agor rhwng mis Mawrth 2027 a mis Mai 2027).
Categorïau Gwobrau
ELTA
Mae'r Wobr Rhagoriaeth mewn Dysgu ac Addysgu (ELTA) yn wobr ar gyfer athrawon unigol. Gallwch wneud hyd at ddau enwebiad ar gyfer athrawon unigol, ond os byddwch chi eisiau gwneud mwy nag un enwebiad, mae'n rhaid i un fod o floc addysgu 1 ac un o floc addysgu 2. Os ydych chi'n gwneud un enwebiad yn unig, gall fod o unrhyw un.
ESSA
Dyfernir y Wobr Cymorth Rhagorol i Fyfyrwyr (ESSA) i aelodau staff unigol, neu dîm cymorth cyfan. Gallwch enwebu unigolyn neu dîm ar gyfer y wobr hon.
ETTA
Dyfernir y Wobr Rhagoriaeth mewn Addysgu fel Tîm (ETTA) i dimau o athrawon. Gallwch wneud hyd at ddau enwebiad ar gyfer timau addysgu, ond os byddwch chi eisiau gwneud mwy nag un enwebiad, mae'n rhaid i un fod o floc addysgu 1 ac un o floc addysgu 2. Os ydych chi'n gwneud un enwebiad yn unig, gall fod o unrhyw un.
Sylwer: Os yw unigolyn neu dîm wedi ennill yn y tair blynedd diwethaf, ni allent ennill eto eleni. Gwiriwch y rhestr o enillwyr blaenorol cyn cyflwyno eich enwebiadau.
Gwneud enwebiad
Rydw i eisiau enwebu athro ar gyfer ELTA
Gwobr Rhagoriaeth mewn Dysgu ac Addysgu 2026/27
Ydych chi'n cael eich addysgu gan athro hynod arloesol ac ardderchog? Rhywun sy'n creu profiad dysgu cefnogol a phersonol sy'n caniatáu i bob myfyriwr ffynnu a gwireddu ei botensial llawn?
Mae'r wobr hon i gydnabod aelodau unigol o staff addysgu - megis darlithwyr, technegwyr a thiwtoriaid - sy'n anelu at ragoriaeth addysgu a'i gyflawni.
Bydd y panel dyfarnu’n ystyried y meini prawf canlynol ond heb fod yn gyfyngedig iddynt:
- Effaith ar ddysgu'r myfyrwyr
- Pa mor gefnogol ydynt o'r myfyrwyr a'u haddysgu
- Brwdfrydedd am addysgu, dysgu a'r pwnc
- Defnydd o ddulliau a/neu arloesedd priodol
Po fwyaf o wybodaeth ag y gallwch ei roi yn eich enwebiad, mwy o siawns fydd ganddo. Bydd enwebiadau sydd â dyfnder ac enghreifftiau o ragoriaeth addysgu'n sgorio'n fwy uchel.
Cyn i chi enwebu ...
- Os nad ydych chi eisoes wedi gwneud hynny, gwiriwch ein rhestr o enillwyr blaenorol i weld pa ddarlithwyr nad ydynt yn gymwys eleni - nid ydynt yn gallu ennill os ydynt wedi ennill yn y tair blynedd diwethaf
- Bydd gan eich darlithydd gyfle gwell o ennill os gallwch chi gynnwys gwybodaeth benodol yn eich enwebiad. Ewch i'n tudalen Cyngor ynghylch Enwebu i ddarganfod sut i ysgrifennu enwebiad da.
Rydw i eisiau enwebu aelod o staff ar gyfer ESSA
Gwobr Cymorth Rhagorol i Fyfyrwyr 2026/27
A oes aelod o staff mewn rôl gymorth (h.y. heblaw am addysgu) neu dîm cymorth sydd wedi cyfrannu'n sylweddol at eich profiad fel myfyriwr ac wedi cael effaith gadarnhaol ar eich amser yn Abertawe?
Nod y wobr hon yw cydnabod a dathlu'r aelodau staff hynny, a'r hyn y maent yn ei wneud, drwy amlygu’r gwaith a'r cyfraniad allweddol maen nhw'n eu gwneud wrth greu profiad rhagorol i fyfyrwyr yma.
Gall hyn fod yn unrhyw un, o'r gweinyddwyr yn eich adran, i'r llyfrgellwyr, i staff cymorth TG, i'r technegwyr yn eich labordy.
Sylwer: Nid yw hon yn wobr ar gyfer staff addysgu academaidd. Bydd aelodau staff sy'n cael eu cyflogi fel darlithwyr / arweinwyr seminar / tiwtoriaid yn cael eu dileu o ddosbarthiad y wobr hon yn awtomatig.
Bydd y panel dyfarnu yn ystyried y meini prawf canlynol ond heb fod yn gyfyngedig iddynt:
- Effaith gadarnhaol ar fyfyrwyr a/neu brofiad y myfyrwyr
- Gweithio uwchben y lefel ddisgwyliedig
- Gwasanaeth cwsmeriaid rhagorol
- Sut, neu pam mae gan y person neu'r tîm hwn nodweddion arbennig
Po fwyaf o wybodaeth ag y gallwch ei rhoi yn eich enwebiad, mwy o siawns fydd ganddo. Bydd enwebiadau gyda dyfnder ac enghreifftiau o ragoriaeth yn sgorio'n fwy uchel.
Cyn i chi enwebu...
- Os nad ydych chi eisoes wedi gwneud hynny, gwiriwch ein rhestr o enillwyr blaenorol i weld pwy nad yw’n gymwys eleni - nid yw’n gallu ennill os yw wedi ennill yn y tair blynedd diwethaf
- Bydd gan eich darlithydd gyfle gwell o ennill os gallwch chi gynnwys gwybodaeth benodol yn eich enwebiad. Ewch i'n tudalen Cyngor Enwebu i ddarganfod sut i ysgrifennu enwebiad da.
Rydw i eisiau enwebu tîm addysgu/cwrs am ETTA
Gwobrau Rhagoriaeth mewn Addysgu fel Tîm 2026/27
Ydych chi'n cael eich addysgu gan dîm addysgu hynod arloesol ac ardderchog?
Gall hyn fod yn dîm cwrs cyfan, neu fwy nag un darlithydd sy'n cydweithio ar fodiwl unigol. Tîm sy'n creu profiad dysgu cefnogol a phersonol ac sy'n annog ac yn caniatáu i bob myfyriwr ffynnu a gwireddu ei botensial llawn?
Mae'r wobr hon yn cydnabod timau o staff addysgu sy'n ymdrechu ac yn gwireddu rhagoriaeth addysgu.
Bydd y panel dyfarnu’n ystyried y meini prawf canlynol ond heb fod yn gyfyngedig iddynt:
- Gwaith tîm a chydweithredu effeithiol.
- Timau'n gweithio gyda'i gilydd i gefnogi dysgu myfyrwyr.
- Cyfleoedd i fyfyrwyr fod yn rhan o'u dysgu eu hunain.
- Addysgu a / neu gymorth i fyfyrwyr o ansawdd uchel.
Sylwer: Nid yw hon yn wobr ar gyfer aelodau unigol o staff addysgu academaidd. Caiff enwebiadau ar gyfer aelodau staff unigol eu dileu'n awtomatig o ddosbarthiad y wobr hon.
Po fwyaf o wybodaeth ag y gallwch ei roi yn eich enwebiad, mwy o siawns fydd ganddo. Bydd enwebiadau gyda dyfnder ac enghreifftiau o ragoriaeth addysgu a gweithio mewn tîm yn sgorio'n fwy uchel. Cofiwch ystyried y meini prawf beirniadu wrth ysgrifennu eich enwebiad.
Cyn i chi enwebu...
- Os nad ydych chi eisoes wedi gwneud hynny, gwiriwch ein rhestr o enillwyr blaenorol i weld pwy nad ydynt yn gymwys eleni - nid ydynt yn gallu ennill os ydynt wedi ennill yn y tair blynedd diwethaf
- Bydd gan eich darlithydd gyfle gwell o ennill os gallwch chi gynnwys gwybodaeth benodol yn eich enwebiad. Ewch i'n tudalen Cyngor Enwebu i ddarganfod sut i ysgrifennu enwebiad da.