Rheoliadau Asesu Gyfadran Meddygaeth, Gwyddorau Iechyd a Bywyd

1. Rheoliadau Cyffredinol

 G1

Y marc Pasio ar gyfer modiwlau fydd 40%. Caiff credydau eu dyfarnu i ymgeiswyr sy'n pasio pob cydran o fodiwl ac sy'n cwrdd â'r gofynion isod yn unig. Mewn rhai achosion, gall y Gyfadran/Ysgol osod marc llwyddo uwch ar gyfer modiwlau neu gydrannau modiwlau. Dylai'r wybodaeth hon fod ar gael yn Hyb Canvas eich Ysgol/Rhaglen.

G2

Gall pob modiwl mewn rhaglenni sy'n arwain at ddyfarniad academaidd a chofrestriad proffesiynol fod â chydrannau asesu lluosog. Mae'n rhaid i fyfyrwyr basio'r holl gydrannau os oes sawl cydran asesu. Mae hyn yn cynnwys unrhyw asesiad ymarfer clinigol neu bortffolio. Cyfrifir y marc cyfartalog ar gyfer y modiwl drwy ddefnyddio'r pwysoliadau y manylir arnynt ym mhro fforma'r modiwl. Os yw myfyriwr yn methu unrhyw gydran asesu, ystyrir bod y modiwl wedi'i fethu er gwaethaf y marc cyfartalog cyffredinol ac ni ddyfernir unrhyw gredydau.

G3

Er mwyn symud ymlaen o un lefel i'r nesaf mae'n rhaid i fyfyriwr lwyddo mewn 120 o gredydau drwy lwyddo ymhob gydran ar gyfer modiwl unigol. Bydd y marc llwyddo fel arfer yn 40% oni nodir yn wahanol yng ngwybodaeth y modiwl.

G4

Rhaid i ymgeiswyr fodloni gofynion ymgysylltu ac asesu'r holl fodiwlau ac ennill cyfanswm o 120 o bwyntiau credyd fan leiaf.

G5

I gydymffurfio â safonau neu ofynion Cyrff Proffesiynol, Statudol a Rheoleiddiol, ni chaniateir gwneud iawn am fodiwlau yn rhaglenni proffesiynol y Gyfadran Meddygaeth, Iechyd a Gwyddor Bywyd.

G6

Mae'r Gyfadran/Ysgol yn ystyried pob cydran o fodiwl(au) yn 'graidd" (h.y. rhaid ei basio cyn y gall ymgeisydd symud ymlaen o un Lefel i'r llall).

G7

Bydd rhaid i fyfyriwr llawn-amser gwblhau lefel astudio o fewn uchafswm o ddwy sesiwn academaidd, yn amodol ar gyfyngiadau amser y radd.

Fel arfer bydd yn rhaid i fyfyriwr rhan-amser gwblhau lefel astudio o fewn uchafswm o dair sesiwn academaidd, yn amodol ar gyfyngiadau amser y radd.

G8

Bydd rhaid i fyfyrwyr sy'n methu â phasio un gydran neu ragor o fodiwl wneud yn iawn am y methiant/methiannau. Caiff marciau ymgeiswyr yn Lefelau 5 a 6 sy'n bodloni'r aseswyr mewn cydrannau asesu unigol wrth ailsefyll eu capio i 40% o'r gydran asesu benodol. Ni chaiff marciau ymgeiswyr eu capio ar Lefel 3 a 4.

Fodd bynnag, wrth ailsefyll y gyfran/cydrannau asesu, bydd y marc cyfartalog cyffredinol a ddefnyddiwyd at ddibenion pennu dosbarth gradd yn ddibynnol ar y pwyntiau canlynol:

• Os yw'r marc cyfartalog cyffredinol yn cael ei gyfrifo ar y marciau a gafwyd yn y cais cyntaf ar gyfer pob cydran asesu yn uwch na 40%, defnyddiwr y marc hwnnw at ddibenion pennu dosbarth gradd. Hynny yw, bydd ailsefyll y gydran/cydrannau asesu a fethwyd yn caniatáu i'r myfyriwr gael credyd am y modiwl hwnnw'n unig ac ni fydd yn effeithio ar y marc cyfartalog cyffredinol gwreiddiol.
• Os yw'r marc cyfartalog cyffredinol ar gyfer y modiwl yn is na 40% yn dilyn y cais cyntaf o'r gydran asesu unigol, caiff y cyfartaledd cyffredinol a addaswyd, a fydd wedi'i godi o ganlyniad i lwyddo yn y cydrannau a fethwyd, yn cael eu capio ar 40%.

G9

Ni fydd hawl gan ymgeiswyr sydd wedi cymhwyso i symud ymlaen o un Lefel Astudio i’r nesaf ddewis ailadrodd unrhyw fodiwl a basiwyd eisoes er mwyn gwella eu perfformiad.

G10

Cydnabyddir na fydd modd i rai ymgeiswyr fynychu arholiadau neu gyflwyno gwaith cwrs ar y dyddiad a gytunir e.e. oherwydd salwch neu amgylchiadau esgusodol eraill. Caiff pob cais o'r fath ei ystyried yn unol â Pholisi'r Brifysgol ar Amgylchiadau Esgusodol sy'n Effeithio ar Asesu. Yn achos ymgeiswyr na allant fynychu arholiad oherwydd amgylchiadau esgusodol, rhaid cyflwyno cais am ohiriad i'r Gyfadran naill ai cyn dyddiad yr arholiad neu o fewn pum niwrnod ar ôl yr arholiad. Mae'n rhaid i geisiadau am ohiriadau gael eu hystyried a'u  cefnogi gan y Gyfadran berthnasol. Caiff ceisiadau i ystyried amgylchiadau esgusodol sy'n effeithio ar waith cwrs eu hystyried yn unol â'r gweithdrefnau sefydledig sydd ar waith yn y Gyfadran Meddygaeth, Iechyd a Gwyddor Bywyd ac yn unol â'r Polisi ar Amgylchiadau Esgusodol. Bydd y gweithdrefnau hyn ar gael i fyfyrwyr yn flynyddol.

Cynghorir myfyrwyr a staff i ddarllen Polisi'r Brifysgol ar Amgylchiadau Esgusodol.

G11

Gellir gwneud penderfyniadau dilyniant i ymgeiswyr rhan-amser gan Fwrdd Dilyniant a Dyfarnu'r Brifysgol cyn gwybod canlyniadau portffolio llawn o fodiwlau.

G12

Ni fyddai disgwyl i Fwrdd Dilyniant a Dyfarnu'r Brifysgol ganiatáu i ymgeisydd fynd ymlaen i’r Lefel Astudio nesaf oni bai ei fod wedi bodloni'r meini prawf sylfaenol.

G13

Cyflwynir penderfyniad academaidd o Dynnu'n ôl o'r Brifysgol yn ofynnol i ymgeiswyr sy'n methu â chwblhau lefel astudio.

Ni roddir unrhyw geisiadau pellach i wneud iawn am fethiannau i fyfyrwyr y mae'n ofynnol iddynt dynnu'n ôl o'r Brifysgol. Ni fydd ymgeiswyr yn gymwys i drosglwyddo credydau i raglen astudio arall ym Mhrifysgol Abertawe a bydd eu hastudiaethau'n cael eu terfynu. Fel arfer, os yw ymgeisydd yn cael penderfyniad "gofynnir i chi adael y Brifysgol" ni chaiff ei aildderbyn i'r un rhaglen astudio, nac i raglen berthynol, heb gymeradwyaeth y Pwyllgor Recriwtio a Derbyn.

Gan ddibynnu ar nifer y credydau a enillwyd, gall y myfyrwyr hynny fod yn gymwys ar gyfer cymhwyster ymadael (gweler G23). Bwrdd Dilyniant a Dyfarniadau’r Brifysgol fydd yn gyfrifol am ystyried nifer y credydau a enillwyd ac, os yw’n briodol, am ddyfarnu’r cymhwyster ymadael perthnasol. 

G14

Rhaid i fyfyrwyr lynu wrth egwyddorion cyfrinachedd o ran asesu.Pan fydd angen i fyfyrwyr drafod sefyllfaoedd mewn lleoliad ymarfer neu fyfyrio arnynt, rhaid iddynt anonymeiddio unrhyw fanylion yn gyntaf a allai arwain at adnabod pobl neu leoedd o'r ymarfer er mwyn diogelu cyfrinachedd.Dylid cynnwys datganiad sy'n nodi bod enwau a lleoedd wedi cael eu newid i ddiogelu cyfrinachedd.Bydd mwy o wybodaeth am gyfrinachedd ar gael ar hybiau Canvas.

G15

Caiff myfyrwyr eu rhybuddio o ran os bydd gwaith y maen nhw'n ei gyflwyno ar gyfer asesu'n cynnwys arferion a ystyrir yn anniogel ac nid ydynt yn cael eu cydnabod felly, gellir dyfarnu marc o 0% iddynt.

Rheoliadau Penodol ar gyfer:

BSc Nyrsio (Oedolyn)

BSc Nyrsio (Plentyn)

BSc Nyrsio (Iechyd Meddwl)

BSc Nyrsio rhan amser (Oedolyn)

BSc Nyrsio rhan amser (Iechyd Meddwl)

BMid Bydwreigiaeth 

Diploma Gwyddor Barafeddygol

Bsc Gwyddor Barafeddygol

BSc Gwaith Cymdeithasol (llawn amser a rhan amser)

S1

Yn gyffredinol, caniateir hyd at ddau gais i ymgeiswyr wneud yn iawn am fethiannau mewn unrhyw gydran asesu modiwl cyhyd ag y gellir llwyddo i wneud hynny o fewn dwy sesiwn academaidd ac o fewn cyfyngiad amser y radd. Cynigir y cais cyntaf i wneud yn iawn am fethiant fel arfer mor agos â phosib i ddyddiad yr asesiad arferol (fel arfer o fewn 8 i 10 wythnos).

S2

Yn achos methiant mewn cyfansoddyn ymarfer ar y rhaglen BSc mewn Therapi Galwedigaethol, caniateir i ymgeiswyr gael un ymgais yn unig i wneud iawn am y methiant, fel rheol yn ystod yr un sesiwn academaidd. Bydd ymgeiswyr yn ymgymryd â’r lleoliad ymarfer llawn er mwyn cyflwyno’r asesiad(au) ymarfer.

S3

Bydd myfyrwyr sy’n astudio’r BSc mewn Therapi Galwedigaethol nad ydynt yn llwyddo mewn dau fodiwl ymarfer olynol ar yr ymgais cyntaf yn cael eu tynnu’n ôl o’r rhaglen.

S4

Gellir cynnig ail gais i wneud iawn am fethiant ar argymhelliad Bwrdd Dilyniant a Dyfarniadau'r Brifysgol.

Bydd myfyrwyr sy'n gwneud iawn am eu methiant ar yr ail gais yn cael eu hystyried yn "ymgeiswyr allanol" a chaiff eu dyfarniad bwrsariaeth ei atal.

Unwaith y penderfynwyd bod ymgeisydd wedi gwneud iawn am y methiant yn llwyddiannus ac wedi cwblhau'r lefel astudio, bydd yn cael caniatâd i ailddechrau ei astudiaethau ar adeg y bernir ei fod yn briodol gan y Gyfadran.

S5 Asesiad Ymarfer

S5.1 Therapi Galwedigaethol

Gall myfyrwyr sydd wedi cofrestru ar raglenni therapi galwedigaethol fethu un lleoliad gwaith yn unig yn ystod cyfnod y rhaglen.

 Os bydd ail leoliad gwaith yn cael ei fethu yna bydd angen iddynt dynnu'n ôl o'r rhaglen.

Bydd yn ofynnol i fyfyrwyr ohirio eu hastudiaethau dros dro a chwblhau'r modiwl lleoliad gwaith yn y sesiwn academaidd nesaf os nad ydynt yn cwblhau'r modiwl lleoliad gwaith yn llwyddiannus.

Nid oes modd i fyfyrwyr therapi galwedigaethol gario lleoliad gwaith sydd heb ei gwblhau i'r lefel astudio nesaf.

S5.2

Bydd gan fyfyrwyr ar raglenni proffesiynol eraill un cyfle yn unig i ailgyflwyno eu dogfen asesu ymarfer neu bortffolio asesiad clinigol yn ystod pob lefel astudio.

Nid oes angen i fyfyrwyr sydd wedi pasio pob cydran academaidd, ond sydd â chynnig a ohiriwyd ar eu PAD, ohirio eu hastudiaethau.

Yn yr achosion hynny bydd myfyrwyr lefel 4 neu 5 yn derbyn penderfyniad CARIO gan y bwrdd dilyniant a bydd caniatâd iddynt symud ymlaen i'r lefel astudio nesaf.

Mae'n rhaid iddynt gyflwyno'r asesiad PAD a ohiriwyd ar ddiwedd pedair wythnos gyntaf y cyfle lleoliad dysgu nesaf. Bydd angen iddynt gwblhau hwn ochr yn ochr â'r dysgu ar gyfer y lefel astudio nesaf.

Bydd gan y myfyrwyr hynny nad ydynt yn llwyddo yng nghynnig cyntaf gohiriedig yr asesiad PAD ar ôl pedair wythnos gyntaf y lleoliad gwaith, wythnos ychwanegol i gwblhau'r PAD.

Bydd y myfyrwyr hynny nad ydynt yn pasio'r asesiad PAD ar yr ail ymgais ar ôl pedair wythnos gyntaf y lleoliad gwaith yn cael eu tynnu'n ôl o'r rhaglen.

Bydd gan fyfyrwyr y flwyddyn olaf benderfyniad SUPP a byddant yn cael pedair wythnos ychwanegol o leoliad dysgu i gwblhau'r PAD a ohiriwyd. 

Darperir wythnos ychwanegol os yw myfyrwyr yn methu cynnig cyntaf gohiriedig ar ôl y pedair wythnos hyn.

S6

Bydd yn rhaid i "Ymgeiswyr Allanol" gofrestru yn y Brifysgol a thalu ffïoedd ymgeiswyr allanol, fel y bo'n briodol. Ni chaniateir i ymgeiswyr o'r fath fynychu darlithoedd, derbyn gwersi neu gael mynediad at gyfleusterau Prifysgol. Disgwylir i ymgeiswyr allanol fynychu'r Brifysgol (neu leoliadau dynodedig eraill tebyg yn ôl y galw) er mwyn sefyll arholiadau neu gyflwyno asesiadau'n unig, yn ôl yr angen. 

S7

Mewn amgylchia7dau eithriadol, y mae'n rhaid darparu tystiolaeth annibynnol ar eu cyfer, gellir caniatáu trydedd cais at wneud yn iawn am fethiant ar ddisgresiwn Bwrdd Dilyniant a Dyfarnu'r Brifysgol. Caniateir hyn dim ond os gellir ei gyflawni o fewn dwy sesiwn academaidd ac o fewn y cyfyngiad amser ar gyfer y radd. Caiff myfyrwyr o'r fath eu cofnodi o hyd fel ymgeiswyr allanol a chaiff eu dyfarniad bwrsariaeth ei atal.

S8

Caiff penderfyniadau ar ddilyniant ymgeisydd o un lefel astudio i lefel arall eu cymryd gan Fwrdd Dilyniant a Dyfarniadau'r Brifysgol yn unol â'r canllawiau dilynol:

Rheolau dilyniant penodol ar gyfer carfanau Gwyddor Parafeddygol cyn y broses o drawsnewid y cwricwlwm

Mae'r gwelliant dilyniant dros dro canlynol yn berthnasol i fyfyrwyr sydd wedi cofrestru ar y Trawsnewidiad cyn y Cwricwlwm yn unig:

• BSc (Anrh.) Gwyddor Barafeddygol; a BSc (Anrh.) Gwyddor Barafeddygol ar gyfer myfyrwyr Technegwyr Meddygol Brys o garfannau Medi 2024 a Medi 2025 yn unig.

S.1 Dilyniant Amodol yn Dilyn Methiant ar yr Ail Ymgais

1. Gall myfyriwr sydd wedi methu asesiad ar yr ail ymgais ac y byddai fel arfer yn ofynnol iddo ddod yn fyfyriwr allanol er mwyn gwneud trydedd ymgais, gael caniatâd, yn ôl disgresiwn y Bwrdd Asesu, i symud ymlaen yn amodol i'r lefel astudio nesaf gyda'i garfan bresennol.
2. Nid yw symud ymlaen yn amodol o dan y rheoliad hwn yn awtomatig, ac mae'n parhau i fod yn amodol ar gymeradwyaeth y Bwrdd Asesu perthnasol ac unrhyw weithdrefnau eraill y Brifysgol sy'n berthnasol.
3. Bydd y trefniant arbennig hwn yn gymwys dim ond pan fydd y Bwrdd Asesu yn barnu bod swm y gwaith asesu sy'n weddill ac sy'n gofyn am drydydd ymgais yn gyfyngedig ac yn rheoladwy ochr yn ochr ag astudio ar y lefel ddilynol.Wrth wneud y penderfyniad hwn, rhaid i'r Bwrdd Asesu ystyried natur, maint a nifer y cydrannau asesu sy'n weddill, yn hytrach na gwerth credyd y modiwl (neu'r modiwlau) y maent yn rhan ohonynt yn unig.
4. Ni fydd myfyrwyr sydd â swm sylweddol o waith asesu heb ei gwblhau, i'r graddau y byddai symud ymlaen yn creu baich asesu afresymol neu'n peryglu safonau academaidd neu broffesiynol, fel arfer yn gymwys i symud ymlaen yn amodol o dan y rheoliad hwn.
5. Fel arfer, dylid cwblhau'r asesiad sy'n weddill ymhen pedair i chwe wythnos gyntaf y flwyddyn academaidd ddilynol, neu ar y cyfle asesu priodol cynharaf a gymeradwyir gan Gyfarwyddwr y Rhaglen a'r Bwrdd Asesu.
6. Gall myfyriwr sy'n cwblhau'r asesiad sy'n weddill yn llwyddiannus ar y trydydd ymgais cymeradwy barhau ar y rhaglen, yn amodol ar gydymffurfio â holl ofynion eraill y rhaglen o ran asesiad, proffesiynoldeb,  ymddygiad a dilyniant.
7. Bydd angen i fyfyriwr sy'n methu'r asesiad sy'n weddill ar y trydydd ymgais, fel arfer, dynnu'n ôl o'r rhaglen, oni bai bod amgylchiadau esgusodol cymeradwy wedi'u derbyn yn unol â rheoliadau'r Brifysgol.

S.2 Amodau Dilyniant Amodol

Bydd myfyriwr a ganiateir i symud ymlaen o dan Reoliad S.1 yn ddarostyngedig i'r amodau canlynol:

1. rhaid i’r myfyriwr fod wedi defnyddio ei ail ymgais asesu a pharhau’n gymwys am drydydd cynnig yn unol â’r rheoliadau perthnasol.
2. rhaid i'r Bwrdd Asesu ystyried bod swm y gwaith asesu sy'n weddill yn ddigon cyfyngedig i ganiatáu dilyniant amodol heb greu baich asesu sylweddol;
3. rhaid cwblhau'r asesiad(au) sy'n weddill cyn diwedd yr amserlen a bennir gan y Bwrdd Asesu;
4. rhaid i'r myfyriwr ymgysylltu ag unrhyw drefniadau cymorth academaidd, clinigol, ymarfer-seiliedig, proffesiynol neu fugeiliol sy'n ofynnol gan y rhaglen;
5. bydd parhad ar y rhaglen yn aros yn amodol hyd nes y bydd y gofyniad/gofynion asesu sy'n weddill wedi'u cwblhau'n llwyddiannus;ac
6. fel arfer, bydd methu ar y trydydd ymgais cymeradwy yn arwain at gael eich tynnu oddi ar y rhaglen, oni bai bod amgylchiadau esgusodol cymeradwy yn berthnasol.

Adran S.3 Gofynion Asesu Ymarfer Clinigol

1. Pan fo'r elfen sydd heb ei phasio yn Asesiad Ymarfer Clinigol (CPA), gall y Bwrdd Asesu ganiatáu i'r myfyriwr symud ymlaen yn amodol i'r lefel astudio nesaf a chario'r gofyniad CPA sydd heb ei gwblhau.
2. Fel arfer, dylid cwblhau'r CPA sy'n weddill ymhen pedair wythnos o ddechrau'r bloc lleoliad cyntaf yn y flwyddyn academaidd ddilynol.
3. Yn ystod y cyfnod hwn, rhaid i'r myfyriwr barhau i fodloni holl ofynion y rhaglen o ran proffesiynoldeb, ymarfer, ymddygiad, iechyd, cymeriad a lleoliadau.
4. Bydd methu â chwblhau’r gofyniad CPA sy'n weddill yn unol â'r amserlen gymeradwyedig, neu fethu'r CPA ar yr ymgais asesu gymeradwyedig, fel arfer yn arwain at gael eich tynnu oddi ar y rhaglen, oni bai bod amgylchiadau amgylcheddol cymeradwy wedi'u derbyn yn unol â rheoliadau'r Brifysgol.

S.4 Safonau Academaidd a Phroffesiynol

1. Nid yw'r gwelliant dilyniant dros dro hwn yn addasu nac yn dileu unrhyw ganlyniadau dysgu rhaglenni, canlyniadau dysgu modiwlau, safonau asesu, cymwyseddau proffesiynol, gofynion ymarfer na gofynion dyfarnu.
2. Mae myfyrwyr yn parhau i fod yn destun i'r holl ofynion proffesiynol, rheoleiddiol a rhaglen a rhaid iddynt gwblhau'r holl asesiadau a chydrannau ymarfer gofynnol yn llwyddiannus er mwyn symud ymlaen a bod yn gymwys ar gyfer y dyfarniad.

S.5 Myfyrwyr sy'n Dychwelyd yn Dilyn Gohirio Astudiaethau

1.Pan fydd myfyriwr o garfan cyn y broses o Drawsnewid y Cwricwlwm yn atal ei astudiaethau ac yn dychwelyd yn ystod y cyfnod pontio, bydd y Bwrdd Asesu yn ystyried sefyllfa'r myfyriwr gan gyfeirio at:

1. 1. a. ddarpariaethau'r diwygiad hwn;
   2. b. proffil asesu'r myfyriwr;
   3. c. gofynion y rhaglen a phroffesiynol;ac
   4. d. argaeledd llwybr dychwelyd sy'n briodol yn academaidd.

2. Wrth wneud ei benderfyniad, gall y Bwrdd Asesu ystyried yr angen i osgoi anfantais academaidd lle byddai gweithredu'r trefniadau safonol myfyrwyr allanol neu fyfyrwyr sy'n dychwelyd fel arall yn ei gwneud yn ofynnol i'r myfyriwr drosglwyddo i raglen Trawsnewid Cwricwlwm nad yw'n cyfateb.

Rheoliadau Penodol ar gyfer:

BSc Gwyddor Gofal Iechyd (Clywedeg)

BSc Gwyddor Gofal Iechyd (Ffisioleg Gardiaidd)

BSc Gwyddor Gofal Iechyd (Niwroffisioleg)

BSc Gwyddor Gofal Iechyd (Gwyddor Anadlu a Chwsg)

BSc Gwyddoniaeth Gofal Iechyd (Ffiseg Ymbelydredd)

BSc Gwyddor Gofal Iechyd (Ffiseg Radiotherapi)

BSc Gwyddor Gofal Iechyd (Peirianneg Adsefydlu)

BSc Gwyddor Gofal Iechyd (Peirianneg Feddygol)

BSc Gwyddor Gofal Iechyd (Meddygaeth Niwclear)

BSc Gwaith Cymdeithasol

BSc (Anrh) Ran-amser Gwyddor Gofal Iechyd (Clywedeg)

BSc (Anrh.) Gwyddor Gofal Iechyd (Peirianneg Adsefydlu)

BSc (Anrh) Ran-amser Gwyddor Gofal Iechyd (Peirianneg Adsefydlu)

BSc (Anrh.) Gwyddor Gofal Iechyd (Peirianneg Feddygol)

BSc (Anrh) Ran-amser Gwyddor Gofal Iechyd (Peirianneg Fecanyddol)

S1

Yn gyffredinol, caniateir hyd at ddau gais i ymgeiswyr wneud yn iawn am fethiannau mewn unrhyw gydran asesu modiwl cyhyd ag y gellir llwyddo i wneud hynny o fewn dwy sesiwn academaidd ac o fewn cyfyngiad amser y radd. Bydd y cais cyntaf at wneud yn iawn am fethiant fel arfer yn cymryd lle yn y pwynt asesu nesaf a drefnir (fel arfer yn ystod y Cyfnod Asesu Ychwanegol).

S2

Gellir cynnig ail gais at wneud yn iawn am fethiant ar argymhelliad Bwrdd Dilyniant a Dyfarnu'r Brifysgol. Bydd ymgeiswyr sy'n gwneud yn iawn am eu methiant ar yr ail gais yn cael eu hystyried yn "ymgeiswyr allanol" a chaiff eu dyfarniad bwrsariaeth yn cael ei atal. 

Unwaith y penderfynir bod yr ymgeisydd wedi gwneud yn iawn am y methiant yn llwyddiannus a'i fod wedi cwblhau'r lefel astudio, caniateir iddo ailddechrau ei astudiaethau ar bwynt sy'n cael ei ystyried yn briodol gan y Gyfadran/Ysgol, os yw'n berthnasol.

S3

Mewn achos o fethu cydran ymarferol yn y rhaglen BSc Gwaith Cymdeithasol, caniateir un cais yn unig i ymgeiswyr wneud yn iawn am y methiant fel ymgeisydd allanol ar y cyfle nesaf a drefnwyd yn ystod y sesiwn academaidd nesaf. Oherwydd y caiff lleoliadau eu cydlynu a'u trefnu gyda'r darparwyr lleoliadau, ni fydd cyfle o wneud yn iawn am fethiant yn y gydran ymarferol yn ystod y cyfnod asesu ychwanegol.

S4

Mewn amgylchiadau eithriadol, y mae'n rhaid darparu tystiolaeth annibynnol ar eu cyfer, gellir caniatáu trydedd cais at wneud yn iawn am fethiant ar ddisgresiwn Bwrdd Dilyniant a Dyfarnu'r Brifysgol. Caniateir hyn dim ond os gellir ei gyflawni o fewn dwy sesiwn academaidd ac o fewn cyfyngiad amser y radd. Caiff myfyrwyr o'r fath eu cofnodi'n fyfyrwyr "ymgeiswyr allanol" a chaiff eu dyfarniad bwrsariaeth ei atal.

S5

Bydd yn ofynnol i "ymgeiswyr allanol" gofrestru gyda'r Brifysgol a thalu ffïoedd ymgeiswyr allanol, fel y bo'n briodol. Ni chaniateir i ymgeiswyr o'r fath fynychu darlithoedd, derbyn gwersi neu gael mynediad at gyfleusterau Prifysgol. Disgwylir i ymgeiswyr allanol fynychu'r Brifysgol (neu leoliadau dynodedig eraill tebyg yn ôl y galw) er mwyn sefyll arholiadau neu gyflwyno asesiadau'n unig, yn ôl yr angen.

S6

Caiff penderfyniadau ar ddilyniant ymgeisydd o un lefel o astudio i lefel arall eu cymryd gan Fwrdd Dilyniant a Dyfarniadau'r Brifysgol diwedd lefel, yn unol â'r canllawiau canlynol:

S7

Bydd penderfyniadau ar ddilyniant ymgeisydd y bu'n rhaid iddo wneud yn iawn am fethiannau neu a roddwyd gohiriad iddo (wedi'i gapio neu heb ei gapio) gan Fwrdd Dilyniant diwedd lefel yn cael eu cymryd gan Fwrdd Dilyniant a Dyfarnu'r Brifysgol Atodol, yn unol â'r canllawiau canlynol: